بنات ضروري في هالوقت احتاجكم حيل :(

[Bronze ● lady]

بنات شخباركم ؟؟

وحشتوني كلكم

اخيرا حصلت باسوردي


بقولكم سالفتي واللي ابي لها حل مستعجل


ريلي مسافر بره عشان يدرس
وهو من قبل يشتكي من ركبته بسونه عمليه
الغضروف في الاقامه القصيره

عاد امس صار بينا نقاش وانه كنت حدي هاديه واتناقش عادي
هو تنرفز مره وحده وقالي ياالخايسه يعني القصد منها اهانه او سب وسكر في وجهيي


انه انصدمت حيل حيل حيل حيل

وقعدت ابجي ونمت وانه ابجي والله وكيلكم قعدت من النوم وراسي يعورني احسس اللالم نزل في راسي
من زود البجي


انصدمت منه حيل ومن رده فعله

باجر موعد عمليته وشفته اون بالمسن وماكلمته ولاهو جه كلمني
وماني قادره اتصل له لانه اهانيي صراحه

وبنفس الوقت مو قادره انام وماتطمنت عليه وحسسته اني واقفه وياه بالعمليه

رغم ان العمليه بسيطه ادري عنها والدكتور شرح له شلون بتكون


بنات تكون ساعدوني شسوووووووووووي

اتصل فيه ؟؟ او اواصل زعلتي رغم اني للحين مانقط الا بقلبي عليه

وللحين راسي منفجر من صدمه البارحه

لاتخلوني ابي رايكم الحكيم

 

[باربية الكوووويت]

طولي بالج والمسامح كريم ودقي عليه احسن لان اذا طنشتيه ماراح ينساها لج العمر كله ببيقولج وقت مرضي وتعبي مالقيتج يمي

 

[بس يابحر]

حبيبتي اتصلي عليه وتطمني ولا تخلين الشيطان يكبرها براسج ومايشوف شر زوجج

 

[توفـــا]

اتصلي

 

[ذهب ابيض]

تعوذي من الشيطان واتصلي عليه
ترى محتاجج بالوقت هذا

 

[رنيم q8]

دزي له مسج
عتاب المحبين
منه تبينين له انه غلطان وتبينين انه غالي لو مو غالي ما عاتبتيه
الله يسخره لج

 

[غزالي وبس@@]

لاحرام اتصلي عليه وتطمني عليه ولا قام بالسلامه من العمليه ذيك الساعه ردي فتحي له الموضوع وقوله له انت جرحتني وصدمتني ولو مووضعك ماكنت بكلمك

 

[ام شووووق]

رد : بنات ضروري في هالوقت احتاجكم حيل

خلج معاه الحين لانه محتااااااااااااجج حيل لاتنسين انه كان وراه عمليه اكيد خايف ومتوتر وطلعت منه الكلمه من غير قصد

والريال مايحب يعتذر ودامه شابك اون هذا معناه انه يبي يكلمج بس تعرفين الرياييل صعب يقولون اسف وكان يبيج تكلمينه

اتعوذي من ابليس ووقفي يم ريلج ولا كنه شي صاير وعقب لي طلع بالسلامه لكل حادث حديث

 

[الـفـجـر الـبـعـيـد]

رد : بنات ضروري في هالوقت احتاجكم حيل

دقي عليه وسألي عنه وطمني بس بيني له انج زعلانه وماخذه على خاطرج منه

 

[_j'aime mon mari_]

رد : بنات ضروري في هالوقت احتاجكم حيل

دقي عليه وبينيله اتج شايله فخاطرج عليه وبنفس الوقت ماهان عليج ماتكلمينه ولا تطمنين عليه قبل العمليه
عشان يحس بغلطه وبنفس الوقت يعررف غلاته عندج

 

[عيون مها]

أنسي زعل ..


