بنات عندى سؤال ابيكم تفيدونى؟؟؟؟

[أم الفهد]

مرحبا صبايا


حبيباتى بغيت اعرف منو عندها هوايه الرسم على القماش مثل الرسم على التى شرتات ابى اعرف شنو الالوان اللى تستخدم للرسم على الخام وشنو نوعها واسمها لان شريت الوان رسم على الخام ولما رسمت وخلصت وكويتها عساس اثبت الون ورحت وغسلتها انحاست الالوان على بعد فا يا ريت اللى عندها فكره عن الرسم على التى شرتات او الخام تفيدنى وتقول لى شنو الخطوات المتبعه عشان تطلع الالوان مضبوطه مو بالغسيل تروح اكون شاكره لكل من يفيدنى او حتى يطلع على موضوعى فديتكم

 

[قلبوو انا]

حبيبتي والله مااعرف

بس نفسي اتعلم

انا معك بالانتظار ..

 

[فناتق^كويتيه]

رفع رفع

وانا بعد وياكم

توني كنت بنزل موضوع استفسر فيه بخصوص هالموضوع .

من وين نشتري الوان الرسم عالقماش؟ واشلون نرسم؟ يعني نقلد رسمات جاهزه؟

واشلون نقدر نحافظ على الألوان بعد الغسيل؟

 

[أخت مشعل]

حبيبتي فـيه الوان خاصه للقماااش تلقينها بمكتبة السنافر فوق وتلقينها بدسمان بعد..


واذا تبين ترسمين رسمه عاجبتك كبيرها على الحد اللي تبينه وصوووووريها بورقه ثانيه يعني كبيره اي فور والا اي ثري واذا كبرتيها جيبي الشفاف ولزقيه على الورقه كلها واذا كانت الورقه كبيره لزقي شفافين ببعض وحطيه على الورقه وبالكتر قصي حدود الرسمه . خلينا نقول ان الرسمه ورده بيكون داخل الرسمه فراغات بعد قصي الفراغات بالكتر واذا خلصتي من التفريق عقب حاولي تفصلين الورقه عن الشفاافيه

وثبتي الشفافيه على الخام اللي تبين ولونيها بالالوان اللي عندك

طريقة التلوين جيبي لك نفس علب الثلج اللي نحط فـيهم ثلج ونحطهم بالثلاجه بس فارغات وحطي فيهم الالوان اللي تبين واخذي لك اسفنجه واخذي من اللون اللي تبين ولوني المكان اللي تبينه بالرسمه واذا تبين تفتحين اللون حطي معاه زيااده ابيض ترى الابيض مهم انك تشترينه .

بس لاتضغطين على اللون بالخامه بيطلع شكلها مو حلو لا طقطقي بخفه خلي ايدك خفيفه على الرسمه واذا خلصتي حطيها بالشمس علشان تجف وبس


اي استفسار ثاني انا بالخدمه

 

[amooL]

والله ماعندي موهبه رسم ولاحس فني كلش

بس احب هالشغلات


واخت مشعل ماقصرت يعطيها العافيه


بس ماحبيت ما اساعدكم بشي عندي


http://nadashope.wordpress.com/

هذي مدونه وحده عندها هالهوايه

اهي انسانه حبوبه و تساعد اذا عندج اي سؤال او اي شي

بس راسليها وهي ان شالله ماتقصر

 

[اغادير الكويت]

مرحبا حبيبتي000
روحي لدسمان لمكتبه اسمها الفنون الجميله عندهم خبيره وفنانه بنس الوقت اسمها (رنا) هي راح تفيدج بكل شي

 

[عهود الحب]

توني بدش اساعدج
بس لقيت البنات ماقصروا جزاهم الله خير
اهم شي بالرسم ما تزودين اللون حيل على قولتها خليه طبطبة

ودسمان < ما ادراك ما دسمان روحي للمكتبه الي قالت عنها الاخت وشوفي برواقة لاتستعجلين واسألي واستفسري لاتسكتين


وجربي اول شي على قطعه خام صغيره وعقب اغسليها ولما تنجح التجربة عاد بلشي عملج الفني


موفقة