بنات شسوي زوجي قدم استقالته عشاني توظفت

[شقرديه كيوت]

رجال اخر زمن

 

[" ام حمود "]

شكووو يقدم استقالته عشان انتي توظفتي !!
شنو ناوي علييه شصايرر شدعووووووى
وثانيء شيء شنو تصرفين عليه ؟ اهوه ريال البيت مو انتي اهوه مسؤول ع البيت والماجله واغراض البيت مو انتيء
يعني انتي تصرفين عليه وانتي تعطينه مصرفه اذا طلع مع ربعه ياختي هذا ولدج مو ريلج استغفر الله بس ..
الله يهدييييييييييه لج يااارب ..

 

[كليـ دلعـ]

غبرااا. غبراااا

شنو ذي؟؟

تسألينا بعد؟؟

تسألين؟؟

واااااي ياااابررد دمج

اكيد لاتعطينه

لاااااااااتفكرين تعطييينه

سمعتي

لااااتعطييييينه

صج آخر الزمن

الريال منسدح والمره تكدح

لاتصيرين مغفله

انتي مومكلوفه فيه

فلس حمر لايشوف منج

صج مايستحي

شهالاستغلااال

واااااااي يااقلبي

فلوسج من تعبج وجهدج

فلوسج من عرق جبينج

فلوسج من تقطع صوتج من الشرح فالمدرسه يةميا

فلوسج من فزتج الفير بعززز البرد من دفا فراااشج

عشان تروحين دوامج

فلوسج ثمن حرق دمج

شلون تعطينها اياه بااارده مبردة؟؟

لاتقوليلي يستاهل

لا ياا امي ماكووو احد يستاااهل

هذا ريال.

تعرفين شنو رياااال؟؟

يعني مثل الفي((الظل))). يطوووول وفجأه يقصرر

ظامنته انتي؟؟؟

ظاامنه مايقلب عليج؟؟

ظاامنه مايفكر يستغلج ويعيش من دم قلبج؟؟

والله لوكانو الريايل اوفياااء

وتبين فيهم العشره

ومخلصين وصادقين ونظيفين

جان قلتلج عطيه وانتي مغمضه

لكن انا اقولح بهالزمن احذري

لاتصيرين سااااذجه

ضعيفه

مغفله

فلوسج احفضيها لج

انشالله تقطينها بالزباااله

اما اهوو ملزوووم

ومكلووووف

وغصب موطيب

يصرف عليج

ويلتزم فبيته ومرته

موالعكس

ولاتظنين اذا تمحلستي له

ودهنتي سيره

وغرقتيه بثمن حرق دمج

انه رااح يحبج والاقدرج بيزيد

صدقيني!!!

مايبين بعينهم شي

والاولاا تعطينهم امج والا ابوووج

هذول مردج لوتخونج الايام والريل

سمعتي

اذا بتعطين عندج والديج

اما الاخ

خليه يفرد عضلاااته ويصير ريااال نفس الكلمه

اللي يحملهاا

تكفين لاتصيرين ضعيفه

خليج ذكيه

اذكر فلم ناديه الجندي اسمه الضائعه

سافرت ديره واشتغلت ممرضه وزوجهاا فمصرر

تشتغل وتدزله

وهذا اهووو منعم من حلااالهاا

المهم قضت سنين يوم رجعت علا انه جامع فلوسها وشاري شقه باسمهاا

ووموووفرر

المهم يوم ردت الا هو شاريً شقه كاتبهاا باسمه!!

ومتزوج عليهااااا

ويقضي شهووور العسل من فلوسهااا

يوم انصدمت وهسترت جان يدششها الطبً النفسي!!

قال مينووونه!!!!

شفتي؟؟؟!!!

