بنات شنو تفضلون :)

[Miss_Tiger79]

شلونكم بنات

اول شي في موضوع ابالي من زمان وحبيت اشوف رأي الأغلبيه فيكم

(الله يرزق البنات الي ما حملو والله يسهل على الحمل يا رب)
كنت اتناقش مع وحده عن عدد الابناء بالعايله

وصار بينا ان بهالوقت والغلا الي احنا فيه ان العايله يكون عندها كحد اقصى 3 اطفال ويهتمون بتربيتهم ورعايتهم واحتياجاتهم

وطبعا مو اعتراض عن الي يبون اكثر .... مع ان حلات العايله كبيره
لان ما تحسون فيها الا اذا كبرو :rerrerek:

بس المشكله بمشاغل هالوقت والغلا وان الواحد يحط باله على عياله واذا كانت الام تشتغل وشغلها ماخذ وقتها ....:balo:


فابي رايكم في ان شكثر تفضلون عدد اليهال

 

[سموره 87]

انا معاج الحمدالله 3 كافي

 

[Miss_Tiger79]

رد : بنات شنو تفضلون

تسلمين سموره

ترى انا مو مع عدد معين وبس
بالعكس في ناس يحبون اليهال ....

فأبي أشوف آراء اكثر بعد

 

[Brounzi_girlly]

رد : بنات شنو تفضلون

بالنسبة لي ودي يكون عندي 4 انا عندي الحين بنتين ودي بولدين يارب ترزقني وتعيني اربيهم ويكونون صالحين بارين فيني وبأبوهم
مع التحية.........

 

[cute-pink]

انا ابي 6

 

[LiL MaMa]

رد : بنات شنو تفضلون

انا عادي اللي اي من الله حياه الله

و كل بيبي ايي مع رزقه

و ليش الشغل ياخذ كل الوقت ؟؟؟

انا بالنسبه لي عيالي اولى بوقتي

انا الحين حامل بالرابع

و انا حامل اقوول بس هذا اخر بيبي

بس من يكمل البيبي سنه و نص

اقوول ابييييييييييييي

هههههههههههه

 

[كويتيه مذهله 87]

والله ما اقدر احدد عطيه الرحمن لان هالشي موبيدي
بس بهالوقت 4 كافي الصراحه التدريس كل ماله ويصعب والتربيه بعد

,,,

 

[MissChoco]

التربيه صارت صعبه لانه الزمن تغير صار يخرع تخافين عالولد اكثر من البنت!!

انا افضل 3 اربع بس اذا كبروو حيل مو حلو لانه شويه حلاتهم ادا كبرو 6 تحسين انه صج عندج عيااال يشيلونج

بس انا وحده اخاف من الولاده لووول فالله يستر

 

[مسك81]

الحمدلله 3 كافي الله يخليهم ويطرح فيهم البركه

 

[Miss_Tiger79]

رد : بنات شنو تفضلون

حياكم بنات على هالردود الحلوه

مذهله
بالعكس ادري المفروض محد يعترض على عطية الرحمن بالعكس

يعني انا بالعكس استانس لي شفت عايله عيالهم وايد ما شالله وبنفس الوقت اقول لو انا امهم جان شلون وضعي

وطبعا هم اقول كل ياهل معاه رزقه

وهم ادري ان الشغل مو ذاك الوقت الي ياخذه بس بس اذا صار كل شي تحت مسؤوليتج بتحسين ان التعب يغلبج


انا رايي 3 و4 والحمدلله

 

[أحـلام * ورديـة]

رد : بنات شنو تفضلون

انا اذا بحاتي التعب ابي 4

بس اذا خليتها على الله عادي اييب 6

 

[متيمه بهواه]

رد : بنات شنو تفضلون

عاد انا خاشه عرض عليكم
أبي ربي يرزقني بالحمل الجاي بنوووته
هذي كل امالي والله ماندري الخيره وين

سبحان الله حنان الامومه بحر خيال لو عليها تجيب درزن وفوقهم نص درزن زياده :eh_s(3):

 

[أم حمودي**MALL**]

مايندرى كل وقت وله اذان على قولتهم

 

[Miss_Tiger79]

رد : بنات شنو تفضلون

حلو البنات

الله يرزقج بالبنوته والذريه الصالحه


تسلمون بنات على ردودكم الروووووووعه

والله يرزقنا ويرزقكم بالذريه الصالحه يا رب

 

[@سيدة نفسي@]

رد : بنات شنو تفضلون

6 حلوييييييييييييييييييييييييييين

3 بنات و3 صبيان يكونون سند لبعضهم لا كبرواا

أمهاتنا ماكانوا أنانيين وخلوهاا على الله والحمدلله يوم كبرناا لقيناا

اخواننا وخواتناا هم عزوتناا وذخرناا الله يخليناا لبعض ان شاءالله ..

واذا هو بكيفي أجيب أكثررر بس مابقى في العمر كثر مامضى <<< الأخت صاكة الستين لوووووووول

 

[hneen2]

حلو موضوعج

شوفي انا بدايه زواجي وعلي اول ياهل ببالي ٤ يهال كافي الف الحمدالله بنتين وولدين حلوين بس
طلعت الشغله مو علي كيفنا لوووول انا الحين قولو مشالله ماشالله عندي ٦ يهال ربي يخليهم ان شالله
لان انا يبت ٣ صبيان ومت مت علي البنوته ويبت بنت الحمدالله انزين الحين هالبنت يبيلها اخت لوووول

حملت ورها ماعني ماكنت مخططه لهل الحمل بس قلت يالله الحمد الله وان شالله خيره وتي اخت حق بنتي بس
يب الولد الرابع

يوم صار عمره ٣ سنوات كسرت خاطري بنتي وحيده وعايشه بين صبيان

جان احمل ولو ان ريلي كان مو مقنتع بسالفه الحمال بس خليتها علي الله والحمد الله ربي حبيبي ماقصر رزقني بنوته اخت حق بنتي

خلصت القصه لووووول

لا والله جد يعني الوحده ودها تختار وااايد اشياء يحياتها بس القسمه والقدر مو علي كيفنا
والحمد الله انا وريلي مستانسين عليهم صح شوي نتعب بالمصاريف خصوصا ويا ولدي العود عمره ١٥ اسم الله عليه وهم نتعب بدراستهم
بس ان شالله ربي يطرح فيهم البركه واشوف الصبيان معاريس والبنات عرايس قولو امين

 

[q8 knosha]

رد : بنات شنو تفضلون

اهوا حلاته ليي كبرو يكونون واايد يعني 7 جذي خخخخخ
بس ماعتقد فيني شده علي ال7 يمكن اذا كل دفعه توأم اييه لوول
بس افضل يعني 3 او 4

 

[غلاي غير]

عطية الرحمن حلوه
بس مايمنع ان نحدد النسل مو نوقفه بعدد معين والله يكتب الي فيه الخير

 

[A7bny =)]

امممممممممم ماعرف انه بجر وبشوف الوضع شلون بيكون مع اول بيبي وعقب بفكر جم اييب خخخخخخخخخخخ

 

[بيرلا ستور]

رد : بنات شنو تفضلون

اللي يجي من ربنا يا محلاه
والله يرزقنا يارب