بنات شسوي زوجي عرف رقمي؟!!!!

[اميره1980]

مثل ما قالو البنات
حطيله بلوك
و اذا مستحيه منه لا تردين عليه حتى لو انتي كنتي اون لاين و اكيد زوجج مثلج بعد بدوي و عارف العادات و التقاليد

 

[هيفاء 966]

انا اقول ردي عليه. وقولي لامج تراه يراسلني. وقولي له ان اهلي يدرون. يحاجي مرته اولى من بنات ابليس

 

[english muffin]

الله يعينكم على هالعادات !!!!

 

[بنت الكويت 25]

حرام على اهلج معلقينج 4 سنين وللحين ما سويتوا عرس اصلا شرعا ما يجوز خصوصا ان اهو شرعا زوجك 4 سنين متزوجة لا يشوفج وخايفة حتى تكلمينة والله حرام

 

[الهام 2009]

اب اب

 

[دلوعة صلوح]

بلووووووك وانتهى الموضووووع.

 

[كيندر بوينو]

غيري رقمك ولاتزوجتي قولي موبايلي انسسرق وانتهيناا

شغلي مخك

 

[!الجادل الصعب!]

الحين البنت تبي مسآعده وتدخلتوآ بعآداتهآ وآهلها وتقولون تخلف ..
ترآ جد مآ تستحون .. تسبونها عيني عينك ..!
والا تبونها تطلع عن شور آهلها وتقول بنآت المنتدى يقولون عاداتنا تخلف
بكلمه كيفي ..!

حبيبتي .. المفروض دآم تجرآ وحصل رقمج ويبي يكلمج يآخذه من آهلج
و برضآهم .. غلط الي قآعد يسويه .. دام عارف ان اهلج مو رآضين المفروض يحترم رآيهم ..

رآيي لآتردين .. يمكن يكون من النوعيه الي تبي تختبر وتطيحين فيهآ وتنغثين ..
طنشي .. يبي يكلمج مو مشكله بس يبدآها صح .. مو يسرق رقمج ويرآسل ..
ذآبحه الشوق الاخ يتلحلح ويآخذج من بيت آهلج ..!

 

[ليلو جبريت]

ياربي من صجج ، تمردي على هالعادات المتخلفه

 

[DaShTeYa_Q8]

بيه شهالفلم حمدالله والشكر لك يارب
4 سنين مملوجة!!!!! نصيبي وحياتي وكل شي واقف 4 سنين ليييييش؟؟؟؟؟
وبعدين من حقه فيسبوك وبنات اذا 4 سنين بالاسم اهو متزوج ماشافج ولا يقعد معاج ولا يكلمج
على شنو زعلانة يعني؟؟؟ واهم شي مستنجده فيكم شنو اهيه جريمة؟؟؟ تره اهوه زوجج مو ريال غريب
مو واحد من الشارع تره اهو حلال عليج شنو عادات ومادري شنو للحين في ناس جذي
شهالملجة هاذي 4 سنين ولا شوف ولاكلام ياخي من حقه يسوي الي يبيه محد يتحمل جذي عيشة زواج بالاسم

 

[انسانه بلا حدود]

اعطيه بلوك وتننهي السالفه

 

[بقلبي انت]

يعني اهي شنو طالع بيدها المسكينه يعني تقول
زوجوني بسرعه عيب في مجتمعنا هالكلام والمفروض اهو بتسرع بالزواج اذا مو قادر يصبر مو تحطون اللوم عليها

مهما تغير الزمن العادات صعبه تتغير بمجتمعنا انتو موقادرين تفهمون هالشغله بعض الاباء مايسمحون للبنت انها تقعد مع زوجها بالملجه ولا تطلع معاه
ولا تكلمه تقولون تخلف يمكن بس هذا من خوفهم علي بناتهم عشان جذي يسرعون بالزواج
اذا عادات اهلها جذي شنو تمردي عليها لاحول ولا قوة إلا بالله إلي عندها
كلمه زينه تقولها وإلا تسكت احسن
كلمه لصاحبة الموضوع لاتردين عليه واذا ارسل شي وريه لاخوج قوليله هذا الرقم ازعجني سوي نفسج ماتعرفين انه اهو *او بلوك وخلاص

كلام الجادل عجبني تسلمين عالرد الحلو

 

[a7la.moon]

استغفر الله شنوو هالردوود ترا ماله داعي التجرريح

اهي كتبت موضوع تبي رايكم فقط لت غير يعني لا تدخلوون اكثر

وكيفهااا اهما جذي عاداتهم شتسووي يعني ؟؟

الله يهديكم بسس ..

قوووولي حق امج ان زوجج يراسلج اخذذي راي امج او اختج وبسس اخذذي كلامها اهما اللي راح ينفعوونج ..

والله يوووفقج

 

[pusy cat]

قوليله هالكلام

 

[سمر شمر]

اللي تقوولج شنو هذا تخلف امبيه

ماعليج منها حبيبتي طنشيهاا

الكلام سهل

والله والله لو اهيا مكانج ماسوت ولاحتى اكتبت موضووع


تستشير احد بس على قولتهم الكلاام ببلاش


ماعليج من اللي تقول تخلف

اهيا تشووف نفسها ووضعها بالعايلة


وتطبق عليج

هذا اذا كانت متزوجة بعد

سبق وقلت لج لاتردين وهم ارد واقوول لاتردين

اذا انتي من عايلة ماتسمح

كلنا رياييلنا خذوو ارقامنا من اهالينا وبعلمهم

مو بالخش والدس

لو يبي شي كا اخوانج او خواتج

وعلى فكرة نظامنا بالمنتدى اي وحدة تدخل وتقوولج تخلف
يدخلوون بعدها 100 يرددون نفس الرد فلا تهمج كثرة الردوود
واذا مو مصدقتني دخلي اي موضوع ثاني وبتشوفين الردوود المكررة




والله الموفق

 

[غلاتي غلا]

والله بعض ردود البنات هي التخلف وبالعصر الحجري

 

[Eng.Kokoro]

الله يوفقكم ويهنيكم

بلووك وارتاحي ولا تعيشين نفسج بخوووف

 

[نونو العصله]

هو حرام عليه وعلى اهلها
ليش معلقينها 4 سنين
اعرف وحده جذي
معلقه لواحد 8 سنين و اخر شي قال روحي شوفي حياتج
بعد الشر يعني عن صاحبة الموضضوع
ترا وايد ناس جذي
الاب ما يرضى انه بنته تكلم خطيبها او ريلها
يخاف عليها
ماله داعي التجريح
تخلف و عصر حجري
كيفها
بما انها عند اهلها خلاص
ابوها ولي امرها
اذا يبي يكلمها يتفق معاها من الاول
مو الحين وبلبوق

 

[كويتيه مذهله 87]

4 سنين وااايد ليش مالجين انزين

المهم نرد لموضوعج

بلوك والسلام

 

[om_3azoz]

حبيبتي دام عاداتكم جذي خلاص عطيه بلوك

بس صعبه ٤سنين مملوجين