دييييري بالج والله ييسر امرج

 

[al3sooola]

الرجال قوامون على النساء

 

[coca^cola]

الهدف واضح يبيج تكدين عليه
انا اقول لا تعطينه فلس حمر من البداية عشان ما يتعود و يستغلج

 

[ليان]

قولي لا اله الا الله​

اسئليه بهدوء ليش قدمت استقالتك؟
\
اصرفي على نفسج وحطي من راتبج 250 دك في بطاقه ثانيه​

يعني استقطاع​

قوليله انت رجال البيت وتحمل المسئوليه​

اذا انت جذي الحين شلون باجر اذا جبنا عيال منو راح يصرف عليهم​

حسسيه بالمسئوليه :: حسسيه انه رجال البيت
\
وعسااا ربي يهديه لج​

 

[Killer^Girl]

لا تعطينه ولا فلس
هذا من رداه
شهالريال الي يرضا المره تصرف عليه !!
ترا اذا سكتي عن هالموضوع بتتعبين عمرج كله

 

[دنيا الصدمات]

انا برايي انتي تتزوجين عليه

خوو الاخ قدم استقالته صرتي تصرفين عليه>>يعني ريال البيت بنظهره وصار هو البيبي اللي ينصرف عليه

توكلي وعقدي على راسه​

 

[(*ام عهــــد *)]

الله يعينج شنو هذاا؟؟؟

 

[عزتي مالها حد]

استغفر الله شنو هالمودييييل اللي هابين فيه الرياجيل

عاد تصدقين من فتره قريبة وحده من معارفنا صار معاها نفسج زوجها استقال من الشرطة وقعد في البيت
قالتله زوجته ليش استقلت ؟
جان يقولها والله راتبج يكفينا انا وياج

 

[Sa7aBa]

انا اقولج
رفيجتي مدرسة وعندها 4 عيال واهي تروح مع السايق تودي اليهال المدارس وتقعد من صباح الله خير
والريل ( كان ) دوامه فلاتي يعني عادي يروح ويرد على كيفه
ورفيجتي حدددددددددددددددددددددددده تعبانه من التدريس وشغل البيت واليهال وصحتها شوي يبيلها تجابل عمرها
وفووووووووق هذا قووم قدم استقالتك من الدوام اللي على كيف كيفه والاتكال كللللللللللللللللله على رفيجتي فقيرة واهي اللي تكرف واهي اللي المفروض انها تستقيل من التعب مو اهو
للأسف انقلبت الآية وقلّوا الرياييل
نصيحة
لا تعودينه ولاّ اقولج لا تباشرين العمل الحين نطري
وقعدي معاه وحطوا النقط عالحروف
تستقيل اوكي بس ليش ووين ناوي تشتغل ؟
عطي واخذي معاه بكل رقي وبتفاهم ويبيله من الشرع انه مايصير انه انا اللي اصرف دامك انت مافيك شي
وسإلي مفتي ويبييله الفتوى اذا كان ناوي يستقيل ويكبر المخدة
من وجهة نظري انه مايصير كونه مافيه شي ولا مريض ولا شي بس يبي يقعد وينام ... الخ وانتي اللي تصرفين وتكرفين
بالعقل يعني
مثل ما قلت _ لازم تشوفين ليش يبي يستقيل وشنو ناوي ؟
اذا ناوي بس جذي وانتي اللي تصرفين
لا يبا لا تشتغلين احسن لج

 

[Sa7aBa]

استغفر الله شنو هالمودييييل اللي هابين فيه الرياجيل

عاد تصدقين من فتره قريبة وحده من معارفنا صار معاها نفسج زوجها استقال من الشرطة وقعد في البيت
قالتله زوجته ليش استقلت ؟
جان يقولها والله راتبج يكفينا انا وياج

والله مادري شفيهم بعض الرياييل ما يستحوون
اهما الكرف اساسا لهم والمرة اهي اللي تقعد بالبيت
والله حاله .. حرام عليهم !
والله لو انا جان يا اني اقدم استقالتي بس تعبت مافيني حيل ( كونك انت الرجل والقوام ) أو انه ولا فلس يشوفه مني ..
صح انه زوجي وعلى عيني وراسي
لكن بهالطريقة بقلة أدب ومنعدم الرجوله انه معاشج يكفينا @@ لا يبا انا اسفه انا اللي تعبانه ومن حقي استقيل كون مكاني بيتي
لكن ان كان _ لاسمح الله _ تعبان مريض .. انا اللي ذيك الساع اللي معاشي كله له حلاله

انا اسفه اذا غلطت بشي بس تنرفزت !

