بنات فكرة الطـــــلاق تراودني .. وهالمرة بقوة

[مظلومه ياناس]

شمسه يشهد علي ربي اني مازليت عليج ولا على خواتي كويتيات بكلمه عسى ربي يرزقج بالذريه الصالحه

وصدقيني باجر لي حملتي انشاءالله بتقرأين الموضوع وتقولين حق نفسج صج ماعندي سالفه

 

[دلوعتك]

السلام عليكم
اختي شمسه انتي تعرفين شنو أجر الصبر ترى أجر عظيييييييييم عند الله سبحانه وتعالى

تعوذي من ابليس وحمدي ربج على النعمه اللي انتي فيها
اكيد الوحده فينا من تتزوج حلمها انها تكون أم ..
تحلم بياهل يقولها يمه ..
الله ماكتبلج هالشي .. لا تقولين ظلم تأكدي ان الله مايظلم الانسان وله حكمه بكل شي يكتبه لنا .. شدراج شنو اللي كاتبه لج بالمستقبل ؟

قلتي انكم حاولتم 3 سنين .. اذا بنظرج انها وااايد اسمحيلي اقولج غلطاانه
رفيجتي اخوها الوحيد تخيلي اخو واحد على 7 بنات ومن تزوج الله ماكتب له عيال تزوج بالضبط قبل الغزو بسنه .. ومن عقب الغزو واهم يعالجون والحين ماشالله تبارك الرحمن عنده بنت تينن عمرها سنه ومرته حامل بتولد وبالسونار قالولها ولد ماشالله ..
تصبري وانا اختج واللي الله كاتبه لج بيصير
تعوذي من ابليس وشيلي فكرة الطلاق من راسج ​

 

[MISS^^CHANEL]

بقولج قصه بنت كانت معانا بالمعهد وانتي اعتبري منها


تزوجت واحد عقب حب وقعدت معاه 5 سنوات طلع منه العيب وانه ماكو امل تطلقت علشان تبي عيال وقعدت ببيت اهلها 4 سنوات على ماطق بابهم واحد ورضت فيه تخيلي على ذمته 2 وحده مطلقها والعيال عنده ووحده موجوده وهذي يت مربيه حق عياله وماقالت شي قالت ماعليه

طلع سكير اعوذ بالله ويطقها ويحقرها وحملت بعد 9 شهور زواجها اليديد وطلع الياهل مشوه استغفر الله العظيم 6 اصابع بكل ايد وبكل ريل وثقب بالقلب والصبي مولود اعمى بنسبه 30%

تدرين شنو صار فيها عقب هذا


كاهيمتحسسسسسسسسسسسسسسسسسسسسسسفه قد شعر راسها خلت الريل اللي يحبها واللي يعوضها كل ذا علشان اسغفر الله ياهل معاق وخدامه عند الريل ومرته وعيال مرته الثانيه

وتخيلي ادق على طليق تبجيله وتتشكاله ومن حبه لها ماتزوج غيرها لي يومج هذا


حرام يوخيتي لو انتي كنتي بمكانه مو بتقولين حسبي الله عليه طلقني وانا مابيدي شي هذي حكمة ربه


قولي اللهم لا اعتراض مو يمكن بهالشي صالحكم مو يمكن اييج ولد عاق يبهدلكم عن كبر

فكري حبوبه حرام والله الحين وين الحب بهالدنيا
كا انا مطلقه من 2002 وحاطه ايدي علي خدي ناطره الريل
كل اللي ايون عوير وزوير

لاتغرج الدنيا ترا محد يبي زواج الحين

واسفه طولت عليج حبوبه تقبلي نصيحتي بصدر رحب لو اختي مكانج بقولها نفس الحجي والله

 

[همسات ليالي]

الله يوفقج ويرزقج يارب

ويرزق كل محرووووووووووووووم

 

[srabeel]

حبيبتي كل شي خيره سبحان الله يمكن يكون إبتلاء لج بشوف مدى صبرج وتحلج وقربج من الله سبحانه (سواء بالصلاة أو بالدعاء ) أو يمكن يكون خيره ما تدرين يمكن لما إيولج يهال ما يبرونج أو ما يكونون صالحين فتكرهين اليوم إلي إنولدو فيه .

والله إني اعرف ناس صارلهم اكثر من 15 سنه متزوجين ما خلو مكان ماراحوله بره الكويت والله ما ما كتب لهم يهال المشكله كانت بالريال فيه ضعف والأمل حييييييييييل ضعيف طبعاً إهي المره ما وقفت كله كانت تحاول بس سبحان الله ملت وأول شهر وقفت العلاج والله إنها حملت والكل مو مصدق وولدت ويابت بنت تهبل وسوت إستقبال بالفندق والحين إحملت مره ثانيه ويابت ولد
شوفي سبحان الله وفي السماء رزقكم .

