بنات صج اللي قاعد يصير ......... يخربون البيوت ويشهرون بالناس...........

[فديت منورة]

اليمن ما عليج ما منهم خوف طنشي لا تردين

اعرف وحده نفس الطريق حتى اسمها قاله لان اختها نادتها واهي ترد

و وزع رقمها على سعوديين

و مادري شلون ؟؟ اخوها طلع برنت عن الارقام و هددهم واللحين الحمدالله ما اشتكت ..

بس انتي لا تردين

و غطي الكاميرا انا اعرف وحده مغطيتها بصبغ اظافر


لا تخافين ما يقدر يسوي شي

 

[درر النور]

حبيبتي .. لن يصيبنا إلا ما كتب الله لنا .. اخذوا رقمه واشتكوا عليه .. ولا تسكتين عنه .. ولا تخافين منه ..
الحقير اللي ما يخاف الله .... كوني شجاعة .. وأعتقد انها لعبة عليك .. من وين أخذ الرقم ..... والله يهداك أي رقم غريب لا تردين عليه .. أنا أتذكر مرة سارت ليسالفه وكنا في رمضان والوقت قيام الليل كل يوم تجيني مكالمة من السعودية أول مرة ما رديت ثاني مرة .. بعدين قلت يمكن بنات عمتي .. اللي في السعوديه غيروا رقمهم ودقوا علي .. رديت إلا واحد رايح فيها .. صكرت النقال وأعطيته أخوي .. زفه اخوي زفه وهدده .. وبعده أنا قمت بإغلاق النقال فترة طويلة .. قال لي اخوي انه في مجموعة من الشباب في السعودية .. يقومون بهذه الأعمال حتى انهم يسجلون أرقام البنات في شبكة الأنترنت ..صراحة أنا تخرعت وكنت أغلق النقال دايما وما أفتحه إلا في الدوام فقط أو اذا بقيت أتكلم مع أحد وبعدين أغلقه .. والله يستر عليك اختي ويبعد عنك شر هذا الشيطان آمين

 

[vogue grl]

كان مفروض من قبل تحطين ستيكر على الكامره مثل ماقالوا البنات حطي بلاستر او اي نوع من الاستيكر بس تضمنين انه مايبين شي
وانشالله لله سبحانه ينصرج ويحفظج من كل شر ويبعد عنج اعيال الحرام امين

 

[الكويت غالية]

بسم الله الرحمن الرحيم

احب اشكر كل خواتي اللي ردو على موضوعي وهذا العشم فيكم حبيباتي وان دل دل ان هذا

المنتدى الطيب مايجمع الا الناس الطيبة وكلكم خواتي وحبيباتي

ثاني شي خواتي اللي قالولي انتي تسرعتي يوم علمتي زوجج انا قلت ياقلبي

ان زوجي انسان متعصب ومايغفر الزلة وكنت شاكة ان في ناس ورى هالسالفة

فمالقيت الا نه يسمع مني ولا توصله السالفة منهم وهني اكيد راح يزعل اني ماعلمته واح تصير مشكلة

ويوم اني علمته صح عصب بس منعت شي اكبر من هالشي يصير والحمد لله على كل شي

وبعض البنات قالولي ليش ماحطيتي ستيكرز من البداية وبصراحة اقول اني ماكنت اعرف ان في

ناس بهالبشاعة والحقد والحسد الله يكفيني ويكفيكم شرهم

والحين خلاص حطيت ستيكرز

(( اللهم من اراد بي سوء فاشغله في نفسه ورد كيده في نحره))

 

[اميرة-الاحجار]

شوفي اهو يقدر يشغل الكاميره بدون ماتدرين
صارت ويا وحده من ارفيجاتي دش عليها هكر وشغل كاميرتها واهيا ماتدري وبعدين هددها اما تدق عليه او يفضحها
بس اهيا حقرته وماسوى شي ..

 

[العواصف لا تضرب الا القمم]

الله يبعد عنج وعنا عيال الحرام ان شاء الله

 

[زوغه طلال]

حبيبتي الله يبعد الشر

بس بسالج اذا صورج مثلا ااااا اشعرفاه برقم موبايلج ؟؟؟؟؟؟؟؟؟؟؟؟؟؟؟؟؟

يمكن يلعب باعصابج واجذب لا صور ولا شي بس خربط ودق عليج ومايعرف منو صاحب الخط

​

 

[روح الدنيا]

اهم شي اختي طمنينا عليج

 

[اوركيدا]

حبيبتي تطمنى وحطي ببطنج بطيخه صيفي على مايقولون ..

