بنات طلع تحليل زوجي وصار السبب منه

[فروحته]

اللهم يا شافي يا معافي يا رحمن يا رحيم
يا مجيب الدعوات ارزق اختنا هتاف الدرية الصالحة
فرج همها و ازح الحزن عن قلبها
و اتها من حيث لا تعلم
اللهم يا رب العالمين اشفِ زوجها
و اكتب له الشفاء العاجل
و ازرقهم ما يتمنون اللهم امين

 

[7boobaah]

حبيبتي الحياة الزوجية مو مجرد اطفال حطي هالشي ببالج
ثاني شي اذا لاسمح الله طلع شي بزوجج الحين الحمدلله الطب تطور
في الف طريقة وطريقه .. بس عليج باشياء قبل العلاج وقبل الطرق

ماله داعي احد يدري من منو المشكله اذا لاسمح الله في شي لانه هالشي خاص فيكم
ثانيا انتي مبين عليج تحبين زوجج فدايما خلج انتي الاقوى قويه اوقفي معاه لاتبينين له انج حزينه
ثالثا الي يسالج عادي قولي الله ماكتب ومالج شغل بكلام الناس
ووقتها سمعي نصيحة المقربين يمكن في احد يعرف دكتور شاطر يعرف حل

ولاتسبقين الاحداث ان شاء الله ماعليكم الا العافيه والله بيختبر صبركم بس
الله يهنيكم ويرزقكم الصالح

 

[latkt7as]

حبيبتي الله الخالق والرازق

والله دايم يكتب لنا الخير بس احنا نجهله

وكلي امرج لله وتصدقي واستغفري ع الاقل باليوم
الف مره

الله يرزقج بالذريه الصالحه انتي وكل من يتمنئ

 

[هِتاف]

الله يريح قلبكم ويفرج لهم مثل ماريحتوني

بنات زوجي بكى قدامي وقال انتي مالك ذنب
جتني قوة عجيبه هذا من فضل ربي ولا نزلت ولا دمعه وهديته وقلت هذا قضاء وقدر
اللي علينا راح نسويه والباقي على ربي سبحانه

خططنا وش راح نسوي
وبدينا بالحث عن مستشفيات تشيل الدوالي لان زوجي صار فيه دوالي من الدرجه الاولى

الحمدلله

لاتنسوني من دعواتكم يابنات

 

[نـعـومـه]

حبيتي شلون كنتي تعالجين وانتي مافيج شي وزوجج ماحلل !! لازم من زمان انتو الاثنين تحللون

المهم قدر الله وماشاء فعل

اللي عليج تسوينه الدعاااء وثانيا ماتتكيسلون كلش كلش زوجج يعالج بإنتظام وان شاءالله ربي يرزقكم بالذريه لاتحاتين ان شاءالله بس يعالج تيبون ذريه

 

[شادن33]

ماعليج حبيبتي الله قادر على ككككل شي
اعرف واحد كان فيه دوالي وماياب عيال ومن سوى العمليه ماشالله تبارك الله كل سنه ياهل الله يحفظهم
لا تياسين

 

[sweet-rose]

السلام عليكم

الله يشافيه ويرزكم الذرية الصالحة ، عملية الدوالي سهلة ممكن يسويها وبعدين ممكن يستخدم فيتامينات معينة اسمها سبيسيمن تزيد نسبة الحيوانات المنوية واذا كان يدخن خل يترك التدخين لانه ياثر على العدد والحركة. وممكن اتسوون تلقيح صناعي.

 

[لوولوو_88]

ترى مو مصيبة يا هتاف .. حمدي ربج في رياييل ماكو حيوانات منوية جان شسويتي ..

زوجج المفروض ما يحس بهالشي لانج بتحسسينه انه عقيم .. ما له داعي تكبرين الموضوع و علاجات موجوده ..

ادعي له و خل يأخذ علاجه و يأخذ فيتامينات مقويه و وكلي عسل و اللقاح و غذاء الملكة خلطيهم ..

و انشالله بيصير زين .. ماله داعي المبالغة زوجج مو محتاج منج هالتهويل بردة الفعل ..

اشوفج مبالغة حبيبتي .. ادعي له و ربج بيرزقكم بوقته .. ما حان الوقت بعد أن الله مع الصابرين ..