وهم بنت حماة عمتي ريلها في ضعف بعد وقالو الأمل 1% يعني ولا شي وسبحان الله الله قدر وحملت على هالنسبه 1%

والحين خالة ريلي أكثر من 20 سنه متزوجين وسبحان الله الله ما كتب إنهم إييبون عيال وكاهو عايشين من أحسن ما يمكن مع العلم إنه العيب فيها لكن ريلها ولا يفكر يتزوج عليها من كثر ما إهي زينه ومريحته الله يرزقج ويرزقها إن شاء الله بالذريه الصالحه

حبيبتي تعوذي من إبليس دامج تحبينه حرام أهو ماله ذنب الحين شنو يكون موقفج لما يكون العكس إنتي إلي فيج خلل مو زوجج فهنيه شنو بتسوين المستحيل علشان ما يطلقج أو يتزوج عليج عدل ؟؟

أختي مالج شغل بالناس إنتي ادرى بمصلحتج تقدرين تطلبين الطلاق ويتراوالي المحكمه بتوافق على طول وبعدين ؟؟

تروحين تتزوجين واحد يأذيج وموزين معاج ماراح تتحسفين ؟؟

أنا أنصحج قبل لا تتخذين قرار مصيري إنج تصلين إستخاره والله يهديج إن شاء الله ويرزقج بكل إلي تتمنينه .

 

[سبائك]

قصصكم يا بنات عجيبه:eh_s(2)::eh_s(2):

 

[-Bello-]

شمووووووووووووس ..انا توني ييت وددخلت على طوووول موضوعج ..اشهالخباااااااااااااااااااااااااااال @@ منصجج انتي قولي الحمدالله واستغفري ربج ..انا اليوم عيد زواجي وكملت 3 سنين مع ريلي والحمدالله على كل حال تعوذي من ابليس هذا بليس قاعد يوسوسلج ..واذا تحسين ريلج صاير كانه صديق انتي جددي الحب اللي بينكم وحاولي تعيشين معاه قصة حب يديده ..تدرين انا كلمتي حق امي ذاااك اليوم الحمدالله انا مافيني شي ولا ريلي فيه شي بس هاذي قسمة ربج قتلها حتى لو ربي ماكتبلي من هالريال عيااااال انا راضيه بحكمة ربي وراح اظل معاه باذن الله طووول عمري ..ما الاقي انساااان مثله ماشاءالله ..حبي ريلج اكثر واكثر وتركي عنج الحجي الفاضي والمأخوذ خيره وقعدي استغري وانشاءالله خير ..

 

[ام الكتكوته]

انا بعطيج رقم محل يبيع عسل اعرف ناس وااااااااايد خذوا من العسل وتحسنوا وان شاء الله يفيدج

3920081

7060400

مركز وادي دوعن للعسل

 

[ام الكتكوته]

انا بعطيج رقم محل يبيع عسل اعرف ناس وااااااااايد خذوا من العسل وتحسنوا وان شاء الله يفيدج

3920081

7060400

مركز وادي دوعن للعسل

وان شاء الله الله يكتب لكم الحمل وما ابي منك غير تدعين لي ان الله يرزقني الذرية الصالحة

وبقول لج قصت وحده اعرفها على شان تفكرين قبل لا تقررين الطلاق

اول شي قولي الحمد لله على عطية رب العالمين يمكن الله يبي لج الخير وممكن بيكون الطفل مريض او معاق واتشوفين ضناج بين عينج يتعذب وما تقدرين اتسوين شي

ممكن بيكون هالطفل عاق وماتكسبين فيه الاجر

وممكن وااااااااااايد اشياء لما تفكرين والله انا افكر بهالطريقة

والقصه الي بقوللج ياها

اعرف وحده متزوجه ولد عمها يحبها ويمووووووووت عليها

والله مارزقها منه اعيال وقالتطلقني الريال يحبها بغى يموت وطلقها وبعدها حاول يردها مارضت

تزوجت واحد بدون وعلى شريجه وعنده مرا واعيال يوم عرسها خله العروس وراح حق زوجته الاولى وقالت ميخالف وبعدين احملت منه ذبحها حرات وغثى صار فيها فقر دم حاد وانزفت لما قالت بس واسم الله عليج ولج
طولت العمر البنت ماتت بسبت هالياهل الي بغت تموت لو ما يابته شفتي ان الانسان احيانا يقول الحمد لله والشكر على عطية رب العالمين

والله القصه الي كتبتها لج البنت الله يرحمها اعرفها معرفه شخصيه

ادري قرقت وايد وطولت عليج بس هونيها وتهون

 

[شمسه]

ِAmory سبحان الله .... أعوذ بالله من الشيطان الرجيم .... الشيطان دايما يوس وس للإنسان بالسوء ... والحمد لله على كل حال ....جزاج الله كل الخير حبيبتي على الرد ....


