قوه بنات عفيه ابي مساعده
انا مستجده قبلوني محاسبه
طبعا انا مقرره اني بدش كورس واحد تجاري وبرفع نسبتي عشان ايب 3.80 نقاط او اكثر ان شاء الله عشان احول تربيه
فلازم اني اخذ 14 وحده او اكثر ومايقل عن 90 وحده علا ما اعتقد
فانا الحين ابي اخذ 14 وحده
هل هذول المواد يحسبونهم 14 وحده عشان اقدر احول تربيه ؟؟
اصول اداره
مقدمه في الحاسب
الثقافه الاسلاميه
مبادى اقتصاد
مبادى المحاسب (1)
عفيه ظرووري جاوبوو
هلا حبيبتي
اول شي هذا الجدول خذيتيه منهم ولا انتي مقرره تاخذينهم ؟
لانه لازم اهما يعطونج جدول ومن 14 وحده كونج مستجده
ثاني شي شروط التحويل انج اتيبين 3 نقاط للتحويل ( فنية / بدنيه ... إلخ )
او 3.50 للتحويل للتخصصات الثانية المحدده ... ( ماني ذاكرتهم .. )
ثالث شي 90 وحده من وين يبتيهم خخ ؟
اذا كل التخصصات بالكلية مايزيدون عن 69 وحده خخخ
المهم .. اتغشمر معاج طبعا
المجال المفتوح لج دراسته بالكلية عشان تحولين
ماتتعدين 30 وحده دراسية عرفتي
يعني اهم شي المعدل اما 3 او 3.50 .. وماتتعدين 30 وحده
رابع شي بالنسبة للمواد .. منو اساتذتج ؟
ترى اذا حاطينهم لج المقررات سهله .. مو صعبه وايد
بس اصول ادارة ماعرفها
مقدمة في الحاسب / تتكلم عن مبادي الكمبيوتر واستخداماته ..البسيطه مثل الاداوات وجذي ... وبعدين يتعمق بالنت .. وغيره يعني كله بمجال الكمبيوتر ... ماده حلوه وسهله اذا انتي لج خببره بالكمبوتر وبرامجه
الثقافة الاسلامية / على حسب استاذج وطريقته .. اذكر استاذي كان وايد متشدد فيها وكل اجابة يبي معاها استدلال حديث واية اللي يقوله يعني عرفتي .. وتتكلم بأمور وايد
مبادئ اقتصاد / اممم ... شلون اقولج ؟ تتكلم عن الاقتصاد مثلا لي هذا يرتفع ليش ينزل سعره .. ومقارنته مع الثاني .. شبه تحليل سوالف كلما زاد ينقص ... (( خخخخ خوووش توضيح ))) ...
مبادئ محاسبة 1 / هذي افتتاحية المحاسبة مثل مايقولون ... تشمل مسائل .. يعني عملية اكثر من ماتكون نظرية ... اصول - خصوم إلخ لمن تدرسينها بتفهين
اصول اداة / ماعرفها - مو تخصصي
يعني سهالات انشالله شدي حيلج .. وخلج على رايج انج اتيبين 3.80 مثل ماتبين ... وموفقه ان شالله
قوليلنا منو اساتذتج .. واي شي تبين سألي
:eh_s(7):
