بنات شنو معناة الحزن :(

[ضي]

السلااااام


شلونكم خواتي؟؟


شنو معنى اني حزينه؟

شنو الحزن ؟

منو اللي صج يكون حزين؟

اللي ربي مارزقها ريل؟

واللا اللي مارزقها عيال؟

واللا اللي ريلها يخونها؟

واللا اللي ماديتها مو ذاك الزود؟

واللا اللي ماعندها اهل فيهم خير؟

واللا ماعندها رفيجه تشاركها همومها؟

منو؟

سامحوني بنات الكلام مو مرتب ولا منظم بس من الضيقه اللي فيني

اللهم لا اسالك القضاء ولكني اسالك اللطف فيه

 

[ضي]

الف حمد وشكر لك ياااارب

 

[جـــواهر]

هونيها ياقلبي وربي محد خالي من الحزن والهم
خلي ايمانج بالله قوي .. وتعوذي من ابليس وقومي صليلج ركعتين
ولا اقري قرأن واذكري الله ( الا بذكر الله تطمئن القلوب )

والله يكون بالعون

 

[**فراشه نعومه**]

مساء الخير
حبيبتي الحزن حنا نجيبه لااانفسنا انا كنت حزينه يعني نكديه لاني اهتم بزوجي واشيل همه اذا ضاق وسكت قلت شفيه وقمت اوسوس اذا احد زعل علي ضاقت فيني الدنيا لاكن عقب مامرض ولدي عمره 5 سنوات وصابه السكر عرفت ان الله حق واني كنت بنعمه مايعلم فيها الا الله لذالك مهما كان مقدار الحزن والالم لاتستسلمين لانه عجاجة صيف وبتعدي ان شاء الله الحزن بيدينا نقلبه فرح

 

[غــلآ]

رد : بنات شنو معناة الحزن

ولا وحده فيهم

الحزينه اهي اللي مو عارفه قيمه نفسها

واللي مو مقتنعه بقسمه رب العالمين

ومو راضيه فيها

هذي الحزن يدش بقلبها غصــب

لكن لو بكل خطوه لها احتسبت اجر لها من رب العالمين صدقييني حتى ماراح يدل الحزن طريق لقلبها

على فكره اكثر من موقف من اللي حطيتيهم انا عايشه فيه حاليا لكن ما احس اني حزينه كلش

بالعكس احس باستقرار نفسي وراضيه بكل شي حولي

ومرتاحه البال

لان ادري مابعد الضيق الا الفرح باذن الله

 

[زينانه]

الحزينه هي اللي بعيده عن ذكر ربها
صدقيني كل هذا هم دنيا يروح ويجي
لكن هم البعد عن ذكر رب خلقج وخلق زوجج وعيالج هو البلاء الاكبر
ياحبيبتي الدنيا بلاوي وتجارب والله يعيننا عليها
انتي كل ماتواجهين مصيبه والا بلاء
على طول طلعي صدقه واستغفري واجد على مدار اليوم
والله والله والله ان الهم ينجلي والمشاكل تنفرج بقدره ربج
وحطي في بالج ان البعيد عن ربه .... ربه بعيد عنه

 

[شيخه الحلى]

الحــــــزن قـــــــــــرار مو قدر


انتي نقررين تكونين حزينه او لأ


يا ما ناس تصير لهم مصايب بس عايشين والإبتسامه ما تفارقهم
وراضين بقضاء الله وقدره

الرضى ثم الرضى ثم الرضى

الرضى يبعد عنج الحزن

الرضى بأن البنت لي الحين ما تزوجت وصارت عانس.. ترضى وتعيش سعيده


ترضى ان ما تييب عيال وتسعى تعالج وتكون سعيده

...................الخ

الحمد الله انج مســـلمه... ومن امه محمد (عليه الصلاة والسلام)..... وكويتيه.... وعايشه بالكويت...
هذي اكبر نعمه الله انعمج عليها

الحزن حاله تروح وترجع على حسب الموقف
وانتي اللي تتحكمين بحزنج

ماكو شي يستاهل الحزن والله

قولي الحمد الله

ودايما قولي (اللهم لاتجل مصيبتي في ديني)

