بنات عطوني رايكم صج سرير البيبي موضه قديمه

[قمورة الكويت]

حبيبتي احنا تحت عندنا صاله مفتوحه وصاله مسكرره صالتنا المسكره بحط لي فيها سرير لي وللبيبي واذا جو الناس القراب يعني خالاتي وعماتي بنقعد فيها والبيبي عندي
اما اذا جاني احد بروح للصاله العوده المفتوحه واقعد معاهم بدون سرير واجيب البيبي يشوفونه وارده لغرفته وبسسس
جذي احسن شي

 

[La t7atini]

مادري احنا نظامنا لازم في غرفه داخليه صااده عن الصالات والاستقبال
نحط فيها سرير الوالدة والبيبي وياخذون راحتهم

اذا زارونا ظيوف تلبس وتطلعلهم بالصالة ع مايشربون
عصيرهم وقهوتهم نجيب البيبي ويمر عليهم كل وحده تعلق
ع شي ويشوفوونه ونرده داخل احيانا واحيانا عادي نخليه


شوفي الاريح لج وترا عموماً محد يزورج اول 10 او 15 يوم
يخلونج ترد صحتج وتاخذين راحتج عقلبها يبدون يزورون
الا طبعا القرااب عادي لو انسدح بينهم

 

[أم حورية]

ماكو شي قديم ولا يديد عموما سالفة السرير +سرير البيبي اريح لج من القومة والقعدة مع الزوار ​

احسن رد

اول ايام الوحدة مافيها حيل تقوم من الفراش وين بتحطين الياهل ؟

مو كل شي نمشي فيها بالموضة كلها سرير واهم شي راحتج حبيبتي

 

[متيمه بهواه]

أحنا لو ربي يفكنا من هالفوضه
أقصد المووضه ههههههههههه جان احنا بخير
من سنة جدي وهم يحطون سرير للوالد وللبيبي
صارت هلحين قديمه
وبعدين فيه ناس ماتذكر الله
تشوفك قايمه ولا قاعده بينهم ومتبرعه وانتي تو والد لج أسبوع ولا 10 ايام ولا 15 يووم

أي لو انه مافيها شي ماجلست تربعت بينا
انا ما اقول سوي نفسج بتموتين وتونين وتطنين لالا طبعا >>>> يمديكم على الوصف خخخخخخخخخخخخ

بس راحة الوحده في سريرها
وبخصوص الطفل
خليه بعيد عنكـ وبعد مايتقهون ويخلصون مافيها شي جيبيه يشوفونه
مع انه هلحركه مانسويها باطفالنا بس فيه ناس تسويها

هو ع التعوود

والله الحااافظ

 

[مواصله]

مو حلوه حركة تخشش الجاهل،،ناس جايين ومتعنيين يزورنج عااادي عيشي حياتج طبيعيه

سريرج وسرير البيبي جنب بعض

 

[$حبيبة عبودي$]

لا سرير لج ولا للبيبي مو حلوه ومحد يسويها
قعدي بالصاله عادي والبيبي طلعيه يشوفونه ورديه غرفته عن النسم والعطس والكحه واللويه الياهل بالعمر هذا مافي مناعه

:eh_s(15)::eh_s(15):