لو قايل لج اسمج الحقيقي ولا مطرش لج صورتج اهني خافي .. انا بحرينيه وياتني موجة هاليمنيين ولزق فيني واحد .. اشهر مايأس مع اني كنت حاقرته مده طويله .. لكن بعد فتره قمت اشيله او ماارد بس عشان اخسره لين صج راح عني ..

فأنتي لاتحاتين خصوصا انه مسنجرج مافيه احد .. وطمني ريلج واذا كلش شوفو يمكن تقدرون تشتكون عليه بالسفاره اليمينيه او اي شي .. هالسوالف مو لعبه !! .. ولاتشغلين بالج ..

 

[قلب أبيض]

حبيبتي لاتخافين ولاشي ماعليج منه وحقريه

ونصيحة أي رقم غريب يدق عليج لاتردين على طول

طااااااااااااااااااااااااااف حتى لو من داخل الكويت

وادعي ربج إن الله يفكج منه يارب وتطمني ماكو إلا العافية

الله يستر علينا وعليج ويطمن بالج يارب​

 

[sweet_angel]

الله يعيينج حبيبتي اناا سمعت انه الهكرررز يقدر يصورج والافضل انج تحطين لزاق او ستيكرز عليه

بس شلون حصل رقمج ..........!!!!!!!!!!!!!! اكييد هذيي لعبه.........

ادعي(( اللهم من ارادني بسوء فاشغله بنفسه ورد كيده في نحره))

والله يكفييييييج شررررررررررررهم

نفس اللي ابي اقوله بالظبط
وودي رقمه حق الشرطه
خليهم يشوفون شالسالفه

 

[أميره بلا قصور]

شدعوووى

من صجج خااايفه
مستحييييييييييييييييييييييييييل ... خ نقول صورج بس شلون يعرف تليفوونج ....
هذا فاضي ماعنده شغل لا وبعد من اليمن خخخخ.. يقص عليج بيلعب باعصاابج بس
ريحي بالج يااقلبي ولا تحاتين

 

[عنايد]

الله يوفقج ويسعدج بحياتج

انتي بنت حلال وموضوعج جااا بوقته ماشاء الله عليج

 

[برشلونيه]

اممممم ما اعتقد مصورج قاعد يجذب عليج صدقيني لو حتى بيصور شلون بيطلع معاه الرقم والاسم
مبين ناس بيأذونج وحسبي الله ونعم الوكيل فيهم ربج مايطق بعصا وانشالله مايصير شي

 

[$فزولها$]

الله يستر عليج وعلينا..............ما عليج حبيبتى اذا انتى واثقه من نفسج ماااله داااااااعى الخوف
والبنااات ما قصروا الله يعاافيهم وضحولج كل شئ
والله يفرج همج ياااااااااااااااااارب

 

[dr.elzain]

لحظه شلون عرف اسمج ؟!!!!!!!!!!!!!

زين انا رفيجاتي كلهم هندسة كمبيوتر وتخصص فيروس وهاكرز.. وادري مليوون بالميه انا مايدش عليج الا من الماسنجر او يعطيج موقع fake مطلوبه فيه بياناتج وتروح له المعلومات او حتى لو طالب بس ايميليج ومن ايميليج يقدر ايعرف كل اللي يبي!!
والرقم لو فرضنا انه مهكر وحده من ربعج ومستعبط عليها ومسوي روحه انتي وقايل عندج رقمي اليديد اذا لا اي رقم عندج اللحين؟ وجذي ياخذه........... وهم يقدر يطلع اسمج !!!!! بس اكيييد بيدري انج متزوجه !!
ليش يدق ويهدد معناته وراه شي او مدزوز !!!! هذا تحليلي @-@

 

[dr.elzain]

اسفه ما ودي اخرعج بس ليش البنات يقولون مستحيل بالعكس الموضوع حيييييييييل سهل ويقدر يطلع كل اللي يبي من الهاكر !!
بس انتي تأكدتي اهوو صج مهكر جهازج ودي محل يجيك اريح لج !!

 

[* ليــــدي *]

حبيبتي عااااااااااااااادي انا تجيني ارقام غريبه قد شعر راسج و دزون مسجات نعرفج و شايفينج و نعرف رقم بيتكم من هالسوالف بس طاااااااااااااااااااااااااف ولاتخافين كلششش هذول فاضيين و يبون يخرعون الناس و بالذات الحريم

 

[* ليــــدي *]

نسيت اقولج اي بس الهكرز يبطلون الكاميرا وانتي ماتدرين
الدعاء يرد القضاء ادعي ربج يستر عليج

 

[شمسيه]

الله يستر عليك والبنات افدوك