 

[لوولوو_88]

و للعلم زوجي كان بادي معاه الدوالي و حملت .. كانت مشكلته الأساسية الي دزيتها بالخاص

ف الله يرضى عليج لا يحس زوجج .. و زوجج طبيعي يخاف من أقل شي .. يحاتون المستقبل

الحلول موجوده و علاجه موجود .. مسألة وقت بس .. و نسيييييه هالموضووووع ولا تحسيسينه أنج مهووسه اشغلي باله بأمور حياتكم ولا اتيبين طاري الحمل أبد .. ادعي لين ربي يكتب

 

[هِتاف]

والله والله اني قدامه ما احسسه ابدددد
بالعكس اكون انسااااانه ثاااانيه غير اللي هنا ف المنتدى
حتى زوجي نفسيته تحسنت من حكيي
بس حسيت اني مضغوطه ف اجي هنا وافضفض لكم واشحن نفسي

جعلكم تسلمون بنات والله يتقبل دعواتكم

والله كل شوي ارجع واقرا ردودكم واحس بطاقه قويه

 

[Pinky -cat]

حياتي كل شي صار له حل حمدالله بعد مقدرة الخالق طبعا ، الطب فيه علاج وفي تلقيح مجهري ، ياخذون الحيوانات المنوية منهويفصلون المشوه والمريض ويحقنون داخلج السليم المتعافي وهاشي صار حمدالله ويا ختي وحملت وحمدالله ربي اكرمها قولي حمدالله انه عددهم مو صفر حمدي ربج انه في .صدقيني امرج سهالات انشاله يا عمري وترا التلقيح هاذا امره سهل ومو غالي كلش عندنا بالكويت حول 200 دينار او 180 بعديعني مو هالمبلغ القوي وتقدرين تسوين مرة واثنين وثلاث.

 

[Pinky -cat]

حياتي كل شي صار له حل حمدالله بعد مقدرة الخالق طبعا ، الطب فيه علاج وفي تلقيح مجهري ، ياخذون الحيوانات المنوية منهويفصلون المشوه والمريض ويحقنون داخلج السليم المتعافي وهاشي صار حمدالله ويا ختي وحملت وحمدالله ربي اكرمها قولي حمدالله انه عددهم مو صفر حمدي ربج انه في .صدقيني امرج سهالات انشاله يا عمري وترا التلقيح هاذا امره سهل ومو غالي كلش عندنا بالكويت حول 200 دينار او 180 بعديعني مو هالمبلغ القوي وتقدرين تسوين مرة واثنين وثلاث.

 

[حلآ الدنيآ]

الله يشفيه و يفرح قلبج و يريج حبيبتي

 

[atc666]

عاديه السالفه ياخذون سائل منوي يدورون فيه حيوان منوي غير مشوهه حيوان منوي واحد يكفي ويحقنون بويضه منج ويزرعونه برحمج وانتهى الموضوع الله يكتب لج الذريه الصالحه

 

[beealh]

ولاتكرهوا شيئا وهو خيرا لكم لا تيأسين ربي وربج قادر على كل شي
الله يرزقج عاجلا غير اجل يارب يارب

 

[توتي فروتـي]

حبيبتي توكلي على الله
وابذلوا الاسباب
الحين ماشاء الله العلاجات متوفرة لسرعة وجودة الحيوانات المنوية للرجل
من بعد اذن الله غالبا علاج الرجال اسهل بكثير من النساء
قولي الحمدلله




?

 

[kaaaaadi]

ان شالله ان يكون لها علاج والله يرزقك الذرية ولايحرمكم

 

[شندوخه]

حبيبتي الله ياجرج في مصيبتج ويخلف لكم خيرا منها

لا تيآسين من رحمه الله

والله اعرف بنات وايد نفس مشكلتج واكثر والله عوضهم خير وحملوا

رفيجتي زوجها مثل مشكلتج بس عالجته بالطب الشعبي

صادت تعطيه عسل مع حبوب اللقاح وماشاءالله اللهم بارك حملت وجابت احلا ولد

جربي مره ومرتين وعشر وخلي عندج يقين بالله سبحانه اهو الرازق وخ§ي بالاسباب من علاج وصدقات ودعاء

 

[بيت التوت]

الله يكون بعونج ويصبرج ويهديج للطريق الحق يارب

نصيحه لاتفكرين بالعيال والحمال واايد انسي لهي نفسج بأي شي الا الحمال

لو اتلاحظين اننا اذا فكرنا بشي مانحصله وجنه ينحاش مننا وحتي اغراضج مرات اذا تبينها ماتحصلينها عكس لما اتكونين ماتبينها تلقينها جدامج وين ماتروحين

اتمني انج فهمتيني ماعرف اشرح كتابه كلشش

ووكلي امرج لله هو احسن وكيل وهذا مو معناته ان زوجج مايعالج لا طبعا يعالج ويتابع حالته وانسو سالفت لعيال


وموفقه يارب دنيا وآخره

 

[Tom ♥ Jerry]

,

كل شي و له علاج و الحين الطب تطور ..
نصيحه اذا كنتي تحبينه و يحبج .. لا تفكرون بالعيال و خلو الباجي على رب العالمين ..
آنتو سووو الي عليييييكم من علاج و دعاء و غيره و خلو الباجي على ربكم

بس ارد اقولج .. لو تحبينه و يحبج لا تخليييييييييينه!!