بنات .. شلون أعطر شعري... ماعرف ‍‍‍!!!!!! :(

[بريق]

السلام عليكم

بنات قولوا لي شلون تعطرون شعركم ..

غير البخور والعود ..

شفت عند الفودري خمرية للشعر على دينارين ونص . شميتهم وترددت ..

أبي كل وحدة فيكم تستعرض طريقتها .. بليز ..

تدرون .. أهم شي ريحة الشعر تكون حلوة ومنعشة وتعطيج ثقة بالنفس ..

انا احط حنا بس ما أحط سوالف ريحان وورد .. وأخاف أحط العطور الفرنسية يقولون تجيب الشيب للشعر ..

بانتظاركم يا كويتيات ...

 

[زيـنـه]

رد : بنات .. شلون أعطر شعري... ماعرف ‍‍‍!!!!!!

عند الشايع مخمريه ب 6 دنانير .. حلوه و ريحتها تدوم .
عقب ما تطلعين من الحمام نشفي شعرج شوي بالفوطه و اخذي نتفة مخمريه حطيها بيدج و فركي ايدينج الثنتين و تالي حوسي ادينيج في شعرج .. بس لا تكثرين مخمريه لان الشعر يدهن اذا كثرتي . و تالي نشفي شعرج او سشوريه و تبخري يا قبل او عقب السشوار و شوفي ريحة شعرج و ادعيلي ..

 

[السفيرة عزيزة]

رد : بنات .. شلون أعطر شعري... ماعرف ‍‍‍!!!!!!

ما شاء الله زينه كفيتي و وفيتي

المهم الخمريه ترى تعطي ريحه جنان

شوفي الحرمين عنده خمريه اسمها موخمريه
بعشر دنانير تهبل صج حلوة

و الفودري بعد الخمريه مالته حلوه
و اذا تبين ريحه اقوى بعد
حطي على رقبتج و ورى اذونج من الصندل عند الفودري بعد

يهبل

صج الريحه قويه و تبقى

 

[وردة الجلاس]

رد : بنات .. شلون أعطر شعري... ماعرف ‍‍‍!!!!!!

انا بصراحة ماتطيح عندي الخمرية والعطورات العربية احس اني جدتي قاعدة مادري ليش
بس اذا اخذت شور حطيت دهن فرنسي اي نوع تحبينه وانا نوعي أغير كل مرة واحب دهونات الرجالية تعطي ريحة فواحة مووووووووووطبيعية مثل الصابون وتحصلين انواع متعددة سواء الحرمين او القرشي او العربية كيفج وبعدين بخري شعرج كل يوم

 

[بريسم]

رد : بنات .. شلون أعطر شعري... ماعرف ‍‍‍!!!!!!

ممكن ترشين عطرج المفضل الفرنسى على فوطة شعرج و لما تغسلين شعرج خلى الفوطة عليه 10 دقايق

او حطى مسك العروس مسحى ايدينج فيه و خللى شعرج بايدينج

او حطى ماى ورد + اى زيت فرنسى او دهن عود فى علبة رش و رشى شعرج من بعيد شوى

و ادعى لى

 

[بريق]

رد : بنات .. شلون أعطر شعري... ماعرف ‍‍‍!!!!!!

زينة .. مشكورة ... بس قولي لي شسم المخمرية مالت الشايع ..؟...

عزيزة .. تسلمين .. .. أي خمرية اللي عند الفودري عجبتج ؟؟ أصداف ؟؟؟

وردة الجلاس .. ما قصرتي .. بس أول مرة أسمع عن دهن فرنسي .. عفية حددي لي بالاسم الله يعافيج ..

بريسم .. مشكورة .. مسك العروس مال القرشي ؟؟ قصدج ؟؟ ...

 

[بريسم]

رد : بنات .. شلون أعطر شعري... ماعرف ‍‍‍!!!!!!

ايه مال القرشى

بس طريقة ماى الورد ترى نسيت مادرى يحطون ماى ورد او ماى عادى

اخاف ماى الورد مو زين للشعر

انا قايلة لى وحدة عنها بس نسيت

 

[أم ملاك]

رد : بنات .. شلون أعطر شعري... ماعرف ‍‍‍!!!!!!

هلا اختي بريق انا كنت استعمل الخمريه بس لما شميت عطر شانيل مادموزيل الخاص بالشعر يعني اهوا مخصوص للشعر وااااااااااااااااااااااااااااايد حلو ظليت استعمله على طول وفي عندهم انواع غيره للشعر وسعره 9 دنانير او 8 بس حلوووو روحي لهم وشميه وافتري اذا اعجبج ردي له وانشالله راح يعجبج

 

[جوريه]

رد : بنات .. شلون أعطر شعري... ماعرف ‍‍‍!!!!!!

