بنات عيب عليكم

[.Nihal.]

قوة بنات شلوونكم

زايد نشاطي هاليومين مادري ليش

الظاهر من الريدبول

المهم انا لاحظت شغلة بالمنتدا واول مرة اشوفها !

من سنين وانا ادش منتديات بس مع احترامي يوم سجلت بهالمنتدا

الاحظ لما مثلا تكون وحدة حاطة موضوع او مشكلة او وجهة نظر

تنط وحدة ثانية تاكلها بقشورها وباسلوب وايد منحط @@

وفي بالي جم موضوع ودي احط لكم عينة عن اللي اتكلم عنه بس مابي اسبب مشاكل ..

ليش يعني قلة الادب ؟

شنو تستفدين تغلطين على وحدة ما تعرفج ولا تعرفينها

بس لان الاشراف شبه معدوم ومحد يراقبج ؟

ردودج تعكس تربيتج واخلاقج فانتبهي !

ترا اذا ماكو مشرفين يمسحون ردج او يوقفون عضويتج في رب فوق يشوفج
وبيحاسبج على كل حرف كتبتيه

وماله داعي هالالفاظ .. سدي حلجج , اكرمينا بسكوتج , مالت عليج عبالي عندج سالفة ....الخ

البنت لما تطرح موضوع تعتبركم خواتها وتبيكم تساعدونها او تبي رايكم مو تبي تتهاوش معاكم

اذا احنا مختلفين بالافكار بالعادات والتقاليد والافكار هذي مو مشكلة !

صحيح عندنا اختلافات لان تركيباتنا مختلفة سواء حضر او عيم او بدو او شيعة او سنة واصولنا من اماكن مختلفة

لكن مو معناته اللي جدامج تفكيرها يختلف عنج تاخذينهااا بشراع وميداف

عبري عن رايج لكن باسلوووب حلو

جذي تبضين صفحتج وتحببين العضواات فيج مو تخلينهم يكشون منج لا احترام ولا حشيمة

وسوري عالطوالة بس الاحترام اساس كل شي

وفديتكم كلكم :eh_s(7):

 

[.Nihal.]

ملاحظة مهمة:

بنات الموضوع المصخرة اللي صار في منتدى الحياة الزوجية ترا بعيد كل البعد عن موضوعي

وانا اقصد مواضيع ثانية برا هذا القسم

فبليز لحد اييب طاريه لان الموضوع هذاك اساسا كان مصخرة من بدايته وفلم ومحطوط عبط واعتقد واضح هالشي من العضوة نفسها ومن ردودها

اما اللي اتحجى عنه بنات طرحوا مشكلاتهم باقسام ثانية واستقبلوا ردود جارحة

 

[M!Ss 3B8RiNOaH]

الله يهدينا ويهدي الجميع

 

[دكتواره]

الحيين وين لو تقوولين منو بيسمع ؟الي صج تخاف الله ومحترمه و اخلاقها حميده مستحيل تكتب الفاظ قبيحه وتلقين نصهم بزران بس احنا نقصد

كبااااار


وموضوعج 100% thanks

 

[.Nihal.]

تسلميييييين مس عالرد

انا انحولت قريت نكج مس عقربونة مو عبقريونة لوووول

 

[مس تسذآ]

كل وحده باسلوبها تعبر عن تربيتها و اخلاقهآ

و ترى مو كل الناس متربين ,

شنسوي بعد الله يصلحهم مو بيدنا نعدل اسلوب الكل ,

مشكوره و يعطييج العافيه عالموضوع ان شاءالله يتعظون عاد .

 

[.Nihal.]

دكتورااه

صاجة والله انا اللي شفتهم عضوات كبار ولا متزوجات

شلون بتربي عيالها اذا الام اخلاقها جذي

مشكورة عالمشاركة نورتينا

 

[.Nihal.]

مس تسذاا

اي والله ما بيدنا شي بس اتمنى يكون هالموضوع رسالة توصلهم وما ياخذونها بتعصب ويطلع المستخبي ههههههههه

منورة حبيبتي

 

[M!Ss 3B8RiNOaH]

تسلميييييين مس عالرد

انا انحولت قريت نكج مس عقربونة مو عبقريونة لوووول

ولو حياتي :eh_s(17):
لووول لا عادي يا قلبي :eh_s(22):

 

[شباصـه فرنسيــه]

كلامك 100%
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: (( مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ )) أخرجه البخاري ومسلم

وكل شخص يمثل نفسه واخلاقه بالمنتدى
وربي يهدي الجميع
ويعطيـكِ العافيه على الموضوع الحلووو

 

[ليـن الـِورد]

الانسان الراقي رااااااااااااقي وين ما راح
بالمنتدى او بالبيت او بمكان عام اوو اي مكااان
واي شي تقولينه ينحسب ع البنت ويدل ع اخلاقها وتربيتها
...
...
وكل إناء بما فيه ينضح
^^^^
بإختصااار يعني كل وحده تعبر عن نفسها وشخصيتها
ان قالت شي سنع يعني اهي سنعه وان قالت شي مو سنع يعني اهي مو سنعه
..
..
وجد مشكوووره ع موووضوووعج
Right 100%*

 

[Tulips]

ياما وياما تكلمنا وتكلمو البنات بس ماكو فايده

الفتره اللي طافت البنات صج صج فصلو لدرجة اتشوفين جم بنت مسجلين بالمنتدى بس علشان تستفرد عضلات لسانها اهني .. لا ادب ولا احترام

بس الحمدلله شووووي خفت هالظاهره وان شالله تنعدم

وسبب هالشي اهو " عدم احترام الراي الثاني " متى ما احترامنا اراء بعض حتى لو مانتفق معاها المنتدى راح يصير بخير

 

[ساره أمها كويتيه]

يعطيج العاااااافيه معااااااااااج حق موضوع مميز.........

 

[غرور الشمري]

والله انج صااااااااااادقه بكللللل كلممممممه قلتيه بس جد في ناس تقهر بس الشكوى لله

 

[لـــيل]

صح والله صدقتي ليش الاسلوب هذا انا اقراء ردود وربي عيوني تطلع عيب يعبر عن شخصيت الوحده وتربيتها لذاتها ,صح يمكن محد يعرفك ولاتعرفين احد بس برضو مالك حق اذا فيه شي مضايقك بحياتك لاتحطين حرتك وسبك وضغطك هنا
نكون اخوات احباب نحسن اتعامل والالفاظ

 

[كيداهم كيد]

انا قبل لاشترك بالمنتدى كنت ادخل من غير اشتراك واطالع الاقسام امس سويت حساب بهوتميل وسجلت اليوم


الصراحه قسم الحياة الزوجيه الله اكبر بنات مو متزوجات اكثر فئه هناك والله جد عيب

وتدش وتتكلم عن شغلات التضوييق للمرا وسوالف ويدشون ويتكلمون احسن منا حنا المتزوجات

جلة حيا

 

[كيكااا]

معاج بكل كلما قلتيها

 

[cnn79]

يعطيك الفاع عافية

 

[المكسيكيه]

الله بالعون حبيبتي

 

[BubbLe87]

اايدج بكل اللي قلتيه