بنات شوفوا شصار معاي عقب ما دقيت ع المباحث

[متواضعة]

الله يستر عليج حبيبتي ويفرجها عليج

ماعرف شالحل ادري صعبه

الله يعينج

 

[نواري قطر]

الله يستر عليج وحسبي الله عليه

 

[ندى العبير]

اخدي معاج احد تثقين فيه ما يطلع الحجي بررررة وتوكلي على الله وروحي تفتكييين

ويكوون هم وراااااح

 

[Miss McDonald]

• حبوبة دقي مرة ثانية وكلميهم
• اذا لازم تروحين , روحي مع رفيجتج وبلغي عنه لا تسكتين عشان لا يتمادى وتكبر السالفة

 

[Vaniela]

طمنيناا عليج حبيبتي ترى احاتيج ,,

 

[عهد..]

قبل ل شي الجي الي الله ربك الي خلقك وبيستر عليك ان شاء الله يارب وقومي اخر الليل وادعي وصلي لربك كثير وان شاء الله بيشغله بنفسه..
1\ انك تلبسين عباه ونقاب وتروحين المخفر او المباحث مع اي مره كبيره بعمرها يعني خالتك عمتك بناتهم وتبلغين عنه وتورينهم الصور الي ركبها ورسائله كلها .
2\ انك تكلمين اعقل الرجال عندكم يعني عمك خالك اولادهم وهو يتفاهم معاه لان الرجال ماتهاب الا الرجال .
3\ انك تلكمين رجال غريب عنكم يعني اخوان صديقاتك ويكون عاقل او متدين اورجل صاحب دين متدين يعني او حقين الجمعيات الخيريه وقولي لهم يساعدونك ويسترون عليك .
4\ كلمي اعقل واحد من اهله قولي اخذ الصوره مدري من وين ويركبها ويددني فيها وانا بتزوج انتبهي قلت اعقل واحد لانهم ماراح يصدقون في ولدهم وممكن يضرونك مايفيدونك ..

شوفي عندي حل خامس بس ما نصحك فيه ابدا الا اذا شفتي كل الابواب مسكره بوجهك كلها وشفتيها خاربه خاربه
قولي لوحده من صديقات تكلم زوجك على انها وحده معاديتك وان عندها صور لك لو مادفع فلوس بتنشر الصور
بعد يومين كذا كلميه قولي له انها اعطت الصور لاخوها وقام يركبها ويهددك فيها على انه كان لك علاقه فيه وهو بيتصرف مع الرجال..
والله يستر على بنات المسلمين ان شاء الله واتمنى الي تقراء قصتك تستفيد ان شاء الله وتكون عبره لغيرك يارب.. ​

 

[خلود الزمان]

الله يستر عليج انشاءالله
ماعندي حل بس أأيد راي البنات قولي لامج بس امج لااحد يدري غيرها

ترى الناس همن ماتنظمن يعني اذا زعلت منج وبالذات الحريم استغفرالله ياربي قالت الاكو والماكو عنج
اما امج سترج وغطاج
صح بتزعل وبتعصب بالبدايه وهذا الشي اكيد لانج بنتها وماترضى بالغلطه اللي سويتها
بس انتي بالسياسه معاها مهدي الطريج
قولي يمه انا غلطت ومعترفه بغلطتي بس تبت والله تبت والله يغفر الي يمه تكفين مالي الا الله ثم انتي ........
ومن هل كلام عاد

والله يفرج همج ويستر عليج
واهم اهم شي عليج بالدعاء

 

[غزالة سعودية]

كل ابن آدم خطاء وخير الخطائين التوابون الله يستر عليك دنيا وآخره اختى التجئى لرب ا الارباب افرشى سجادتك بالثلث لاخير من اليل وقولى (سبحانك الهم انى كنت من الظالمين )ثم اكثرى من قول اللهم اكفنيه بماشئت وادعى والله يختى ان لليلى سهام لاتخطى فعليك بها اللهم يارب العالمين استر اختن لى فى الله واشغل من عاداها فى نفسه الهم استر عيوبها وامن روعاتها واكفها ما اهمها

 

[أخت أخواني]

لا حول ولا قوة الا بالله ..
حبيبتي كلمي خالتج او بنت خالتج او اخت رفيجتج .. يمممه بصراحه شي يخووف

 

[kramilah]

ياللله الله يعيييييينج يااااارب ويستر عليج ويحل
مشكلتج..عاجلا غير اجلا...ادعي ربج وكثري من اسماء الله الحسني
وخصوصا يااساااتر..
واستغفري..وانشالله بتنجل..والله يوفقج يارب..