 

[أنفاسي دخون]

عش رجبا ترى عجبا :cxxxp:

بنات لا تبررون للرجال لا هو مريض ولا تعبان هو بلسانه قايل لها اذا انتي توظفتي انا بكبر المخده !!!!! يعني بتصير رجال ومره بوقت واحد

امحق حظ وانا اختش وش ذا العله اللي ابتليتي فيها >> اسمحيلي دبل كبدي :eh_s(14):

بس لازم تتفاهمون على هالموضوع قبل ما توظفين والا بلاها يفتح الله كل شي بيصير على قفاش

الله يهديه ويصلحه غصبن عنه وينور بصيرته

 

[أبله جهراويه]

عش رجبا ترى عجبا :cxxxp:

بنات لا تبررون للرجال لا هو مريض ولا تعبان هو بلسانه قايل لها اذا انتي توظفتي انا بكبر المخده !!!!! يعني بتصير رجال ومره بوقت واحد

امحق حظ وانا اختش وش ذا العله اللي ابتليتي فيها >> اسمحيلي دبل كبدي :eh_s(14):

بس لازم تتفاهمون على هالموضوع قبل ما توظفين والا بلاها يفتح الله كل شي بيصير على قفاش

الله يهديه ويصلحه غصبن عنه وينور بصيرته

اي والله لاهو مريض ولا تعبان وتوه عمره26 مو شايب
الله يسمع منج

 

[Miss McDonald]

• اهوآ استقال عشآنج توظفتي :| !
• ولا يبي وظيفة ثآنية !
• حبوبة دام نيته الاولى , لا تعطينه فلس حمر ! راح يتكل عليج بكل شيء ومعآشج عطي 200 لأمج و200 لأبوج !
• قولي انا ايام تجهيزي خذيت منهم وبردلهم وانا مواعدتهم اني اعطيهم كل شهر وطبعاً بطلي لج حساب بأسم امج وحطي فيه فلوسج , والباجي اصرفيه على نفسج هذا اللي ناقص تصرفين على بيت واهو قاعد مريح !

 

[bint_looda]

قدم استقالته عشان بس توظفتي؟؟

وشو الله جابرك تصيري رجال البيت ؟؟ عفوا بهالكلمه ماتزعلي

بس زوجك رح يرمي عليكي كل المسؤوليه بهالحاله ، ازا حالتكم ميسووره وقادرين تعيشو ، اقعدي بالبيت وخلي هو يلتهي بالشغل

الله يوفق بينكم يارب ،،

:eh_s(15):
الله يهديه

 

[مــلاك]

انعكست الايه والله اول كنا ا نسمع الرياييل يدورون الموظفه والمدرسه اذا خطبوا عشان تساعده الحين لا صاروا يبون يقعدون ويفتكون من الدوام واهي تصرف عليه لاحبيبتيي خلي كل شي واضح من البدايه لان اذا صرفتي عليه من الحين خلاص مالج خط رجعه قوليه له شلون بتصرف عالبيت اذا استقلت واذا قال البركه فيج قولي لا وين انا راتبي يادوب بيكفيني مصاريف ولبس ومكياج وسياره وين بيكفي عشان اصرف عالبيت بعد وهم اليهال مو هين مصاريفهم خل يرد يشتغل ولا يشوف اي مكان ثاني واهو يتحمل مسؤوليه البيت كل الي سووا مثلج تحسفوا

 

[!الجادل الصعب!]

لآتعطينه .. ان عطيتيه بيتعود ويقعد سنين ماراح يتوظف ..
خل يستريح بس ..رآبعه ثآنوي ومقدم استقآلته شنو بيصير يعني وين بيتوظف ..مدير بنك يعني ..
انتي ليش من الحين تفكرين تعطينه شي من الاساس .. عنده بدل الاجار وعنده الزوجيه ..
صيري جيده .. لآ تصيرين خيخه له ..!

 

[تبطي عظم!]

يمكن يبي وظيفه ثانيه انتي ماسألتيه ليش تستقيل!!!!

وانتبهي تصرفين ع البيت لو صج هالشيء راح تخربين على نفسج ~

 

[.،:"$الـعـوبــــة$":،.]

لا حبيبتي اذا هذا قصده خل يسترررررررررررررررررريح ،،

قطيها بوجهه ، قولي لو انك محرول محتاج كان من عيوني بس دام مافيك الا العافية آسفه ،

مادرست هالسنين وكرفت عشان اصرف عليك ،

وحديه على اقصاه قد ماتقدرين لين يتوظف باسرع وقت ،

حلوه هذي الرياجيل انهبلوا والا شجاهم ؟؟؟:bbbiu::eh_s(10):​