بنات طليقي بعد اللي سواه فيني يبي يردني ؟؟!! توووه دق

[كتـ زوجي ـكوته]

السلام بنات اتوقع انكم عارفين سالفتي ويا اللي طلقني وقلبي معاه .....

اهوا مسافر وان غسلت ايدي منه لدرجه دايم استغفر ادعي ربي يغسل قلبي منه وانساه ....

لدرجه سبحان الله ارتحت وقعدت افكر بولدي و ولادتي


ولا فجأءه دق على رقم دولي ولما رديت ولا اغنيه يارا (انت مني) هاذا الرابط XXXXولا ياااااااااااااااا بنات طلع ريلي وربي انصدمتتتتتتتتتتتتتتتتتتتتتتتتت

بنات بعدها سألني ولدتي ؟؟

انا اهني حسيت اني انهرت وحسيت الساني انربط

سكرته دق مرتين وبعدها مادق هالكلام الساعه 9 ولليحين مادق دزيت من 10 دقايق مس وقلتله ( ليش تسوي فيني جذي)

رد ( محتاجلج ابيج انتي ادري ماراح تعذريني )

الحين شسوي شقول اخاف شارب شي ومو بوعيهه مابي اعيييييييد الاخطاء

ابي يتعدل من قلب

مادقت اني ارتحت اشوي ليش يبيني دايم معلقه فيه؟؟ حاسين فيني؟؟
______________________________
تم تعديل الموضوع من قبل مشرفه القسم Dancing^Queen
السبب :يمنع وضع روابط الاغاني

 

[كويتيه وافتخر]

الله يعينج

واستغفري وادعيله
ان الله يرده لج ولولدج اذا كان فيه مصلحه
ويبعده عنج ويعوضج اذا مافيه خير لج

ويارب تعينج والجاي لله سبحانه

 

[حرم راشد الماجد]

كلولولوش
مبروووووووووووووووووووووووووووووووووووك
موفقه
والله فرحتيني بهالخبر

 

[مـعـجـبـة]

والله راح أدعي لج إن لو ردتكم لبعض فيها خير لج وله ولعيالكم

فالله يردكم لبعض ، ويهنيكم ويسعدكم ويرزقكم من خيره ..

 

[blue rain]

الله يقسم اللي فيه الخير
وعسى الله يهديه ويسخره لج ولعياله حبيبتي
ونصيحة اخت انتي وحدج اللي تقدرين تقررين تردين له او لا اذا انتي تحبينه حيل ترى ماراح تقدرين تستغنين عنه على كل عيوبه
واذا حاسه نفسج طابت منه ومن مشاكله راجعي نفسج
انتي بنفسج تحددين
والله حاسه فيج بعد قلبي الله يعينج ويفرج همج حبيبتي

 

[عنزيه وافتخر]

الله يفرحج ويكتب الي في الخير
صدقيني مالج غير قيام الليل والاستخارة والله بينور دربج
ويبينلج الخيره وين​

 

[كتـ زوجي ـكوته]

مادري عنه اهوا يخلي الواحد يعوووفه . مع ان اول ماطلقني جرحني وحسيت ما اقدر اعيش بدونه بس الحين مابيه

 

[العسل اللذيذ]

بس ايبين انه حاس بغلطه
سامحيه وانسي اللي صار دام اهوه اللي بدا بالصلح
عشان لاتخسرينه

 

[zoya_m]

يمكن تغير انتي أدرى فيه ابوي
وانا اقولج لاتسمعين كلامي ولا تسمعين كلام غيري

خل يتقدم لج من يديد وصلي استخاره وشوفي جود أنصلح حاله

ربي يكبر حظج آمين

 

[** ام الجراح **]

الله يعينج

واستغفري وادعيله
ان الله يرده لج ولولدج اذا كان فيه مصلحه
ويبعده عنج ويعوضج اذا مافيه خير لج

ويارب تعينج والجاي لله سبحانه

عسى ربي يوفقج ويريح بالج ,,,,,,,,

 

[zoooom]

حبيبتى والله شكلة ندمان وعايزك والمسامح كريم وفكرى فى ابنك اكيد محتاج ابوة فكرى من الزواية هذى

الله يوفقك ياارب صلى استخارة

 

[honey lust]

الله يوفقكم

 

[zoya_m]

مادري اهو طلقج وانتي حامل وللحينج بالعده
عالعمموم صلي استخاره ايا كان الطلاق ربي يوفقج

 

[كولوراديه]

الله يسخره و يجعل مافي الخير بينكم

 

[om_3azoz]

حبيبتي دام تحبينه رديله ياقلبي
لان ماراح تقدرين تنسينه ياقلبي
الله يوفقج يااارب ويهنيج ويردكم على بعض

 

[نوووونوووو]

عسى الله يصلح بينكم بخير يااختي واستخيري قبل كل شي وهذا بوولدج عسى الله يوفقج يارب

 

[@أحلاهم وأتحداهم@]

وااااااااااااااااااااااااااااااااااااااي والله وناسه الحمدالله انه حس ابغلطته ودق عليج
انا اتوقع انه بعد طلاقج حس ابغلطته وعلى فكره الي دايمن يكونون متضررين من الطلاق اهم الريايل
ولو ماكان ندمان على الي سواه فيج جان خذا راحته بالخرابيطولا فكر فيج بس الواضح انه يحبج ويبيج
بس اول شي اتسوينه قولي حق اهلج عن الي صار وثقلي عليه اشوي خل يحس ويندم علشان لايعيدها
وانشالله يتغير 180 درجه للاحسن وترجعون حق بعض وتعيشون في سبات ونبات وتخلفو صبيان وبنات هههههههه
انشالله يارب الي فيه الخير وصالح لج يصير واذا صار انشالله ورجعتو حق بعض خليه يروح الحج
وراح يرجعلج واحد ثاني انشالله يارب الله يبعد عنكم عيال الحرام وخرابين البيوت

 

[كويتية 1990]

لا حبيبتي حرام لا تقول ماتبينه .. انتي الحين قاعد تتحجين لانج لي الحين شايلة بخاطرج من الي صار بس صدقيني لا تقطعين درب الصلح دام الريال بادر انتي ثقلي عليه يعني لاترجعين له الا عقب ما تشرطين عليه اللي تبينه وانه يتعدل ويكون هالشي بينج وبينه بالاول وتالي جدام ابوج وابوه عشان يلتزم بكلمته


ونصيحة لاتهدمين بيتج دام الله سهل لج الرجعه رجعي هالمرة ومع شروطج وخليها فرصة له ولج انكم تبدون صفحة يديدة انتوا بنيتوا اسرة ويبتوا عيال فكري فيهم دام بين لج شوية ندم حاولوي انج ماتخربين بيتج وان شاء الله يكون صاج ويبي الصلح والله يسهل لج كل حياتج يارب ويفرج همج ويسخر لج ريلج اميييين يا ارحم الراحمين

 

[الفرح والدلال لي]

الله يقدم مافيه الخير لج ولاسرتج
اللهم اااامييييييييييييين

 

[واحشني زمانك]

لله يعينك ويفرج همك ويكتب لك اللي فيه الخير ويفرح قلبك يارب