زهرة ربيع جزاج الله كل الخير حبيبتي على الرد وإن شاء الله بشوف عسل العويد


دهن الورد .... جزاج الله كل الخير ... بالفعل الله قادر على كل شي .... ويا رب يرزقنا جميعا في القريب العاجل


harmony يا رب يكون في أمل وإن شاء الله راح أسأل عن هالدكتور وجزاج الله كل الخير على الرد


مظلومة يا ناس... أدري حبيبتي .... انج صاجة وهذا مبين من سلوبج جزاج الله كل الخير حبيبتي ....


دلوعتك صاجة الله عز وجل يقول (( وبشر الصابرين)) ومشكورة على نقل قصة الأمل بصراحة تبعث الأمل في النفوس ....

MISS^^CHANEL سبحن الله .... أوف قصتج وايد صراحة عجيبه سبحان الله ذكرتيني بقول الرسول صلى الله عليه وسلم (( كما تدين تدان ))

اي أنا بصراحة هذا الي خايفه من بالدرجة الأولى اللهم لا اعتراض على حكمتك وقضائك .... الله يصبر رفيجتج يا رب .... ويعوضها خير ... وانتي يا قلبي ميخالف الله كريم .... يا ربي يرزقج بالريل الطيب والذرية الصالحة بأقرب وقت ممكن يا رب العالمين ..... وصاجه بهالزمن قل الحب ... وقل الاخلاص .... وأنا وايد حسيت انج تنصحيني كإختج با رك الله فيج حبيبتي



همسات ليالي آمين يا حياتي

srabeel سبحان الله الأمل 1% واحملت مرته .... قادر على كل شي ... وصاجه حبيبتي هاذي وساوس الشيطان اعوذ بالله منه .... ويا رب يرزقي وكل خواتي بالذرية الصالحة المعافاة ...


سبائك اي والله حبيبتي عسى ربي يرزقنا كلنا من واسع فضله

البنوته بعد عمري انتي ... شفتي بعدج شسوه فيني :eh_s(16): يابلي الوسواس الخناس هههه .... حبيبتي يا ربي تكملووووون مليووون سنه يميع يا رب ... ويجمعكم على الخير والمحبة انتي وزوجج ... ويرزقكم بالذرية الصالحة ... وإن شاء الله بحاول أجدد الحياة الزوجية الي بيننا .... حبيبتي انتي والحمد لله على السلامه


ام حور لا حول ولا قوة إلا بالله العلي العظيم .... إن لله وإنا اليه راجعون .... قصة وايد مؤثرة بصراحة .... جزاج الله كل الخير على سرد القصة الي فيها الكثير من العظه والعبره حبيبتي
ومشكورة على الرقم ... إن شاء الله بدق عليهم

 

[دلوعتك]

اخي شمسه الله يرزقج بالذريه الصالحه
ويجازيج على صبرج امين انشالله

 

[عذاري1976]

(ماكان الله معذبهم وهم يستغفرون)
اكثري من الاستغفار واكثري من طرق الباب فلابد ان ينفتح (الدعاء)
صلي قيام الليل ولا تملين الله يحب اصحاب الهمم العاليه واصبري علي البلاء.
وبعدي عنك هالافكار والله المستعان

 

[المستبده]

حبيبتي معاج حق بشغله وحده انج حاسه ان غدر فيج وماقالج عن حالته
!!!!!!!
بس شتسوين هذه نصيبج وقدر لج شوفي الله شنو كاتبلج
انتي ماتدرين!!
اذا تطلقتي .. ضامنه انج بتتزوجين ؟؟ واذا تزوجتي ضامنه انج اتييين يهال
ماتدرين ان الله مع الصابرين..
دامه يحبج خلج معاه ولاتحسسينه بنقص
تفائلي وقولي جدامه ( انشالله بترسلك البيت عيال))
شوفي شلون راح يستانس
جددو حبكم سافروا طلعووو
بس لا تيأسووون
وشيلي من بالج فكره الطلاق وانشالله يارب يارب ياكريم
ان الله يرزقج ويرزق كل محرومه

نصيييييييييييييحه
كثري من الاستغفااااااااااار عن تجربه الله ييسرلج امورج من جميع النواحي

 

[sunshine22]

