بنات شلون اخلي القطوه المتوحشه تصير اجتماعيه !

[رموشه]

السلام عليكم
طبعا الموضوع مبين من عنوانه انا من خمس اسابيع اذا مو اكثر
ياتنا قطوه ويا عيالها وسكنت بيتنا بس مشكلتها متوحشه يعني وايد تخاف
واناديها واكلمها واهي خايفه يمكن لان في بالها بنظر عيالها مع اني ما اجرب
منهم خصوصا لما اودي لهم الاكل تلقينها تكشر في ويهي وتطلع صوت يعني
بتهجم علي ابتعد عنها واحط الاكل بعيد ياريت اللي صارت معاها هالمشكله
تقولي شلون اخليها تتأقلم معانا !

 

[عود ومسك]

بخبرتي البسيطه اتوقع انها ما راح تتأقلم لين يكبرون عيالها شوي وياخذون عليكم
ترا كل المشكله انها خايفه على عيالها عشان جذي تكشر وتحسين انها بتهجم

 

[رموشه]

اها مشكوره اختي

 

[ملاك زوجي]

يمكن خايفه على اعيالها

انا كان عندي قطوه عمرها شهرين يبتها عندي وكانت كلا تنخش مني وماتقرب صوبي واهي نوعها تتخشش وايد

بس لمن اييب لها الاكل احطه جدامها علشان تدري اني انا الي اببي الاكل وكنت احط الالعاب والعب معاهم اهي وقطوتي الثانيه شوي شوي تعودت علي بس هذي يمكن خايفه وماراح تتعود الا لمن يكبرون اعيالها ويعتمدون على روحهم

 

[مسك الجنوب]

حذفيهاا بالشارع ويطلع قلبهاااا

انا بصراحه ماعرفهم لهم عدل واتمنى البنات يساعدونج

 

[7boons]

وي عاد انا عندي قطوه من شهرين والحين صار عمرها 4 شهور بس انا شاكه ان فيها انفصام بالشخصيه مراات اتيي تقعد بحضني و مراات اقعد من النوم القاها يمي ومرات اروح له تنحااش تركض مادري شسوي فييها ومراات هم تكششرر بويهي مزااجها صعب انا بعد ابي حل يا جماعه

 

[رموشه]

مسك مالي قلب احذفها يمكن صج لان خايفه على عيالها من جذي ما تبي احد يجرب منها

 

[مسك الجنوب]

امممممممممم صح قلبي بس ربي يهديهااا لج

 

[kikoo]

أنا بعد كانت قطوه والده ببيتنا ترا القطو العود ما يتربا
اذا أنتي تبين العيال نطري وطولي بالج
كل يوم وكليهم وقعدي معاهم
العيال بروحهم اييونج ويتعودون عليج بس يكبرون اشوي يعني ايصير عمرهم على 3 شهور
تلقينهم معاج وين ما اتروحين
بس الام لا اتقريبين منها
وديري بالج تلعبين مع عيالها جدامها ساعات اتغار واتشمخ بس اتروح كيفج سوي اللي تبينه
ووكليهم وعطيهم حليب ترا يتعلقون فيج أكثر واكثر وبس يكبرون تلقين الام بروحها خلت البيت وطلعت

 

[رموشه]

مسك مشكوره على التفاعل حبيبتي وامين يارب
كيكو صح كلامج اان ما اجرب منهم الا وقت الاكل اصب لهم ماي
واعطيهم اكل هذا اللي اسويه وتخيلي عندنا قطو متعود علينا كل يوم ايي
واوقات يبات تصدقين الشبه واضح بينه وبين عياله والحين توالف وياهم
الحمدلله >> في تطور وقل الهواش بينه وبين فلافي والعيال قامو يجربون منه
ويبون يلعبون معاه بس مشكلته انه يغار وايد لدرجه اليوم كان بيدش بيتنا يوم
جاف فلافي وقفت يم الباب بس بنات لاحظت شي على القطو تصدقون لما
ياتنا فلافي وانتو بكرامه يرشش بول على المكان اللي ييلس فيه مع ان عمره
ما سواها يوم كان بالبيت بروحه في احد يعرف !!

 

[ATOoOMA]

حبيبتي اذا كانت القطوة توها يديدة وبعد مو اصغيرة صعب انج تغيرين فيها طبايعها

وخاصتا بعد قطوة كبيرة وبعد عندها اعيال هذي جد مصيبة ..لان لو كانت عندج من يوم اهيا اصغيرة واولدت كان الوضع عادي بس اما اهيا عودة مشالله وبعد امعيلة تخاف منج لانها ما تعرفج تخاف لا تاخذين اعيالها او تطقينهم ..بس ديري بالج بالبداية راح اتأذيج بس مع الوقت تعرف انج مراح تاذينها ..وترا القطوة اذا حست في خطر اعيالها ممكن تذبح واااااااااااي الله يحفظج وديري باللج منها

 

[ATOoOMA]

ترا الحيوان سبحان الله ترا يغار حالة حال الانسان

يمكن الظاهر غيران لان في فلافي مدلل وعندكم في البيت

انا بعد عندي جلبتي اول ما اطلعها لازم تروح وانتي ابكرامة تبوول على باب قفص الجلب العود ومايقدر يسوي لها شي لان منحبس داخل هههههههههههههههههههههه

 

[رموشه]

هههههههههههههههههه والله حاله بس امس لاحظتها من تجوفني يطلعون عادي سويت روحي مشغوله وانا بالي عندهم اجوفها تجوفني وعيالها كلهم طلعو بس خافو من صوت ابوي يوم ناداني وانخشو مره ثانيه انا هني ضاق صدري t_t

 

[الوفى عنواني]

قوة
مرة ولدت في بيتنا قطوة من الشارع وكنت ميتة ابي عيالها ولدتهم تحت سرير بغرفة من الغرف وامهم تخوف متوحشة من قلب اشسويت طبعا انا خبرة بالقطاوة بكل اصنافها لول المهم رحت انطرها تطلع واشتغلت مراقب عليها_03BA: ليمن طلعت وهي طبيعي بتطلع علشان تروح تتغدى لاني تعمدت اجوعها وهي قطوة شوارع ماينخاف عليها سكرت البيبان والدرايش وتاكدت انها مو بالبيت لان بروح فيها وطييي لو تشوفني ماسكه عيالها بيصير وجهي جدول الضرب :dddds: المهم مسكت عيالها حلاتهم ستة النحيسية وخاشتهم واحد صك عالثاني من حلاتهم وديتهم المجلس وقعدت امسح فيهم الا شوي واختى تقول اسمع خرفشة عند الباب عرفت انها جت قلتلها بطلي البيبان كلهم الا باب المجلس لووول وقعدنا نطل لقيناها شيكت ماحصلتهم مسكينة وطلعت مخترعة تطالع فينا جان شاسوي ابيها تطمن لنا رحت بطلت باب المجلس ووريتها عيالها لووووول جليلة الحيا دشت مفزوعة وصارت تلقهم واحد ورى الثاني عاد وهيا رادة تبي تاخذ السادس لول حطيته لها عند باب الغرفة قربته لول وشالته بعد يومين لقيتها مبدله مكانها وحتهم تحت السرير بس قرب من الجدار بعدي عننا هم كررت الحركة فيها ليمن صارت تتعود تروح وترد وعيالها عندنا ولا صرنا نحامي عنهم من العتاوية وكبرو بعزي بس من شقاوتهم امي قطتهم لوووول​