البنات ماقصرواا معاج بس عقب الخمريه لا تنسين تييبين بخوره حلوه وتبخرين شعرج فيها واهو رطب الريحه ماراح تفج منها

 

[زيـنـه]

رد : بنات .. شلون أعطر شعري... ماعرف ‍‍‍!!!!!!

بس سالي الشايع اسمها مخمريه . ماكو غيرها للشعر و سعرها 6 دنانير

 

[بريق]

رد : بنات .. شلون أعطر شعري... ماعرف ‍‍‍!!!!!!

مشكورين بنات .. الله يوفقكم .. صج ما قصرتوا .. الله لايحرمني منكم ..

أم ملاك .. مادموزيل مال الشعر .. ينباع عند محلات العطورات الفرنسية ؟؟ ألقاه عند وجوه ؟؟

وتسلمون حبيباتي .. الله يجزاكم كل خير يارب..

 

[Dancing^Queen]

رد : بنات .. شلون أعطر شعري... ماعرف ‍‍‍!!!!!!

بريق تلقينه بمحلات التجميل
وروحي مركز تجميل لاتروحين عند الهنود او سوق سلاح خوفج مغشوش ويخرب شعرج
وبالمره شمي اينجل
انا تذكر مره شريت سيت كامل للشعر مال انجل
شامبو وكونديشنر وسبراي
بس السبراي ارشه من بعيد علي شعري لايخشبه ولا يسويه واقف عادي بس الريحه تظل بالشعر
وشزيييييييييييييييييييييييييييييييييينه


طلع علي باقل من 10
كان سيل هارودز

 

[بريق]

رد : بنات .. شلون أعطر شعري... ماعرف ‍‍‍!!!!!!

مشكورة كوين ..بروح لهم ان شاء الله واشمه ...

ميرسي حبيباتي .. كويتيات .. أهل الفزعة الله يخليكم ويرزقكم .. ترا قاعدة أدعي لكم والآذان يؤذن ....

 

[أم ملاك]

رد : بنات .. شلون أعطر شعري... ماعرف ‍‍‍!!!!!!

والله مادري انا ماخذته من دبنهامز عند شانيل او التجميل اللي بالجمعيات

 

[مطفوقه^ملقوفه]

رد : بنات .. شلون أعطر شعري... ماعرف ‍‍‍!!!!!!

تره مخمرية الشايع أنا شامتها تهبل
بس أول مره أدري أن شانيل عندهم كوكو للشعر تره العطر بروحه يهبل أشلون عالشعر؟؟؟
ولازم بخور تره عقب السشوار تصيرين كل ما مشيتي كل من يسألج عن ريحتج
بس أنا خمريتي أمي يايبتها من السعوديه عندي توله كامله وقبل كنت أستخدم مناير من الشايع وفي ثانيه مادري شسمها هم من الشايع
والبنات يعطيهم ألف عافيه ما قصروا كفوا ووفوا

 

[^^دموع الكويت^^]

رد : بنات .. شلون أعطر شعري... ماعرف ‍‍‍!!!!!!

انا استخدم خمرية زهور الريف من السعودية ريحتها تهبل

مع البخور طبعا


وعندج شامبو هيربل اذا تسبحتي فيه جنج معطره شعرج ريحته عجيييييييييبة حتى مره كنت رايحة اقص شعري عند جاك وتسبحت ورحت وشعري كان مبلول بس هناك لازم يغسلونه واللي تغسل الشعر قالتلي ريحة شعرك جميلة (( مصرية )) وسألتني شنو حاطه فيه

 

[بريق]

رد : بنات .. شلون أعطر شعري... ماعرف ‍‍‍!!!!!!

أم ملاك تسلمين يا عمري ..

مطفوقة ..مشكورة على مرورج .. حتى انا توني أدري ان كوكو فبيه مال شعر ان شاء الله بجربه .. بس الشايع بس عنده خمرية وحدة ب 6 دنانير .. شلون عنده ثانية ..ممكن اسمها ..

زهور الريف دخلته اللي بمكة بس ما عرفت ششتري منهم .. جان زين تقوليلنا عن اسمها ..

 

[جوريه]

رد : بنات .. شلون أعطر شعري... ماعرف ‍‍‍!!!!!!

كوكو للشعر شلون شكله؟؟

 

[السفيرة عزيزة]

رد : بنات .. شلون أعطر شعري... ماعرف ‍‍‍!!!!!!

بريق
بالنسبه للخمرية اللي عند الفودري
اهم اربع انواع

و كلهم حلوين

ما راخح تتحسفين على اي وحده

 

[أم ملاك]

رد : بنات .. شلون أعطر شعري... ماعرف ‍‍‍!!!!!!

بريق الله يسلمج ...

جوريه هذا شكله اللي عندي كوكو مادموزيل عطر خاص للشعر ... لا يطوفج