بنات صج هالخبر؟؟؟؟

[منوشة قلبي]

مرحبا حبايبي سمعت ان هالسنه ماراح يكرمون الا اللي فوق 95 يعني موكل اللي يايبين امتياز

بصراحه اذا صج هذا ظلم شنو يبون عباقره ولا اشلون ؟؟؟؟

واللي يايبين امتياز يكسرون بخاطرهم!!!!

 

[pinkia]

امبييييييييه صج صج حراام بعد اهوه كل سنه 90 بالميه و فوق ليش هالمره غير

 

[نور**الدنيا]

/مادري انا اول مره اسمع بس حرام عليهم
ليش جذي يسووون لازم يكرمونهم علشان يكون دافع لهم ضيقتي خلقي صج

 

[منوشة قلبي]

والله هذا اللي قالت لي بنتي اهي بالابتدائي تقول الابلات يقولون هالحجي مايندرى حسبي الله عليهم

انا بنتي 94 ومتحطمه لانها ماراح تتكرم

 

[spanish-girl]

لو بنت الناظره او الوكيلة حتى لو 80 يخلونها من ضمن المتفوقين

 

[الريم30]

حسبي الله عليهم ونعم الوكيل ليش من جيب ابوهم كلة من الجمعيات لابارج الله بنورية الفضيخ

 

[قمر الليالي]

الصراحه ظلم ويكسرون في خاطر البنات
ليش جذيه انشاءالله يكون موصحيح

 

[أم عبووووود]

والله ياحبيبتي هذا اللي سمعته حتى ريلي يوم رايح اييب شهادة بنيتي سمع الابلات يقولون جذيه واللي حرني ان بنتي يايبه 94.8 % متخيلين يعني ناقص بس 2. % عشان يكرمونا بس وربي ماراح اخليهم مسكينة تتعب وبالحسرة تلقى وقت للعب ومايكرمونها .

 

[انوومه]

وااااااااااااي شنو هذاا بعد ؟؟
بدال لا يعدلوون المناهج ويشوفوون مشاكل الطلبه واحتياجاتهم يطلعوون قرارات جذي
بدال مايشجعوونهم
انا ماقول اله حسبي الله ونعم الوكيل الله يهديهم

 

[لعيونه]

مرحبا
انا سألت الناظرة عندنا قالت لا ما سمعنا شي اشاعات

 

[أم عبووووود]

مرحبا
انا سألت الناظرة عندنا قالت لا ما سمعنا شي اشاعات

اتمنى ان يكون اشاعات ان شاء الله تبدي الدراسة وبدش على الناظرة ويبين

بس ما اتوقع اشاعات اذا اكثر من مدرسة فيها هالشي ويتكلمون فيه

وبعدين ريلي سائل الابلات قالوا والله احنا مالنا شغل اسال الوكيلة ولما راح لها ما لقاها

الله يسمع منج اختي لعيونه ولا يندقرون عيالنا حراااام

 

[toyo]

حبيبتي هذا القرار من ناظرة المدرسة مو من نورية الصبيح

يعني الناظرة اهي الي تحدد النسبة الي تكرم الطلبة عليها

احنا عندنا الناظرة تقول الي ماخذه 90% تتكرم

 

[هوى الدار]

اتوقع من اداره المدرسه

 

[Ga6Wa Q8Ya]

انتي الله يخليج شفتي النسب الي يقبلونها جامعه الكويت والله في مادري اي كليه لازم 100 شدعواا عليييكم امبيييه الله يخلي الجامعات الخااصه قطع اشوا اني افتكيت من المدرسه والدراااسه افففف

 

[غنوة ستايل]

والله ما عندي فكره ؟