 

[FUSHIA-GIRL]

حسبي الله عليه
حياتي تصدقي بنية دفع البلا
ودايما ادعى وجعلنا من بن ايديهم سدا ومن خلفهم سدا فاغشيناهم فهم لا يبصرون
اللهم من ارد بي سوء فرد كيدة فى نحره واجعل تدبيرة في تدميرة
بسم الله الذي لا يضر مع اسمة شئ فالارض والسماء وهو السميع العليم
ودعي ربج فى كل صلاة وفى قيام الليل
واتصلي على المباحث وفهميهم واذا استدعى حضورج لبسي نقاب وعباة وروحي بتاكسي

 

[أحبج يمه]

الله يفرج هممج

 

[انصاريه قمره]

طبعا بيسوي جذي لانه شايف جدامه وحدا خوافه وجبانه وقعد يلعب فيج على كيفه اذا خايفه تدقين عالمباحث انا مستعده ادق واكلمهم لاني لو مو واثقه من توبتج مستحيل افكر اساعدج واذا تبين اي مساعده انا حسبت اختج راسليني عالخاااص

 

[أخت أخواني]

طبعا بيسوي جذي لانه شايف جدامه وحدا خوافه وجبانه وقعد يلعب فيج على كيفه اذا خايفه تدقين عالمباحث انا مستعده ادق واكلمهم لاني لو مو واثقه من توبتج مستحيل افكر اساعدج واذا تبين اي مساعده انا حسبت اختج راسليني عالخاااص

فيج الخير والله .. والله يكثر من امثالج :eh_s(7):

 

[نونو العصله]

علمي امج او اختج همو بساعدونج
ولا تضعفين ابد
هو اصلا خواف وجبان
واكيد ما يبي ينفضح
ما اقول الا الله يستر عليج يا رب

 

[نشيج الروح]

رفيجتج ما تقدر توديج ؟؟؟
وعلى فكرة هو شكله خواف والدليل أن ليما اتصل على بيتكم ما كلم أمج ... فارتاحي ما راح ينشر صورتج هي مجرد تهديد ... بثاصراحة عندي حل ثاني بس له سلبياته فخليج عالهيئة .... حتى لو تقولين لأي أحد ثقة ويسوق يوديج مكانهم وتفتكين من شره ....

 

[*الشيـــهـانـة*]

صج انه وااطي وحيوان وعسى الله يوريه باهله الحقير
انا اقول طرشيله مسج قوليله الصور اللي عندك بللهم واشرب مايهم واذلف انا مو خايفه منك واعلى مابخيلك اركبه
اول شخص بينذبح انت وافصلي خطج خليه يموووت وعساه يموت صج

 

[اًَدور ماَكو..}]

متضايقه حدي وربي ضحكتيني و انا متضايقه الله يوفقج

بنات خل اقولكم مره ثانيه امي مستحيل اقولها هي مريضه و مره على سبب تافه بغت تروح فيها اسمله عليها

و انا منقبه

في بعضكم يقولون البسي نقاب انا اساسا منقبه

و اخاف اروح مع التكسي انا اخاف من التكاسي و رفيجاتي محد فيهم يسوق و تقريبا رفيجاتي لو بعتمد على اخوهم صعبه لان كل رفيجاتي يدلون بيتنا و اخاف لما اخوانهم يدلون بيتنا لا سمح الله يصير شي و لا بيوم يتهاوش مع اخوي و يصير شي

و صدقوني مافي احد عندنا كبير و ثقه و انا و اخواني تقريبا الكبار بالعايله يعني كل بنات خالتي صغار و اكبر وحده بعاشر

 

[Miss McDonald]

في تكآسي بس سيارات عادية مو عليها شعار التكسي عرفتي ؟
روحي مآلج الا هالحل شنو بإيدج ؟!


الله يفرج همج حبيبتي

 

[اًَدور ماَكو..}]

طبعا بيسوي جذي لانه شايف جدامه وحدا خوافه وجبانه وقعد يلعب فيج على كيفه اذا خايفه تدقين عالمباحث انا مستعده ادق واكلمهم لاني لو مو واثقه من توبتج مستحيل افكر اساعدج واذا تبين اي مساعده انا حسبت اختج راسليني عالخاااص

يا حياتي ما قصرتي بس جربت ادزلج ع الخاص و مايصير لان مشاركاتي قليله بس اقدر ارد على احد اذا دزلي
انتي دزيلي اللي عندج بالخاص يا قلبي و ما قصرتي والله