بنات عفيه ابي حل حق مشكلتي {كل ما احف ويهي سواء بخيط و الا شمع يحبب}

[Q8Lady]

الفاكورت فيه كورتيزون مايصلح للحوامل

 

[orange87]

حياتي المستوصف يعطونج كريم اسمه فوسادين معروف حق الحساسيه
انا بصراحه لمن اشيل شيره ظهري يطلعلي حبوب اتخرع رحت الصيدليه عطوني هذا الكريم ب 4 دنانير
وبعدين لقيته بالمستوصف موجود بلاش

 

[هناديq8]

رد : بنات عفيه ابي حل حق مشكلتي {كل ما احف ويهي سواء بخيط و الا شمع يحبب}

الاسكينول حار على البشره فما بالج بعد الحف؟؟؟!!!!!!!!!!!

 

[tho tho]

رد : رد: بنات عفيه ابي حل حق مشكلتي {كل ما احف ويهي سواء بخيط و الا شمع يحبب}

انا و اختي نفس المشكلة بشرتنا حساسة و تطلع لنا حبوب و تطول عشان تروح و تبقى اثارها
لاعت جبودنا فرحنا سوينا ليزر
انا سويت في بوشهري كلينك و اهيا سوت في رويال حياة
المهم
لا انا ولا اهي استفدنا من الليزر
اهي بيضة و شعر ويهها اسود و انا سمرة و شعر ويههي خفيييف
استمرينا على الليزر تقريبا سنتين بس ماكو فايدة.. الشعر يخف بس مايروح.. و طلع لنا شعر بأماكن ماكان فيها شعر اصلا.. يعني تجربة الليزر كانت فاااااااااشلة معانا

فردينا حق الحف بالشمع و الخيط و كل مرة نجرب شي حق هالحبوب اللي تطلع لنا ليييين وصلنا حق طريقة زينة و الحمدلله مرتاحين عليها و ان شاء الله تستفيدين منها

الطريقة اهي:
1- قبل الحف بيومين تحطين على ويهج كريم فوسيدين مرة وحدة باليوم
2- يوم الحف.. تخلطين هردة مع عسل (الكمية على كيفج بالنظر) و تحطينها بصحن بالفريزر
3- تغسلين ويهج من اي كريم او مكياج و تروحين تحفين
4- اول ماتخلصين حف بالصالون حطي ثلجة على ويهج و مرريها على كل المنطقة اللي حفيتيها لين تذوب الثلجة.. تقدرين اتحطين ثلجة ثانية اذا حسيتي ان ويهج ليلحين حاار
5- تروحين البيت و على طووول تطلعين الهردة مع العسل من الفريزر و توزعينها على ويهج مثل الماسك و تخلينها ليييين تنشف او ربع ساعة على الاقل و بعدين تغسلينها بماي بارد
6- تنشفين ويهج و تحطين كريم فوسيدين و تستمرين عليه مدة 3 ايام بعد الحف مرتين باليوم

ملاحظة: لاتحطين الفوسيدين و تطلعين بالشمس ممنووع.. يعني حطيه اذا رديتي من الدوام و بالليل قبل النوم

بس بالنسبة للحامل لازم تتأكد من الصيدلية لأن الكريم فيه نسبة بسييييطة من الكورتيزون و مادري اذا يأثر على الجنين او لا

وووي فديت قلبج حبيبتي ما قصرتي
بميزان اعمالج ان شاء الله
بجرب طريقتج المره اليايه :33_1185028183:

 

[tho tho]

رد : رد: بنات عفيه ابي حل حق مشكلتي {كل ما احف ويهي سواء بخيط و الا شمع يحبب}

الفاكورت فيه كورتيزون مايصلح للحوامل

اشكرج حبيبتي على الافاده :nbvppw:

 

[tho tho]

رد : رد: بنات عفيه ابي حل حق مشكلتي {كل ما احف ويهي سواء بخيط و الا شمع يحبب}

حياتي المستوصف يعطونج كريم اسمه فوسادين معروف حق الحساسيه
انا بصراحه لمن اشيل شيره ظهري يطلعلي حبوب اتخرع رحت الصيدليه عطوني هذا الكريم ب 4 دنانير
وبعدين لقيته بالمستوصف موجود بلاش

ايييي وايييد بنات انصحوني فيه
ان شاء الله بجربه
اشكرج حبيبتي :tek:

 

[tho tho]

رد : بنات عفيه ابي حل حق مشكلتي {كل ما احف ويهي سواء بخيط و الا شمع يحبب}

الاسكينول حار على البشره فما بالج بعد الحف؟؟؟!!!!!!!!!!!

لا بس توبه ماراح استخدمه :cxxxp:
اشكرج ياقلبي :tek: