بنات شسوي محتاره ... بنتي قاعده تقطع جلدها ):

[ويـــزا]

السلام عليكم بنات
بدش بالموضوع على طول
بنتي عمرها سنة ونص صار لها فتره من افصخها ملابسها عشان اغير البامبرز
تبدا تحك فخوذها ومرات بطنها
وما تحك وتوقف لا تظل تحك وتحك وتحك لين يصير البسها الملابس
الا جسمها كله متشمخ وحتى اخر مره طلع دم منها
والله احترت معاها
ما ادري شسوي حرااااام فخوذها صارت خشنه وامشخه

فيا بنات في وحده مرت بنفس حالتي وتفيدني
)):*

 

[أميرة طفولتي]

رد : بنات شسوي محتاره ... بنتي قاعده تقطع جلدها ):

حبيبتي ليش ماوديتيها الطبيب من زمان
اكيد حساسيه راجعي الطبيبي عشان يوصفلها كريم
وغيري غسول الجسم اظاهر مو ماشي عليها وقاعد يسببلها حساسيه
اخذي شي طبي من غير عطور
والله يشفيها انشالله

 

[Tender Heart]

رد : بنات شسوي محتاره ... بنتي قاعده تقطع جلدها ):

هلا حبوبه حاله بنتج غريبه والله بس اخاف جسمها يبيله ترطيب دايم يعني لوشن لان بنت اختي جذي لازم دايم اترطب جسمها والا ينشف ويحكها بس همن سالي الطبيب احسن وديها جلديه وماتشوف شر

 

[ديانا سبنسر]

وديها الطبيب وشوفي شيقول

 

[SoOoNa@aHReEeY]

بنتج هذي وديها طبيب جلديه احسن احنا ماراح نفيدج كثر الطبيب

 

[ويـــزا]

تسلمون حبيباتي على الردود
انا قلت قبل لا اروح خل اسأل بعض الامهات
لاني بجريه وتعرفون ماعندي خبره بالياهال
بس شكلي بوديها للطبيب
لاني ادهن جسمها بس ليش بس الخفذ مو متطقه ثانيه ؟؟

 

[سعوودية]

عادى الطفل يوم تفصخين البامبرز يحك فخوذه ومكان البامبرز
اهم شي انتى غسليها بالمااى عدل ونشفيها عدل حطى كريم اطفال لها
وغيري لها بسررعه هى تحك من ضغط الحفاظه عليها وعدم التهويه وجيبي لها بامبرز نوعيه زين
في انواع تتنفس يعنى تدخل الهواء ماتسسب رطوبه لها
وثانى شي لاطولين البامبرز عليها كل ساعتين ثلاث بالكثير غيرها

 

[سعوودية]

عادى الطفل يوم تفصخين البامبرز يحك فخوذه ومكان البامبرز
اهم شي انتى غسليها بالمااى عدل ونشفيها عدل حطى كريم اطفال لها
وغيري لها بسررعه هى تحك من ضغط الحفاظه عليها وعدم التهويه وجيبي لها بامبرز نوعيه زين
في انواع تتنفس يعنى تدخل الهواء ماتسسب رطوبه لها
وثانى شي لاطولين البامبرز عليها كل ساعتين ثلاث بالكثير غيرها

 

[miss mnora]

وديهاا طبيب جلدية واذا سبحتيهااا نشفيهاا لا تلبسينها وجسمها في شوي ماي لانه راح تحك ويأذيها وان شااءلله ماافيها الا العافيه :*

 

[قمر الكويتية]

وديها الطبيب ،، يمكن معاها حساسية ،، حرام لاتسكتين عليها

أنتبهي على أكلها ممكن عندها حساسية من الطمام أو عصير المنجا ،، يارب يشافيها

 

[لومية]

حرام مسكبينه وديها الطبيب احجسن لج

 

[هديل 77]

يمكن جفاف حبيبتى

أنا عندى بنتي ما ناسبها البامبرز ,,, جربي غيري نوع الحفاظ

 

[سلاسل ذهبيه]

يمكن عندها حساسيه وديها طبيب احسن

 

[ام عمر11]

هاذي حساسيه

عادي لا تحاتين لها حل انشاالله

انا عيالي جذي والله لا يوريج يطلع دم دم ويصير الجلد احمرررر وحاااار ويتقطع

وديتهم بوحمرا كلينك عجيييييييييييييب

علاجه وحده بوحده

نوعين شراااب
ونوعين كريم خلط
وصابونه خاصه
ولوشن خااص

لمدة شهر

وعقبها تروح الحكه والاحمرار وكل شي

 

[sarah125]

السلام عليكم ....بنتي عمرها اربع سنوات وكانت تعاني تقريبا من نفس الحاله..وديتها اكثر من طبيب وعطوها انواع من الكريمات ...الى ان اكتشفوا انه عندها حساسيه من اللاكتوز، وهذه ماده تكون موجوده بمنتجات الالبان.

 

[غلا الروح79]

جربى لها منتجاات موستيلااا