بنات شنو اشتري هدايا من دبي

[نور اهلي]

قوة بنات



شلونكم شخباركم



1- انا مسافر ان شاء الله باجر دبي حبيت اعرف شنو احسن نوع للبخور عندهم وباي محلات ؟؟


2- وشنو الهدياء الي اشتريها من هناك ؟؟

3-ووين القى محلات تبيع درارريع لرمضان اختي موصيتي على دررايع فابي باسعار مقعوله مو غاليه ؟؟؟



بنات عفيا لاتطنشون :eh_s(12):

 

[الدلال]

تقدرين تشترين بخور وطيب
شيلات ودراريع

روحي سوق مرشد وسوق الوصل

 

[miss_solitaire]

هااااااااااااااااااااااااااي

قوة بنات



شلونكم شخباركم



1- انا مسافر ان شاء الله باجر دبي حبيت اعرف شنو احسن نوع للبخور عندهم وباي محلات ؟؟

البخور اهناك ما الج الا محل ((( انفاسك دخون ))) بتلقينه في دبي مول و الوافي سنتر و ميركاتو مول
2- وشنو الهدياء الي اشتريها من هناك ؟؟

الاطفال : محل ((( هيلو كيتي ))) موجود في دبي مول و الامارات مول و سيتي سنتر و ابن بطوطة
محل ((( بينك بانتر ....> النمر الوردي ))) بالسيتي سنتر
محل العاب موجود في الامارات مول بطابق بروحه فوق نسيت اسمه

الكبار : من محل انفاسك دخون ... و الوافي سنتر بالسرداب سوالف الشيلات و الدراريع

دراغون مول للكبير و الصغير
3-ووين القى محلات تبيع درارريع لرمضان اختي موصيتي على دررايع فابي باسعار مقعوله مو غاليه ؟؟؟

مثل ما قلتلج فوق الوافي سنتر بالسرداب
بنات عفيا لاتطنشون :eh_s(12):

 

[f@rsaq8]

برجمان يمدحونه

 

[Sweat Dreams]

رد : بنات شنو اشتري هدايا من دبي

البخور اهناك ما الج الا محل ((( انفاسك دخون ))) بتلقينه في دبي مول و الوافي سنتر و ميركاتو مول
حبيبتي شنو أحلى عطر بأنفاسك دخون آنا من زمان شامه عطر من عنده مع وحده معانا بالدوام بس كان رووووووووعه

 

[غلا الروح79]

مالج الا سووو قنايف ومرشد وسوق البرجمان
وسفره موفقه يااارب

 

[البنوسه]

عندج بعد سوق عكاظ وبره سوق عكاظ في محلات عطور وبخور وزعفران ودراريع وشيلات
وفيه محل قبال سوق عكاظ يبيع مواعين حلوه ويبي ساعات اشياء غريبه حق رمضان مطاطير صواني صحون تفديم
وترى سوق عكاظ مكيف

 

[amoon]

رد : رد: بنات شنو اشتري هدايا من دبي

تقدرين تشترين بخور وطيب
شيلات ودراريع

روحي سوق مرشد وسوق الوصل

مانصحج تروحين هناك حر وبتكرهين عمرج

 

[حنون المزيون]

رد : بنات شنو اشتري هدايا من دبي

تبين الصراحه ما فيها شيء ينشري سوق عكاظ مال الدراريع تلاقينه بالمباركيه فوق ومحل هالو كاتي بالافنيوز ومجمع برجمان نفس الصالحيه وبعض ماركات الأفنيوز وملوت الزعفران اغلبه ايراني مشيب

بالنسبة للبخور اللي اعرفة ملك العود بالغرير وجنه في دبي مول صوب مال البخور عندهم برسونا حلوه بس بخور الإمارات بشكل عام ما انصحج فيه ما ادري انا بصراحه ما حبيته أحسه نفس ملوت السحره ريحته مو شيء

تبين جواتي في محل بستى سنتر كبير وايد فوق وجواتية ماركات هذا راقي بصراحه قباله مطاعم قعدات وفي محل سهرات همين بستي سنتر حلو بس نفس بضاعة الصالحيه شريت منهم بدله ولقيتها بالصالحيه


خلاصة الكلام الكويت مافي مثلها ورحله موفقه

 

[نور اهلي]

تسلمون بنات ماقصرتوا عساكم على القوة

 

[نور اهلي]

هااااااااااااااااااااااااااي

مشكورة حبيبتي ماقصرتي

بس شنو احلى ي بانفاسك دخون ؟؟ :eh_s(3):

 

[T.O.T.A]

أول شي حياج الله حبوبه في بلادج الثانية الامارات ^.^

وإن شاء الله تستانسين في السفره ^_^

1- انا مسافر ان شاء الله باجر دبي حبيت اعرف شنو احسن نوع للبخور عندهم وباي محلات ؟؟

- عندج محل (ياس) .. محل راااقي وشغلهم روووعه .. فروعهم:

دبي فيستيفال سنتر + ابن بطوطة مول (قسم الصين) + مردف سيتي سنتر + دبي مول

وهذا رابط موقعهم: http://www.yasperfumes.com/arabic/index.html



- وعندج بعد محل (أنفاسك دخون) رووووووعه .. وهو عباره عن كشك مفتوح مب محل بس رااااقي .. بس أسعارهم تعتبر غاليه مقارنة بمحلات العطور الثانية (أجمل .. ياس .. الرصاصي . . الخ)