وقوليله أنا هامره بسامحك

لاني خايفه عليك واحاتيك أكثر من نفسي صحيح زعلتني بس بسامحك هامره


وأنت طمني عليك شلونك <<بهـ أسلوب قوليله يعني طاقه ثقل

 

[miss-winter]

رد : بنات ضروري في هالوقت احتاجكم حيل

دقي عليه مووقته زعل وبعدين اذا رد تهاوشي وتناجري وكل شي والله يقومه لج بالسلامه

 

[ريميا]

ترن نرن الووو حبيبي ... دق قلبي عليك مووووووووو اناااااااااااااااااا (انا زعلان على اللى صار امس) بس ماتحملت وودقيت عليك ياقاسى

 

[امواج الكويت]

اتصلي عليه مهما يكون هذا ابو عيالج وكل شي بينكم يهون وترى تاكدي انه نسى اللي قاله لج حتى لو انتي ما نسيتي الرياييل طبعهم جذي ما يثمنون كلامهم
وسعي بالج ودقي عليه والحب اللي بقلبج له اكبر من الزعل وعسى ربي يقومه بالسلامه

 

[Bronze ● lady]

بنات


دقيت عليه ورن رن رن بعدين رد

وصوته انه قاعد من النوم بسس قلت له اقعد شووي بكلمك ورد نام

كلمته ويبين انه شوي شايل بخاطره عليي رغم انه غلط عليي المفروض اني ازعل

سلمت عليه وتطمنت عليه وسالته ادا اكل زين اولا << قال لي انه مو جاهل
سالي اولادش هالاسئله ياربي ابتلشت بهالريل هههههههههه

المهم قعدت اكلمه واقوله ماتشوف شر ان شاءا الله

والله يرجعك لنا بالسلامه والصحه
يارب

وهو بالغصب يرد

اخر شي يقول لي اللي يبي يتصل يعرف يتصل من وقت مو وقت نومتي >> يدل ع شنو ؟

بعدين مارديت عليه عشان يعرف اني زعلانه

وغيرت الموضوع وسلمت عليه وقلت له تصبح ع خير وباجر بتصل فيك ويلا خد راحتك ونام

 

[معاني الحب]

اتصلييي حرام الحين محتاجج

وبعدي عادتعاتبي وياه

اما الحين تطمني عليه وخليج يمه

وبنات ابلييس وايد برااااا .... خليج معااااه اقل شي مايشووووف غيرج دامج متواصله وياه

وتركي الحساسيه عنج

 

[الغاليه نونو]

اقول يمه انتي جم عمرج؟؟"


الريال برحمه ومسوي عمليه وانتي بعيده عنه وقاعده تتديعلين عليه لانه قال لج خايسه
خير ياطير قال خايسه ماتعرفين تصكين اذنج وتسوين نفسج ماسمعتيها وتدشين مع الريال بموضوع يطيب خاطره
انا اول مره اسمع كلمه خايسه تعتبر مسبه العاده رياييلنا لي بغوا يدلعونا في بعض المواقف يقول حق مرته يالخايسه تطلع منهم عفويه بس حلوه عالقلب
وماحلالج تدقين عليه الا وقت نومته؟
واهو صاج الريال بيرتاح بيتمدد عقب العمليه دايخ ماله خلق يسولف لوو وحده غيرج جان طقت جنطتها وطارت مع ريلها ومكانج عنده ويمه وحواليه مو اهني فاتحه موضوع وتشتكين لانه قال لج خايسه

كبري عقلج يمه وتسنعي الريال مايعاملونه هالنمونه مو كل شي يقوله لج تسوين منه مشكله وماله داعي الزعل كلش انا اقول اقصري الشر وحطي راسج نامي والصبح كلميه بنفس طيبه ولا تخلين هالسوالف التافقهه تعفس كيانج يمه طيعيني ماتندمين

 

[دلوعة مودي]

الله يعين
ليش يقوولها ؟؟؟
لا تدقين واحقريه
بعد هو غلطان ويقول اللي يدق يعرف متى؟؟
وارسلي رساله بعد العمليه وبس

 

[ام شووووق]

رد : بنات ضروري في هالوقت احتاجكم حيل

اخر شي يقول لي اللي يبي يتصل يعرف يتصل من وقت مو وقت نومتي >> يدل ع شنو ؟

يدل انه كان ينطرج تدقين اول وحده عليه مو تالي الليل هو تفكيره الحين تذكرتني شنو الاهم مني اللي كانت لاهيه فيه

 

[شيخة الحلوة]

الله يجعلكم قرة عين لبعض يارب
ويبعد عنكم كل شر
ومكروه
عادي حياتي
انتي اطيب واحسن منه زين سويتي دقيتي ميخالف
وباجر ان شا الله راح يطخ
وخلاص لا اتيبين طاري الزعل ولا تبينين انج زعلانه عليه

باجر كلميه عادي
والله يهدي سركم هذا ابليس اعوذ بالله منه
يبي يخرب بينهم بس انتي شطوورة صرتي اقوى منه واتصلتي
فديتج والله