بنات طليقي بعد اللي سواه فيني يبي يردني ؟؟!! توووه دق

[StrOnG WoMeN]

حبيبتي الله يهدي بالكم
واذا رجعتج فيها الخير رجعي الطلاق اذيه خاصه اذا في اعيال بينكم
والله يسهل عليج ولادتج

 

[brettey]

حبوبه شكله ندمان نصيحه رجعي عشان الي ببطنج
عسى ربي يسخره لج وينولج كل الي في بالج

 

[هدولى]

سامحى هو ما دق عليج الا انا يبيج ويحيج عسى الله يسخره لج وتردون لبعض ان شاء الله .

 

[كويتية ورديه]

حبيبتي روحي فرشي سيادتج وادعي الله اذا كان في خير يرده لج واذا كان في شر يبعده عنج ويكتب لج بلي احسن منه .. بس ياربي ليش تسرع الطلاق مو لعبه الله يهديه يطلق ويرجع هذا قرار المفروض مايتسرع على العموم ممكن الانسان تييله لحظات يصحى فيها .. حبيبتي شوري اهلج اهم ادرى بمصلحتج واحنا مانقدر نعطيج راينا لان مو احنا عايشين الاحداث انتي مجرد كلام قاعده تطبيعينه واحنا نقراه ورى الشاشه .. حبيبتي اللي يخون مره يخون مليون مره واذا تبين ترجعين لازم تتحملين هالامور وتوقعي السيئ قبل الزين منا وانتي يقلبي الراي يرجع لج وعسى الله يكتب اللي فيه الصالح يارب لج .. فكري ولاتستعيلين وشووووري اهلج ياقلبي اهلج افضل شي والافضل تشورين رياااال لان الريال يعرف وادرى من الحريم ..

 

[كويتية ورديه]

ماابيج كل يوم تتعذبيين عوار يوم ولادوم .. مادري انا خايفه نفسج ومتوتره فشوري اهلج احسن

 

[حشمه]

انت ادرى تردين عليه او لا

ودخلي اهلج وعطيهم علم واخذي رايهم

طلقج وتاذيتي مادري شنو القصه بالضبط

بس انا اشوف قعدي مع نفسج وشوفي ميزات

الرده وسلبياتها وهل صج ممكن يتغير ويتعدل

 

[عبق البنفسج]

شوفي اذا انتي حاسة انه ممكن يتغير ويتعدل رديله بشــــــــــــــــــــــــــــــــروط [/COLOR انه مايرد حق سوالفه وخرابيطه ويتعهد بهالشي جدام أهلج وأهله .. وأي شرط تبينه حطيه بعقد الزواج ..

أما اذا حاسة ان مامنه فايدة فلا ترديله أحسلج وربي عيالج بعيد عنه

 

[el3aNoOoNa]

والله مادري شقولج حبيبتي
استخيري واااااااااااااااااااااااااايد
وشوفي الي الله يكتبه لج
الله يوفقج يارب ويهدي بالج ويطمن قلبج ويسهل عليج ولادتج يارب

 

[غدووور الكويت]

اذا بيتغير ردي بس بشرووووطج

 

[داريني]

عطيه فرصه ميخالف هذي بدايه خير انشالله

 

[خفجاوية]

أرجعي لة00وأتوكلي على الله00000000000000000000000000

 

[ام رشودي ثامر]

انا اقوووووول استخيــــــــــري احسن
وشــــــــــوفي ..والله يصبر قلبج

 

[Gypsy Style]

حبيبتي انتي والله استانست لان صج ضاق خلقي عى سالفتج .. هذا ابو عيالج يالغاليه لا تتركينه
بس رديله بشروووووووووووووووط وخلي اهلج يدتخلون بالموضوع شويه
مو بالضروروة يعرفون بموضوع خيانته اذا اهم ليلحين ما يدرون
بس يعيني من باب اانه يعرف انج بت ناس ومو لعبه عنده
الله يهنيج ويسعدج يا ربي ويكتب لج اللي فيه الخير

 

[حلوة ومتينة]

السلام ... اول شي الحمدلله انه اعتذر ولو انه بطريق مو مباشر .. بس مثل ماقلتي المشروب لاعب في مخه ... الحين لا تدقين عليه خليج ثقيله اكثر من اول لا تستقبلين مكالماته واذا دز مسج قوليله تبي نتفاهم تعال الكويت ما اعرف جذي وانت بديره وانا بديره .. و الله يكتبلج اللي فيه الخير اذا صج اهو زين و رجعتلج له فيها خير ان شالله يارب انه يكتبلج عمر معاه اما اذا مافيها خير وبيرد حق سوالفه لا والله افراقه احسن و في النهاية حياتج وانتي تقررينها

 

[بحرينية@ماركة]

الله يوفقج فديتج ويرجعكم حق بعض

 

[[[ عيون جابر ]]]

موفقه حبيبتي واستخيري

 

[كويتيه شقره]

الله يكتب لج خير ..
اذا مايااز عن سؤالفه بصرااحه شحقه ترديله وعواار رااسسس !!

 

[الصعيريه]

ان شاء الله خيره لج
يمكن حس بغلطته الله يهديه لج

صلي صلاة الاستخاره
ولاتنسين بحزة الطلق إدعي له بالهداايه ..

وعسى الله ييسر أموركم..

 

[tota kim]

لاتقولين مابيه سوي استخاااااارة احسن

 

[ام عسولة]

اهم شي انة عارف نفسة ان الغلط منة وانا قول سامحية وعطية فرصة ترا الريال مهما خربط مردة لبيتة وعيالة وعسى اللة يسخرة لج يارب