بنات طلع تحليل زوجي وصار السبب منه

[هِتاف]

الحمدلله الحمدلله الحمدلله

ربي إني مسني الضر وانت ارحم الراحمين
ربي إني مسني الضر وانت ارحم الراحمين
ربي إني مسني الضر وانت ارحم الراحمين

انا كنت اتعالج من سنه واليوم طلعت تحاليل زوجي وصارت المشكله من عنده ضعف وتشوه
ربي لاتحملني مالا طاقة لي به ربي ثبتني وفرج همي وهم زوجي يارحمن
ماكنت اتوقع انو بيجي هذا اليوم ابداً وكنت خايفه من يومين ومتوتره
ولكن قدر الله وماشاءالله فعل

اللهم اكتب لي الخير حيث كان ثم ارضني به
يارحمن يارحيم اشفِ زوجي وحبيبي وارزقنا الذرية الصالحه عاجلاً غير اجل

بنات
انا احس اني بصدمه بس ابي اقرا ردود تثلج الصدر ابي دعوات
ابي احس اني اكلم اهلي واخواتي وش تعرفون عن الضعف والتشوه والبطئ
لاني اتفقت انا وزوجي مانعلم احد ويكون سر بينا
زوجي نام وانا قاعده ابكيييييي بحررررررررقه:eh_s(2):

ربي اشرح لي صدري ويسر لي امري
لك الحمد ربي في السراء والضراء افرجها من عندك ياكريم

 

[*Pink Girl*]

ما اقول الا الله يفرج همكم

يرزقكم الذريه الصالحه هذا ابتلاء

الصبر ثم الصبر ثم الصبر

والطب الان تقدم لازم تشجعينه على العلاج

الله يشفيه يرزقكم الذريه الصالحه

خليله يكثر من الصدقه

 

[*Pink Girl*]

ما اقول الا الله يفرج همكم

يرزقكم الذريه الصالحه هذا ابتلاء

الصبر ثم الصبر ثم الصبر

والطب الان تقدم لازم تشجعينه على العلاج

الله يشفيه يرزقكم الذريه الصالحه

خليله يكثر من الصدقه

 

[متواضعة]

حبيبتي قدر الله وماشاء فعل

وعسى ان تكرهو شيئا وهو خيرا لكم

الله يرزقكم الذرية الصالحه يااارب

 

[shak!shoka]

كل مشكله لها حل
الحين لازم يراجع و ياخذ راي اكثر من دكتور
وانتي ساعديه و شجعيه ولا تنسين الدعاء

ماكو شي بعيد و صعب ع الله،، بقدرة قادر يتغير كل شي يا حبيبتي

وخلي ايمانج بالله قوي


في عياده بالرياض اسمها مان كلينك
دكاتره سعوديين و خبره و شطار خلي زوجج يتوكل ع الله و يروح لهم


يارب يا كريم يفرح قلبج و قلب زوجج و يرزقكم الذريه الصالحه

 

[جنون هاجري]

الله يرزقك الذرية الصالحة

 

[M!ss CoLoRz]

الله يشفيه ويرزقكم الذرية الصالحة إن شالله

اول شي تسوونه روحوا العمرة والتزموا بالدعاء وعقبها ابتدوا رحلة العلاج اللي ان شالله ما تطول

وهالله هالله في الكلمة الطيبة والتشجيع من صوبج

 

[احلى خدود]

لا يتأسين من رحمة الله ربج كبير ورحيم في عباد

 

[aauu-]

لا تيأسين ربي وربج قادر على كل شي
والطب تطور كل شي يسوونه حتى اطفال انابيب
وللعلم ترا واحد من اهلي قالوا له نسبه الحيوانات المنويه عندك ١ بالميه وسبحان الله الله رزقه ب٣ صبيان
وهم بعد واحد من قرايبي بعد ١٠ سنين من زواجة حملت زوجته بطفل انبوب بالاردن وكان العيب منه
اهم شي لا تيأسين وخلي زوجج يعالج مع الطبيب واذا مانفعه لا قدر الله خلي يعالج عند شيوخ دين
من رقيه شرعيه وماي مقري وكثري من الدعاء
والله يرزقكم بالذرية الصالحة يارب

 

[الجادل الخشف]

اكبر غلط الوحده تتعالج وزوجها ماسوى تحليل وهذا غلط الدكاتره اللي بس همهم الفلوسالله يفرجها عليكم ويرزقكم الذريه الصالحه كل مشكله ولها حل والبطئ يعطونه منشطات واذا مانفع راح تسون اطفال انابيب ولازم تراجعون الدكتور الزين اهو يعرف احسن منا وانشالله ربي يفرحكم بالذريه

 

[جامعيه طموحه]

الله يفرج همكم ان شاءالله ويرزقكم الذريه الصالحه يارب

لا تشيلين هم واكثري من الدعاء والاستغفار انتي وزوجج بنية ان الله يشافيه ويرزقكم الذريه الصالحه

وترى الطب تطور تقدرون تسافرون او تروحون لاكثر من دكتور عشان يتعالج

ووايد ناس ماكان في امل انه اييبون عيالوالحمدلله الله رزقهم بالذريه الصالحه

ترى هذا اختبار من الله ..والله اذا احب عبدآ ابتلاه

 