فكري بالمستقبل لو جبتي عيال وكبرو تزوجو وطلعلهم بيوت

من بيضل معاج

زوجك............هزوتج اهو بالاول والاخير

صج الضنى من بعد هالناس كلها بس همن الزوج له نصيب ونصيب كبير بعد

وفري له جو


الصبح سوي ريوق طلبي من مطعم مميز
طلعو مطاعم سوي اكشن بالمطعم

غيري غرفت النوم باستمرار حددي تاريخ بالشهر تغيرين اللوك كلووووو

سوي شاي قهو العصاري

تناقشو بالدين تظللكم الملائكه



وشيلي الطلاق دام الرجال حبوب وابن حلال ماتدرين لو تطيحين بالعن منه هذا اذا لقيتي ريال الفرص راح تقل من بعد الطلاق وماتضمنين

هذا الحجي

 

[sHa6o0ra]

تو الناس حبيبتي صبري ماصارلج الا 3 سنين حتى لو انه مبلش علاج
مامداه يطلع مفعوله



بعدين جربي العلاج بالعسل والحبه السوده (هم العلاج يحتاج مده طويله)
ولاتفكرين وايد بالعيال ترى التفكير ياخر الحمل


والحمدلله ان ريلج فيه ضعف بالحيوانات مو معدومه يعني الامل موجود

عسى الله يرزقج الذريه الصالحه وتحملين هالشهر يارب

 

[شمسه]

دلوعتك ..... آميييييين ... جزاج الله كل الخير


عذاري1976 .... اللهم أنت ربي لا إله إلا انت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء بذنبي فاغفر لي فأنه لا يغفر الذنوب إلا انت .... جزاج الله كل خير



المستبده جزاج الله كل الخير ... إن شاء الله بحاول أجدد حياتنا .... واستغفر الله العظيم .... بالفعل الاستغفار .. أهم شي .....


sunshine22 ما شاء الله عليج .... صاجة ... المفروض يصير تجديد .... وإن شاء الله يا رب الله يرزقنا جميعا



sHa6o0ra جزاج الله كل الخير على المرور ... والعسل أكيد فيه الفايده ... وإن شاء الله راح نجرب الحبة السوده

 

[^DanaH^]

شمووووووووووووسه ياقلبي ............. توني أشوف موضوعج بجيتيني والله :eh_s(16): ............... ترا هالحالات تمر علي ..... اول شي تعوذي من ابليس ..... ويعطيكم العافيه يابنات على الكلام لانه هم أثر فيني ......

ارفعي ايدج فوق وادعي ربج بالصــــــــبـــــــــــــــر لانه موسهل والله صعععععععب يابنات لاتلومون شمسه ولاتلومون اي وحده تفكر جذيه لانه تعذيب بطــــــــيء العلاج والترقب والألم النفسي والمعنوي وبعدين لاحول ولاقوةالا بالله مافي شي ........ بس رحمة الله واااسعه واحنا البشر ضعفاء بكل شي... وحتى البلاء اللي الله يبلينا فيه ولازم نصبرعليه ونحتسب لانه تكفير ذنوب..... نمل ونستسلم بسرعه مع ان خيره لنا (عسى ان تكرهوا شيئا وهو خير لكم) ........

شموووسه ياعمري بلشي بالتلقيح المجهري والله يوفقج يارب ويرزقج بالتوأم اللي يأذونج ولايخلونج تنامين :eh_s(3): .....​

 

[شمسه]

أم عبد الرحمن ... هلا والله زمااان عنج .... الله يسمع منج يا ربي ويرزقنا جميعا وانتي صاجة والله عسى أن تكرهوا ضيئا وهو خير لكم .... سبحان الله

يا ربي ينزل علينا السكينه

 

[الفنانه79]

شمسه سمعيني عدل ياخويتج وماراح اطول عليج
اعيش مع ريال بدون اعيال ايدللني ويحبني ويعزني ويرزني ومايحرمني من شي واروح وارجع معاه واسافر ؟؟؟
ولا اتطلق ويمكن مااتزوج (واكون محرومه من الذريه ومن حنان الزوج ))
ولا اتزوج واحد ثاني واجرب نصيبي منه واعيش على كلمة (يمكن يكون زين)
ويمكن يكون مو زين واهني شنو فايدة العيال مع زوج موزين وياذيني ويلعوزني ويبهذلني وشنو ذنب هاليهال معاه ؟؟؟
فكري عدل يالغاليه
وخليج على زوجج روحو طقوا كل بيبان العلاجات الطب تطور وانتوا في اول العمر ماتدرين ربج شنو خاشلج من شي زين
واستخيري ربج (فلاخاب من استخار)

 

[شمسه]

الفنانة جزاج الله كل الخير حبيبتي على الرد .......

كلامج مضبوووط .... الله يسهل علينا كلنا يا رب ​