بنات عفيه ساعدوني كوكي ريله مكسوره

[.. Dior ..]

مرحبا





بنات عفيه ساعدوني كوكي كان يلعب بالمطبخ وريله دشت بفتحة تصريف الماي عرفتوها اللي بارضية المطبخ وانا ماكنت موجوده والخادمه طلعته

الحين يعرج مايمشي عليها ولا ياكل وكله ينونو شسوي تكفوني مو قادره انطر للصبح ابي حل

مو راضي ياكل ولا يخليني المس ريله يصيح ومايقدر يمشي عليها

قلبي يعورني والله قمت ابجي على حاله

امانه بنات لاتخلوني بهالحاله عطوني اي حل شلون اخفف عنه الالم

ينفع احط له كمادات انا خايفه اسوي شي اعوره زياده

اهو بسهوله تنكسر ريله ولا بس متعور :0bee2e8d89:

طمنوني واللي تعرف حل تفيدني والله ادعيلها من قلبي

 

[كلي انوثه]

الله يستر
والله مادري
بس ما حبيت ما ارد عليج
يا ربي تهون عليه العواار فديته

 

[بــدويه]

فديته مآ يشوٍف الشرٍ <~ ميمي خنقتهـآ الع؛ـبرٍه

ديوٍرٍ أنطرٍي عليه شوٍي يمكن موٍ كسرٍ انآ مرٍه ميمي طآحت من القنفه .. وبعدهآ قعدت تعرج وآ تمشي .. عقب ربع سآعه جذي قامت تمشي عادي .. انآ كنت حيل خايفه مآ أقتنعت وديتها الطبيب وقلت له ..

وفحصها ولا مآفيها شي بس كآنت تتدلع حتى هو قال انتي يخاف عليها ويجي بسرعه قلت اي بسرعه خفت وقمت اطالعها وامسح عليها وجذي ضحك شوي قال لا هي يسوي جذي عادي مافيها شي ..

بس لو صج كسرٍ مصيبه هذي لازٍم تنطرٍين الطبيب أهو اللي راح يفيدج لا تتعبثين لان حرام يتعوٍرٍ..

لا تحركينه من مكانه وانتي وكليه بإيدج وشربيه الماي من قفشه يشرب ترى لا تحاتين ..

عطيه قيمر إي شي ينلحس اسهل عليه يمكن ماله خلق ياكل يلحس شوي شوي لمآ يشتهي ياكل ..

<~ راح أدور إي شي يفيد بقووقل

 

[بــدويه]

بسم الله الرحمن الرحيم

اخواني اخواتي انا اليوم جايبلكم اهم شي للقطط وهو البيطره الطارئه وهو للي ماعندهم احد يوديهم للبيطري ونبدء بل عندي من الخبره والي قريته يلاااا

الكسور:عند القطط
الكسور عند القط وهو من اخطر الحالات الشائعه عندنا وهو بسببه تموت القطط الا اذا كان كسر خفيف اذا كسر اليد باسرع وقت اغسل يدها بماء دافئه لتسترخي ولا تنسى ان تحملها برفق شديييد ثم نشفها برفق وذا كان هنالك جروح اجلب المطهر العادي وطهر الجره برفق طبعن ستصرخ بقوه ولاكن لمصلحتها لألا يلتهب الجرح ويتجمع الجراثيم ثمن الصق الجرح وثمن اجلب اعواد نحيفه او سميكه قليلا خمس اعواد فقط ثم اجلب شاش واربطه برفق ولااااااا ترص عليه بقوه والصق الشاش وهي ستتخدر طبعن ستنام ثمن اذا توفر وسيلت نقل للبيطري اسرع اليه والساق والرقبه بنفس الطريقه وتمنياتي بالشفاء العاجل

الجروح البليغه والطفيفه:

