بنات شسوي زوجي قدم استقالته عشاني توظفت

[أبله جهراويه]

ياربي مادري هو طمع والا شنو
انا انشالله علا وجه وظيفه بس محتاره دامنه قدم استقالته اشلون عالمصرف؟؟بنات اعطيه والا لا والله محتاره أخاف تدور الدنيا ويتزوج علي واحتر اني عطيته خمسين فلس شسوي شوورو علي تكفون وربي متخربطه حدي

 

[انا لحبيبي .]

قدم استقالته عشان بس توظفتي؟؟

وشو الله جابرك تصيري رجال البيت ؟؟ عفوا بهالكلمه ماتزعلي

بس زوجك رح يرمي عليكي كل المسؤوليه بهالحاله ، ازا حالتكم ميسووره وقادرين تعيشو ، اقعدي بالبيت وخلي هو يلتهي بالشغل

الله يوفق بينكم يارب ،،

 

[ام زهقانه]

اعطيه وفتكي من شره

 

[ماني من الناس]

ليش مقدم استقالته شنو ناوي عليه خخخخخخخ ؟؟؟؟؟؟؟؟؟؟؟؟؟؟

لا صج شنو نواياه من هالحركه الخطيره

 

[كادى الحب]

ليش قدم استقالتة كل البنات متوظفين يعنى ريايلهم قدمو ا استقالتهم لاتسكتين على هالموضوع علشان مايقعد بطالى وتصرفين علية ريايل اخر زمن

 

[! بــدويه وآآيــد !]

،


لا حبيبتي هو مو تعبان ولا شي ليش قدم استقالته تخيلي شكلج تردين تعبانه وتحطين مصروفه بيده ؟ عادي عندج ؟ راح يكون بعينج مثل اول بتلبسينه وتشترين اغراض الثلاجه يقولج سيارتي خربت تركضين تعطينه 200 والا 300 تعبين تليفونه ! والا شكله بيعيش على الاجار ومالتج ال75 واذا نقصه بيطلبج
من الحين نصيحه نصيحه نصيحه لاتعطينه والثلاجه لاتعبينها انتي مو مجبوره وربي ماراح يحاسبج لو معاشج مليون اشتري الاكل والاغراض الي تكفيج وهو طااااااااف واذا قال ابي قولي معاشي طار شكلج مدرسه حطي حرتج بالوسائل وتصوير اوراق الطالبات قولي يطير مااتهنى فيه اصلا بدال لاتزيدني تنقصني ديري باااالج ديري بااالج تاخذين دوره وتصيرين المره والرجال بنفس الوقت ترى تتحسفين ​

 

[دمرت كياني]

رأي
أقعد ببيت لعنه بس
أهو مسؤول عن بيت مو أنا

 

[أم توتو]

الله يعينج

 

[المزن هتان]

ياربي مادري هو طمع والا شنو
انا انشالله علا وجه وظيفه بس محتاره دامنه قدم استقالته اشلون عالمصرف؟؟بنات اعطيه والا لا والله محتاره أخاف تدور الدنيا ويتزوج علي واحتر اني عطيته خمسين فلس شسوي شوورو علي تكفون وربي متخربطه حدي

بعنوان موضوعج تقولين قدم إستقالته عشانج توظفتى !!

وبموضوعج قلتى إنج على وجه وظيفه !!!

يعنى السبب مجهووووول !!!!!
يا ليت توضحين الأمر عدل عشان البنات يقدرون يفيدونج ؟؟؟​

 

[كلنا عشاق لكن]

دام بانت موارية
فقولي له يحط له مكتب -محل بدال لاتصرفين علية
بس لاتتركين الوظيفة بهالظروف أقلها ماتحتاجين إتسلفين من أحد كل شهر
وإهو الله يهدي أحوالة شكلة إمخطط من زمان لهالللحظة ​

 

[ناعمه و رزه]

،​

لا حبيبتي هو مو تعبان ولا شي ليش قدم استقالته تخيلي شكلج تردين تعبانه وتحطين مصروفه بيده ؟ عادي عندج ؟ راح يكون بعينج مثل اول بتلبسينه وتشترين اغراض الثلاجه يقولج سيارتي خربت تركضين تعطينه 200 والا 300 تعبين تليفونه ! والا شكله بيعيش على الاجار ومالتج ال75 واذا نقصه بيطلبج

من الحين نصيحه نصيحه نصيحه لاتعطينه والثلاجه لاتعبينها انتي مو مجبوره وربي ماراح يحاسبج لو معاشج مليون اشتري الاكل والاغراض الي تكفيج وهو طااااااااف واذا قال ابي قولي معاشي طار شكلج مدرسه حطي حرتج بالوسائل وتصوير اوراق الطالبات قولي يطير مااتهنى فيه اصلا بدال لاتزيدني تنقصني ديري باااالج ديري بااالج تاخذين دوره وتصيرين المره والرجال بنفس الوقت ترى تتحسفين ​

:eh_s(15)::eh_s(15)::eh_s(15)::eh_s(15):

 

[dana.7]

امبي هذا اللي ناقص بعد تصرفين عليه !!!

لا تعطينه ولا شي

على اساس انه اهوه الريال واهوه المسئول واهوه اللي يصرف مو انتي

سوي شي ناقشيه قوليله الوضع مو عاجبج

قولي حق اهله او اهلج شنو هذا !!!ا

والله شي غريب

الله يهديه انشالله

 

[ضحاوي الديره]

و اني منج والله والله ماااااااااااا اعطيه ولا فلس
والا ترا بياخذ عليج خلاص تصيرين انتي رجال البيت

 

[قلبي عبدالله]

ناوي يسلمج الخيط والمخيط

واضحه السالفه

 

[.،:"$الـعـوبــــة$":،.]

انتي ادرى بزوجك !!

يعني انتي قلتي استقال لأنك توظفتي وبعدها قلتي انك توك ماتوظفتي !

بكل الحالات انتي تقدرين تقيمين الموقف اكثر لأنك ماعطيتينا التفاصيل ولا فيه شي بموضوعك يدل ان الرجال ناوي على معاشك !

يمكن استقال من وظيفته ناوي على وظيفه ثانية ؟

شلون كان صرفه معاك قبل ؟ كان كريم ؟ اجل مو معقولة بيطمع بفلوسك !

شنو شخصية زوجك ؟ تهقين بيرضى ان زوجته تصرف عليه !

انا اقول فكري عدل قبل تظنين ووتشكين فيه ،​

 

[بنت ذآك الأمير!]

من صجج!!
@@
بس لا تعطينه ولا فلــــــس يطمع فيــــــــــج ويتمادى..

 

[قاهره عذالي]

مع العوبه
وبدويه وايد
بردهم
عجبوني

 

[زوجة عزيز]

مايضحك عااد يستقيل عشان ياخذ راتبج واهو يرتاح خوشي والله ماعليج منه اهو مسؤول عنج مو انتي مسؤوله عنه لا يقص عليج بعد اتساعدينه مايخالف لكن يعتمد عليج اعتماد كلي لا محد يرضاها على نفسه الصراحه خليه يرد يشتغل ويحس بالمسؤوليه

 

[أبله جهراويه]

اعطيه وفتكي من شره

ياربي اشلون ودي احس انه رجال اشلون اعطيه والله مادري محتاره ناس تقول عطيه ناس تقول لا

 

[ماني من الناس]

اهو ليش مستقيل شنو ناوي يسوي ؟؟؟؟؟؟؟؟؟؟؟؟؟