اهم شي الديــــن اما الأشياء الباجيه تروح وترجع

والدنيا حلـــــــ :eh_s(8): ــــوه

 

[ام شووووق]

رد : بنات شنو معناة الحزن

الله يفرج همج يااااارب

 

[موني^حبيبي]

رد : بنات شنو معناة الحزن

الله يبعد عنا الهم والحزن

ويكثر افراحنا

ويبعد عنا العين

 

[BiiShOoO]

الله يهون عليج اموورج يااارب و يشيل عنج الحزن

 

[ضي]

مشكورين خواتي

وماقصرتوا

وصح الحزن يروح وايي

واهم شي الرضى

 

[عيون القرناس]

رد : بنات شنو معناة الحزن

الحزن هو المرض

الحزن هو انج تشوفين نعمة ربي عليج ولا تشكرينه عليها
والله والله والله دام ربي معافيج ومعطيج صحه صلي ركعتين حمد وشكر وتعوذي من ابليس
قسم بالله ان الحزن لارحتي مستشفى السرطان الله يعافينا وياكم ويبعدنا عنه يارب
ولا دشيتي قسم العنايه المركزه والانعا ش وربي كل الناس ماراح يهمونج بلحضتها مايهمج غير دينج
لازوج ينفع ولا اهل ولا ولد

والله يفرج همج بس صدقيني دامج بصحه وعافيه وتاكلين اللي تشتهينه وتنامين وتقومين وتمشين وتشوفين اعلمي انج في قمة السعاااااده

 

[Xtina]

رد : بنات شنو معناة الحزن

حبيبتي لا تخلين الدنيا اكبر همج ترا الدنيا ما تساوي شي مقارنة بالآخرة
حتى بدعائنا نقول اللهم لا تجعل الدنيا اكبر همنا
بعدين الحزن مو من صفات المسلمين هذا شي بأختيارنا احنا نقرر نكون حزينين
قال تعالى (ولا تهنوا ولا تحزنوا وانتم الاعلون ان كنتم مؤمنين) لأن بقدر ايمان الشخص تكون سعادته
واللي بعيد عن ذكر الله هو الحزين بالدنيا ... بعدين شوفي الناس ومصايبهم وقولي الحمدلله انا بخير ونعمه
والله فيه ناس عايشة بالعزر وابتلاءات وتلاقينهم ماشاءلله صابرين محتسبين ما يتظلمون
نصيحة قطي كل شي ورا ظهرج وقولي الحمدلله على اللي الله كتبه لي

انتي تنامين في ناس ما تنام صوت الدبابات والصواريخ فوق روسهم
انتي تاكلين وفي ناس مو لاقية شي تاكله لمن تموت من الجوع
انتي مرتاحه في ناس تون وتصيح من الألم دشي المستشفيات شوفي البلاوي
قولي الحمدلله ع هالنعم العافية والامان والخير وشيلي الوسواس من راسج
واهم شي ارضي بقضاء الله وقدره

 

[قآهرني بس آحبه]

رد : بنات شنو معناة الحزن

الله يفرج همج وهمي ياااااااارب... الحمدلله على كل حااااااااال

 

[شبعآنه دلـع]

رد : بنات شنو معناة الحزن

الله يفرج همك

 

[زينبو]

رد : بنات شنو معناة الحزن

الحزن انج تفقدين الناس اللي تعزينها .. دام اهلج معاج حبيبتي قولي الحمدلله ترى هذي نعمه كبيرة من عقب الاسلام والصحه ..

 

[مجنونة بس عاقلة]

الحزن هو الابتلاء بأي شي من المال الاهل العافيه ......الخ

 

[الأميرة جوري]

رد : بنات شنو معناة الحزن

الحزينه اللي بعيده عن الله ............اذا الانسان مرتبط بربه وثقته كبيره فيه ومتوكل عليه مستحيل الحزن يمر عليه لان الله معاها ......والله يفرج هم المهموووووومين

 

[مـزآج ــــية]

عسى الله يفرج همج و هموم المسلمين يا رب

 

[ضي]

كلامكم يريح القلب


مشكورين حبايبي