الجروح وهي اخطر شي ويسبب التهابات خطيييره جدددآآآآ وتسبب وفات بس الى اذا مشيت على طريقتي ماراح تموت انشاء الله هيا نبدأ يلاااا الجروح الطفيفه وهي الخفيفه وهي التي بخارج الحم يعني مابين الحم والجلد وهي بسيطه بس لازم نعتي فيها لألا تسبب التهاب بس في بعض القطط عندهم مناعه قويه تجاه الجروح الطفيفه (الخفيفه) بس بعضهم لا المهم اذا جرح القط اغسلها بسرع وقت بس كيف تغسلها جب منديل وبله بالمويه وعصره عليه ومسحه وجب مطهر وطهره ولازم تقص شعر مكان الجرح لا تخاف راح يطلع بداله وحط الزقه وشتري البلاستيكه الي تنحط حول الرقبه عشان مايعض الجرح وخلاص وغير الزقه وطهرها كل يوم لازززززززم والجروح البليغه الي تحت الجلد عند الحم المهم اغسلها بدون من ديل لن راح تنزف يقوه وبعدين حط المنديل الناشف وطهرها وثمن حط شاش عشان تقلل النزيف ووديها عند اقرب بيطري لنها اخطر اخطر الحالات للقطط ممكن يموت خلال دقيقه وعاد الباقي على الدكتور بيخيطه ترا لأن الجرح يعتبر شق وانتمنا الشفاء العاجل

هذا اللي لقيته فديتج الله يشافيه

 

[.. Dior ..]

فديتكم بنات ماتقصرون

بدويه ان شاء الله يكون بس عوار بس طيحه من القنفه ولا اي مكان اهون اهو دايما يطمر من فوق السرير او القنفات

بس هالمره نشبت ريله وقام يعافر الظاهر عور نفسه

واي ياقلبي شيطلع الصبح الحين

كاهو قاعد يمي ويرجف مو راضي المسه ومو راضي ياكل

ترا ريله ثانيها مايمدها نفس الثانيه

بدويه امانه اذا لقيتي شي ينفع قوليلي عليه والله قلبي متقطع مو قادره اخليه شكلي حتى دوام ماني رايحه

 

[بــدويه]

إن شآء الله

 

[.. Dior ..]

مشكوره يابدويه ماتقصرين ياقلبي فديتج

 

[Forever & Ever]

مايشووووف شر حبيبتي

طمنينا اشصار عليه !!!

 

[jewel]

ديور ما يشوف شر

طمنينا
إن شاء الله تكون رضه خفيفه و بسرعة يشفي

 

[sweet cake]

ديور شصار عليه؟؟
ما يشوف شر إن شاء الله

 

[krkosha]

اخيييه حبيبي فديته مايشوف شر
طمنينا عليه حبيبتي لو موديته الطبيب احسن موو؟

 

[.. Dior ..]

مشكورين حبايبي ماقصرتوا

اي وديته للطبيب والحمدلله طمني طلعت رضه مو كسر

والله قطع قلبي فديته للحين مايمشي عدل بس قام ياكل

بس الحمدلله مو شي جايد

تسلمون بنات

 

[.. Dior ..]

كركوشه انا وديته للطبيب بس هالكلام بالليل مافي مستشفى

وانا خفت عليه قلت ماكو الا حبايبي بنات المنتدى يفيدوني ويخففون عني

 

[jewel]

الحمد الله على سلامته ديور

 

[Forever & Ever]

يالله الحمدلله على سلامته

واشوى اللي يات على جذي بس

 

[.. Dior ..]

الله يسلمكم حبايبي

 

[Kawaii GiяL]

واي يختييي حبيبي فديته اشوة الحمدلله طلع مو كسر
بس رضة عاد ما وصيج توة راد من الطبيب ... دلعيه شوي سويله الاشياءات اللي يحبها اشتريله لعبه حنانس المهم ونسيه

 

[.. Dior ..]

اي بعد عمري مدلعته مع اني وايد مشغوله هالايام

بس اهو دلوع مايمشي عليها للحين صج شنو لعبة حنانس ؟

تسلمين حبيبتي

 

[Kawaii GiяL]

لوووووووووووووووووووول قصدي اشتريله لعبه .

حنانس يعني يختي يعني كربونش يعني كيووت ... لوول دلع ما ينقال الا حق الللي احجامهم صغيره او يكونون كيوت

لووووول والله ضحكتيني ههههههههههههههههههههههههههه فديت عفويتج >_<

 

[.. Dior ..]

ههههههههههههههههههههههههههههههههههههه

والله مت من الضحك على هالسالفه

وانا عبالي اسم لعبه لوووووول