بس يستاهل لأنه عطورهم وايد حلوة ^_^ .. فروعهم:

السوق الحره مطار دبي + ميركاتو + العربي سنتر + دبي مول

وهذا رابط موقعهم: http://www.anfasicdokhoon.com/index.php?option=com_frontpage



- وبعد في محل توني اكتشفته وعطورهم رووووعه .. كنت رايحه معرض وكان آخر يوم

وخذت عينات من محل اسمه (عفراء باريس) .. المشكله إني ما شميته إلا في البيت ولا جان اشتريت من عندهم >_<

عطورهم واااايد حلوة وثابتة .. ويوم سألت طلع حق وحده اماراتية اسمها حصه وما عندها محل .. بس تشارك في المعارض + تطرش مندوبتها للبيوت

إذا تبين بطرشلج رقمها عالخاص وشوفي جان تقدر تطرشلج مندوبتها للفندق



- والمحل الثاني اللي اكتشفته هو (اهل الدار لصناعة العطور) جربت عطرين وكل واحد ريحته احلى عن الثاني .. بس مادري إذا عندهم محل .. أنا ألاحظ كله يشاركون في المعارض

عالعموم عندي الكرت مالهم .. ولو تبين رقمهم بطرشلج اياه عالخاص



- وعندج بعد محل (أحمد المغربي) وااايد يمدحونه بس انا ما يربته .. فروعه:

مركز بن سوقات (في منطقة الراشدية, طريج المطار) + مركز الغزال (في آخر شارع الضيافة)



(ملاحظه: ترا إذا الريال الغريب شم ريحة العطر على البنت تعتبر زانية << أدري كلكم تعرفون هالمعلومه بس حبيت ابري ذمتي وارتاح عشان ما اتم اوسوس خخخ )

2- وشنو الهدياء الي اشتريها من هناك ؟؟

- اممممم تقدرين تشترين حلويات من محل كانديليشس (candylicious) اللي في دبي مول حق اليهال


- اشتري شيل (ملافع)
(مركز حلوان ومركز عهود في الشارجة + مركز بوهيل في دبي + وإذا ترومين تروحين عيمان (عجمان) تراها عدال الشارجه بالضبط .. هناك عندهم محلات عبي رخيصة وحلوة)


- اشتري عطور + دخون
(من المحلات اللي ذكرتهم فوق في السؤال الاول)


- اشتري قطع (أقمشة)
(مركز المنال في دبي + ومركز السور مجابل مسيد الملك فيصل في الشارجه + مركز البستان في دبي + السوق الجديم في الشارجه)


- اشتري قمصان نوم
(مركز المنال في دبي + السوق الجديم في الشارجة + كشخه بلازا في نفس منطقة بوهيل في دبي + مركز البستان)

طبعاً لا تنسين تكاسرين محلات القطع والشيل وقمصان النوم


امممم هذا اللي بالي الحين .. ولا تنسين حبوبه تمرين (دبي اوت لت) عندهم نفس بضايع المولات بس باسعار مخفضه وااايد

وعندهم بعد بوتيك صغير في الطابق الاول ناسيه اسمه .. بس هو مجابل محل اسمه المحلات الكبرى .. وهالبوتيك ممكن تلقين عندهم شنط وتيشيرتات وملابس حلوة تنفع كهدايا

وفي واايد محلات ملابس تنفع كهدايا حق اليهال

وفي أخت يزاها الله خير سوت موضوع عن المول .. وهذا هو الرابط: http://www.q8yat.net/showthread.php?t=337590

3-ووين القى محلات تبيع درارريع لرمضان اختي موصيتي على دررايع فابي باسعار مقعوله مو غاليه ؟؟؟

- عندج محل اسمه (راجو بلازا) .. لا تنخدعين بالاسم وتقولين هذا مال هنود لوول .. بالعكس جلاليبهم وااايد حلوة .. وأسعارهم على حسب الشغل اللي عالجلابية
مكانه: عدال مركز حمرعين


- وفي بعد (كشخه بلازا) .. ولا مره رحتله بس دووم اسمعهم يتكلمون عنه .. وهو في نفس منطقة بوهيل في دبي


- وبعد مثل ماقالو الخوات عندج سوق عكاظ




إن شاء الله تكون معلوماتي مفيدة .. توصلين وتردين بالسلامه حبيبتي ^_^

 

[H.A.K.W]

يعطيكم العافيه بنات كفيتوا و وفيتوا

 

[miss_solitaire]

بالنسبة لانفاسك دخون

في وايد عطور

احلى شي شميته عندهم اذكر اسمه ((( فبراير ))) و ((( شي )))

 

[نور اهلي]

مشكورين بنات ماقصرتوا كفيتوا ووفيتوا

شريت الي نصحتوني فيه

 

[جنون العشق]

رفع

 

[رمانه كويتيه]

رد : بنات شنو اشتري هدايا من دبي

upp

 

[محلبية]

شنو بالضبط شريتي خلنا نستفيد الله يعافيك

 

[Om_Ksha]

خووش معلومات

 

[لميس نفسي]

الو
ليش مو طالع الموضوع