بنات عطوني من وقتكم شوي تكفون صاكه فيني الدنيا و معطيني 4 ايام و ارد الخبر ساعدوني

[q8ya-barby19]

والله اشوفه مو كبير
دامه زين شتبين اكثر يختي استخيري وتوكلي على الله شتبين بالعمر باجر تاخذين واحد كبرج يعل قلبج

 

[اهواك بلا امل]

استخيرى اهو كبير وفرق بينج وبينة
بس موسبب للرفض حرام يمكن يكون زين
استخيرى واذ رتحتي وافقي

 

[MisS^MesSY]

بالعكس مافي شي بس إنتي استخيري حبيبتي إذا الله كاتبه من نصيبج راح تاخذينه
والله يوفقج حبوبه

 

[eman84]

لا موكبير بالعكس عمره واايد زين و ان شاء الله يكون راكد و شتبين بالصغار اغلبهم طايشين

الكبير يكون رزين و فاهم و تفكيره اوسع وانضج من اللي اصغر من ال30

توكلي على الله و استخيري و الله يوفقج ياارب و نصيحتي دام ابوج يبيه و انتي تقولين ماعليه قاصر وخوش ولد توكلي على الله

مو كل مره تييج فرصة جذي

 

[مطير وحلاها غير]

مشكورين جزاكم الله الف خير

والله حسيت برااحه شووي من كلامكم

واتمنى البااقي يردوون و يقوولوون رايهم ..

 

[أميره الدوسري]

رد : بنات عطوني من وقتكم شوي تكفون صاكه فيني الدنيا و معطيني 4 ايام و ارد الخبر ساعدو

اولآ : استخيري

ثآنيآ : انآ امنيتي آخذوآآحد بالثلآثين هذول اللي فآهمين البنت صح مو اللي يسووون فيهآ رجآجيل وهم من جنبهآ خخخخخ

 

[بنت الدوووحة]

رد : بنات عطوني من وقتكم شوي تكفون صاكه فيني الدنيا و معطيني 4 ايام و ارد الخبر ساعدو

بالعكس احلى سن واحلى فارق عمري بين الزوجين ،،، اذا بتسمعين النصيحة توكلي على الله دام انه كامل والكامل الله ،، والله يوفقج

 

[الغنج والدلع]

إذا ريال زين وين المشكله استخيري وتوكلي ع الله

 

[العاشقة]

رد : بنات عطوني من وقتكم شوي تكفون صاكه فيني الدنيا و معطيني 4 ايام و ارد الخبر ساعدو

استخيري وما خاب من استخار.... وانا من تجربه زوجي اكبر مني 13 سنه وعادي ما احسن بالفرق.. والحمدلله علي كل شي ..صج مرات احس باختلاف تفكيرنا.. بس عادي ..وانا الحمدلله مقتنعه فيه واحبه والله يوفقك ويوفقنا ..

 

[مطير وحلاها غير]

تكفووون طلبتكم ابي الكل يشارك مني لين يوم الخميس ابي الكل يعطيني رايه تكفون والله ادعي لكم

 

[سارووونه22]

استخيري وتوكلي على الله وانا اشوف ان سنه مناسب لج

 

[شقرديه كيوت]

رد : بنات عطوني من وقتكم شوي تكفون صاكه فيني الدنيا و معطيني 4 ايام و ارد الخبر ساعدو

انصحج توافقين -- انا زوجي اكبر مني بثمان سنين والحمدلله مرتاحه احسه انسان فاهم وكبير وباله طويل احسن من اللي يكون قريب من عمرج يكون طايش ولا عنده طولة بال - وعندي بعد رفيجتي زوجها اكبر منها بعشر سنين والحمدلله مرتاحه ---بالآخير هّذا نصيب وجانه زين عساه من نصيبج--اتمنى لج التوفيق والسعاده-عاد بشرينا-:eh_s(21):

 

[غنوة ستايل]

عمره عااادي مثل الفرق اللي بيني وبين ريلي والحمد الله متفاهمين

 

[دموع تائهه]

استخيري
الله يكتب لج اللي فيه الصالح

وانا اعرف وايد بنات من عايلتنا نفس الشي ماخذين كبار ومتهنين
دام انه الكل يمدحه واهله زينين الله يوفقج استخيري وتوكلي على الله

 

[شقرديه كيوت]

رد : بنات عطوني من وقتكم شوي تكفون صاكه فيني الدنيا و معطيني 4 ايام و ارد الخبر ساعدو

بعدين حبيبتي الرجال مايبين عليه الكبر اصلا كل ما كبر زادت جاذبيته مو مثل المره حمال وتدريس ولوعة جبد ينهد حيلها المسكينه فتبين اكبر من زوجها-احسن صغيره اتدلعين عليه ويتحمل زعلج وطيشج لصغر سنج----

 

[تعويذه الحب]

لا حبيبتي عادي نفس الفرق بين اختي وريلها وكاهي الحمدلله عايشه بهدوء الله يتمم عليهم

حبيبتي وبعدين الكبير يدلل ولصغير يعلل توكلي على الله ووافقي

 

[سموالاميره]

انتي اكبر مني هههههههه

الله يسلمچ انا تزوجت وعمري 17 و18 حملت و19 حملت وهو 31 كنت انا اول من كسر القاعده والناس حاظره عرسي علشان يشوفون الفرق اللي بينا بس انصحج نصييييييحه لا طوفينه اذا زين واخذيها قاااااااعده ( الكبير يدلل والصغير يعلل)

 

[سموالاميره]

قولي امين الله يهنيچ ويكتبلچ النصيب المبارك ويشيلچ بعيونه ياااااااااارب

 

[انسام الكويت]

اولا استخيري عشان ترتاحين اكثر بس بالنسبه للعمر

تراا مو كبير منااااسب واااايد والرجال اللي بهالعمر يكون ناضج وواعي

وراح يكوون قد الزواج واهم شي اتحاتين اخلاقه وانه يكون مصلي وخايف ربه

وانتي من كلامج الكل امدحة يعني ماعليه قصوور حبوبه الحين وقتنا محد بيحصل رجال

زين والكل يمدحة الفرصه تيي مرة وحده وانا خيتج و توكلي على الله واخذيه

 

[مندوبة ام بندر]

حبيبتي استخيري
واللي اشوفه عمره مناااسب