بنات طليقي بعد اللي سواه فيني يبي يردني ؟؟!! توووه دق

[noorq8]

:nbvppw:واااااااااااااااااااااااااي بعد عمرررررررررررررررررري فرحت لج ..............اهاء لج منّي سمعي اغنية محمد عبده مسيره يرد ...............ان شاء الله يكون ربي هداه لكن صبري خله يدق مره ومره ومره لما سألتج كم عمره رديتي 27 وان لكم 3 سنوات متزوجين وبسم الله عليج هذا ثاني بيبي يعني بعده ماتهنى فيج في رياييل وااااااايد مايحب شريك له بمرته حتى لو هو ظناه اللي من ظهره فلاتزعلين تخيلي 9 شهور حمل ونفاس ويمكن سنه وحملتي (ربي يبارك لج بعافيتج وعيالج ) لكن الريال مايحب فوقه فوقه حتى لو كان هو اللي يبي العيال ,ان شاء الله ربي يرده لج عاجلا غير آجل ويبعد عنه بنات الحرام ويسخره لج وتبشرينا بقومتج بالسلامه وقلتها لج الحرمه بساعة الولاده تبي ريلها يمها وربي ينور بصيرته ويرجعك قبل الولاده ...................أحلى موضوع قريته اليوم :nbvppw:

 

[tmtmt]

الله يسهل امورج يارب

فكري عدل حبوبه

 

[بحر الغموض]

حبيبتي راح افرح لج صج و رجعتي لزوجج بس يستاهلج

بس حبيبتي انتي ماتعرفين الرياييل لما يطلقون ترى يششتاقون لزوجاتهم بس شوق وحاجه تطرى علىباله للسرير وبعدين ينسى
انتي حقريه لا تردين عليهلو صج يبيج يدل بيتكم ويقول ابيج
لاتضحك عليج بالكلام وبعدين يهد الحلم اللي قاعده تفكرين تبنينه
مابي تنجرحين مثل مانجرحت قبل
يقول اسف وحسيت بغلطي واحبج ومالي غير ولا ابي غيرج ولو قلتيله تعال اخطب تعذر بمليوووووووووووووون عذر ماتدرين من وين اييب الاعذار
وبالاخير قال ماقدر امي ماترضى هههههههههههههه من هالحجي
وقفلت الخط بوجهه والحين عنده ولدين وعايش ولا سائل

ترى كل واحد يطلق يشتاق لطليقته حبيبتي لا تخلين عواطفج تجرفج خليج صارمه معاه
مابيه يجرحج للعلم ماقريت قصتج بس هذا الكلام العام اللي يصير
لاتخلنه يسمعج كلام يعور قلبج ويشغلج وانتي ماتدرين صاج والا لأ
هالكلام خل يقوله لما ترجعون او لما بس يكلم ابوج او اخوج اهني عطيه مجال يكلمج

 

[رند]

الله يسخره لج ياقلبي

 

[فقدتك يانور عيني]

الله يسخره لج

 

[ريان 123]

الله يقسم اللي فيه الخير

 

[om-HaSsoOon]

حياتي انتي فكري عدل

لا تخلينه يلعب باعصابج مره يبيج ومره لا
الله يعينج و يفرج همج

 

[أمل 2009]

ياررب يصلح لج وصدقيني رب قادر على كل شئ يغيره من حال لحال

وخلى ولدج يتربى بين ابوه وامه

وربي يصلح بينكم ونسمع اخبار احلى بإذن الله

 

[Anwaar]

الله يهديلج أياه يا رب و يسخره لج

 

[~*~الملكة~*~]

الله يكتب الي فيه الخير

ردي لريلج احسن لج والله يسخره لج ان شاءالله

 

[الحلآآآ]

الله يسخره لج ,

 

[الكويت غالية]

مادري عنه اهوا يخلي الواحد يعوووفه . مع ان اول ماطلقني جرحني وحسيت ما اقدر اعيش بدونه بس الحين مابيه

حبيبتي بس كانت نفسيتج حييييييييل تعبانه او ماطلقج وتقولين احبه وابيه


والحين يوم قالج ابردج تقولين ما ابيه يعني لاباعج شريتيه

ولا شراج بعتيه ؟؟؟؟؟ والله اتعجب من عقول بعض الحريم

لا تقدمي على اي خطوة بدون ماتدرسينها عدل لا بعدين تندمين وكبري عقلج ولمي شمل اسرتج

يعني ولدج والبيبي اللي في بطنج حرااااام تخربون حياتهم بتصرفات طائشة وغير محسوبة

منكم انتم الاثنين انتي وابوهم اعقلوووووووو العقل زين

واستخيري ربج والله يقدملج اللي فيه الخير

 

[HaPpY_SpiRiT]

هلوووووووووو
ترى ما باقي شي و تخلص العدة! الوقت يمر تيك تووك
يعني بذمتج انتي متخيلة انج بتولدين و أبو ولدج أو بنتج مو معاج!!!!!
الله يردكم لبعض

 

[DaNaWeee]

واااااااااااي بعد عمرررررري
والله فرحتلج من قلبي
ياااااارب تهديه وتصلحه وربي يسخره لج ان شاء الله

رجعي لربج وصلي استخاره ويمكن الريال صج ندمان
الله يوفقج حبيبتي

 

[LA TROO7]

وناااااااااسه

مبين يحبج نصيحه ارجعييييييييييييييييله ولاتنطشينه بعدين يمل ويتركج

الله يهديكم لبعض

 

[lawyera]

حبيبتي اكيد بقولج لا تردين علي تحملي وحقريه حتى لو قلبج عورج عليه هذا اذا تبينه يتغير صج لان الحين ماراح تعرفين اذا فعلا يبيج ولا تعدل

والله يهديه ويسخره حقج

 

[A7LA-GIRLA]

استخيري اختي والله يوفقج

 

[جنون العشق]

عسي ربي يهدي زوجك ويرجعه لك ولعياله

 

[oranGe~Girl]

حبيبتي الله يكتب اللي فيه الخير والصالح

 

[باربية الكوووويت]

ادعي ربج اذا كان زين وصالح لي وفيه خير لي ولعياله رده لي اذا لا ابعده عني وانشالله ربي يكتبلج الي فيه الخير واذا بتردين ردي بشروط ولا تصيرين ضعيفه جدامه ومهزوزه عشان لا يستسهل الموضوع وقعدي بينج وبين نفسج شوفي شنو عيوبه وشنو محاسنه واذا طلع محاسنه اكث رديله امن عيوبه طلعت اكثر فكري بالموضوع ألف مره وشاوري احد عاقل وكبير والله ينور حياتج ويسهل ولادتج