[احلى خدود]

الله يكون بعونج

 

[مسـك]

الله يفرج همكميارب ويرزقكم بالذريه الصالحه عاجلا غير اجل


حبيبتي مافيه شي صعب على الله ولاتكرهوا شيئا وهو خيرا لكم


ماتدرين وش الخيره فيه والطب تطور حبيبتي روحوا لاكثر من دكاتر واكثر من عياده

ولاتنسون الطب الشعبي ابحثي بالنت


واحد من جماعتنا متزوج من ١٣ سنه والعيب كان منه وعالج عن دكتور بالاردن وحملت مرته بطفل انابيب والحين عنده ولد ماشاءالله


لا تياسون من رحمة الله الله يرزقكم بس واظبوا على قراءه سورة البقره والاستغفار ورحوا العمره بين فتره وفتره واشربوا ماي زمزم وكثفوا تحصين حبيبتي

 

[MinnieMouse]

الله يرزقج عاجلا غير اجل يارب يارب

 

[هِتاف]

الله يريحك قلوبكم يابنات مثل م ريحتوني

 

[3tebeya]

الخيره فيما اختاره الله

دايم تأكدي رب العالمين اللي يرزق ويوفق ويعطي وياخذ ..
هذا رزق وامتحان من الله سبحانه

اول شي صبر عليج ريلج تصبرين عليه وتتفائلين وتحسنين الظن بالله سبحانه .. اوقفي معاه كل خطوه بخطوه لا تخلينه ييأس وقوليله انا ابيك بكل حالاتك .. مستحيل استغنى عنك مهما كان السبب

حطو خطه طريقة علاجكم وخلي حياتج طبيعيه لا تبينين له ان متضايقه استسلمي لقضاء الله وقدره .. شفتي البجي اللي تبجينه هذا جزع وما قلتي الحمدالله وتفائلتي
دايم كل ما تترقبين شي صلي على النبي بقول اللهم صل وسلم على سيدنا محمد عليه الصلاة والسلام كررريه وانتي تترقبين امور بحياتج العاديه باي طريقه

الحين الطب تطور في تلقيح وانابيب ووايد تطور اعرف وحده الضعف من ريلها وحملت بتوأم
بس شنو النيه والتضرع لله سبحانه تصدقي للفقراء اكفلي يتيم التزمي صلاتج وربي يسهل عليج امورج

اذا تقدرين تجين الكويت وتفحصين عند دكاتره معروفين ومجربين وايد هم زين لان خالتي راحت الاردن ما نفعها كثر الكويت والحين عندها ٣ تبارك الرحمن

ربي يسهل امورج

 

[3tebeya]

الخيره فيما اختاره الله

دايم تأكدي رب العالمين اللي يرزق ويوفق ويعطي وياخذ ..
هذا رزق وامتحان من الله سبحانه

اول شي صبر عليج ريلج تصبرين عليه وتتفائلين وتحسنين الظن بالله سبحانه .. اوقفي معاه كل خطوه بخطوه لا تخلينه ييأس وقوليله انا ابيك بكل حالاتك .. مستحيل استغنى عنك مهما كان السبب

حطو خطه طريقة علاجكم وخلي حياتج طبيعيه لا تبينين له ان متضايقه استسلمي لقضاء الله وقدره .. شفتي البجي اللي تبجينه هذا جزع وما قلتي الحمدالله وتفائلتي
دايم كل ما تترقبين شي صلي على النبي بقول اللهم صل وسلم على سيدنا محمد عليه الصلاة والسلام كررريه وانتي تترقبين امور بحياتج العاديه باي طريقه

الحين الطب تطور في تلقيح وانابيب ووايد تطور اعرف وحده الضعف من ريلها وحملت بتوأم
بس شنو النيه والتضرع لله سبحانه تصدقي للفقراء اكفلي يتيم التزمي صلاتج وربي يسهل عليج امورج

اذا تقدرين تجين الكويت وتفحصين عند دكاتره معروفين ومجربين وايد هم زين لان خالتي راحت الاردن ما نفعها كثر الكويت والحين عندها 3 تبارك الرحمن

ربي يسهل امورج

 

[Canon~]

الله يشفي زوجك ويعافيه عاجلا غير اجل

والطب تطور كثير

وياما سمعنا عن ناس كذا وبفضل ربي رزقهم

عليك بالدعاء والصبر واحسني الظن بالله وصدقيني بتلقين اللي يسرك ان شاءالله

ومارح ننساك من دعواتنا

 

[™〓 تۈڷيـــטּ~»❀]

الله يرزقج عاجلا غير اجل يارب​

 

[بسم الحب]

الله يرزقج عاجلا غير اجل يارب يارب وستمرو على قراءه سورة البقره والاستغفار
((وانتبهي لي نفسيه زوجك ترا أهو محرق قلبه أكثرمنك عشان سبب منه وغير انه يعتبره نقص في رجولته ترا نفسيه الزوج تلعب دور كبير في هذا الموضوع هالله هالله في زوجك والكلمه طيبه معه) )​