بنات شسالفه الطراراه؟؟؟

[dark cherry]

انا لو اشوف ادق ع الشرطه لاني سامت من هالاشكال خصوصا بعد ما تلتني وحده منقبه طراره في جمعيه قرطبه بالمسافط تحديدا تلت قلبي وانكسر من قوه الصدمه قمت اصرخ وتشيل عباتها وتركض جان استوعب انه قلبي انكسر عسا اللع لايربحها غالي شاريته وفوق هذا انصدمت انها ماسكتني لاشعوري صرخت
من يومها قلت لااااازم ادق ع الشرطه اذا شفت جذي يقطون هالاشكال بالسجن تلقونهم مدرسات الصبح ويطرون العصر ابتلشنا *

 

[شوق الوليف]

الله يستر علينا منهم

 

[خل وملح]

والله العظيم اختي شايفه وحده منهم طراره تقعد عند الجمعيه شافت من فتره بالبنك تدخل بحسابها فلوس واختي تقول والله معاها خير دخلته بالبنك ،،
وقبل العيد كنت ماره السوق وحين ماركبت السياره ولا وحده ادق على الدريشه بطلتها تقولى انا جايه من سعوديه والمشغل مو راضي يعطيني الدراريع فلوسي ناقصه وابي منج 30 دينار قلت الله يساعدج ويرزقج ماعندي خفت والله تكلمني واطالع جنطتي
وتقولي لو 5 أو 2 قصب سكرت الدريشه بس والله يابنات انا شفتها اول قبل سنتين بسوق كنت مع اخوي ومرته جتنا وتحلف ان بنتها تدرس طب والناس حسدوها والبنت تعبانه وجايبتها عند شيخ بالكويت وناقصها فلوس والله اخوي استحي عطها المقسوم وطلت تحن على راسه لحد ماعطها 40 دينار انا ماتحسف عليهم بس اهي ماستحت طريقه كلامها لزقت باخوي وتحلف ...
وموقف ثالث وحده مره كانت بشارعنا وتفتر علي البيوت ركبت السياره ومشي السيايق وتمشي وتعصب تقولي وقفي والله صوتها كان بعصبيه تكلمنا والسايق وقف قلت كمل مالك شغل خاف منها على باله اعرفها ...

انا مو مع اننا مانعطي بس نعطي اللي يستاهل انا صارت لي مواقف كثيره والله وعرفت اللي محتاج واللى مو محتاج
عسي الله يساعد المحتاج واللى نيته جذب عسي ربي مايوفقه لانه بطريقتهم ينصبون علينا بطريقه غير مباشره واهل الكويت والله على النيه يساعدون

 

[أماني عمري]

اذا كل وحدة فينا تبلغ الشرطة عن هالطرارات اللي ياييت بكرت زيارة نفتك منهم و اللي يسوي لهم كرت الزيارة بيتوب عن هالسالفة، وحدة حسبي الله عليها تطر بياهل عمره شهر مادري شهرين بتكسر خاطر الناس و تحوس بهالمسكين ما يندرى اذا ولدها او بايقته

 

[قموشه21]

بنوتات بما اني اشتغل مفتشه بالشؤون ساعات يكلفوني انا ورفيجاتي ندورهم ومرة واحنا ماشيين لقينا سوبر متروس حريم ومن الجنسية العربيه وينزل كل وحده بسوق . وللي عند بنك واللي عند مسجد طبعا لما مسكنا وحده منهم تقول هالريال ياخذ عمولة واحنا ميسورين الحال

اللي بااااااااااااط مرارتي .. انها تييب يهال صغار ياقلبي يكسرون الخاطر عمرهم 3 سنوات او 4 جذي وتلبسهم خفيف حيل بهالبرد ياعمري وربي يكسرون الخاطر حسبي الله ونعم الوكيل

انا ما اعم ساعات نمسك صج صج فقاره وساعات لا جذي ..

الله المستعان احنا شعب ينقص علينا وتغلب علينا العاطفة ..

 

[قموشه21]

تلقونهم مدرسات الصبح ويطرون العصر ابتلشنا

هههههههههههههههههههههههههههههههههههههههههههههههههه

شمعني مدرسات ههههههههههههههههههههه

الحين يبا المدرسات رافعين خشموهم كادر كاااااااااادر ههههههههههههههههههههه

يالله الله يهنيهم

 

[Hello_kitty]

مشكووورين بنات كل اللي ردوا اثريتوا الموضوووووع بقصصكم

اليوم كان عندي مشوار بسيط وطلعت بويهي وحده منهم وتلحقني لي السياره قلت بجرب اطبق بخرعها بالشرطه

اسمعت طاري الشرطه اختفت من المكان بكبره ناس تخاف ما تستحي

 

[baby-phat85]

بنات اذا تقدرون لا تردون احد عطوا اميه فلس ربع دينار
الرسول عليه الصلاة والسلام يقول لو جاك محتاج ع فرس ابيض واطلبك عطه
يعني المرة يمكن سيارتها اجار يمكن مو لها مو ع طول حكمتوا
انا عن نفسي اذا احد جاني اعطي اللي اقدر عليه لاني مو موظفه فمية فلس ربع دينار شي جذي
واقول يارب انا ماادري اذا هالمرة محتاجه او لا انا عطيتها لوجهك الكريم
فجعلها دفعه بلا لي ولامي واخواني وخواتب وزوجي

يزاج الله خير عجبني ردج

 

[دلع العتبان]

صدقتي زايدين ولا تصفط عند البنك بعد تدري انج طالعه ومخباتج مليانه خخخخخخخخ​

لاحول ولاقوه الا بالله

والحمدالله الي عافانا يارب ممما ابتلا كثيرا من الناس وفضلني على كثير مماخلق تفضيلا "​

 

[غرور الريم]

والله بكل مكان تشووفينهم
انا شفت ولد عند اشاره الي حول الكوت يبيع حب وبنق والله انه كسر خاطري انا وخواتي وابوي معانا
جان انا وخواتي نعطيه فلووس وما خذينا منه شي وكان جنبنا تاكسي وحده فلبينيه يشووفونا مستغربين انا احنا عطيناه فلوس وماخذينا منه شي
والله اني حمدت ربي ع النعم الي احنا فيها الحمدالله

 

[عادت ذكرياتي]

الله المستعان بس

 

[طموحه بزياده]

ما مر علي جذي صراحه


الله يوفع عنهم

 

[باقة ورد]

ذاك اليوم احنا بمستشفى دارالشفا بنتي مريضة و لا تيي وحدة منهم حق ريلي تقول له عطني 15 دينار بسوي تحليل دم !!
ومرة كنت رايحة الجمعية وبالمسافط ياتني وحدة تقول اختي انا مابي منج فلوس بس ابيج اتدخلين معاي الجمعية تاخذين لي عربانه واتترسينها اغراض للبيت و اليهال لاني محتاجة والبيت مافي اغراض ...استغفر الله اطرارة اخر زمن

 

[قمر كويتي]

بنات ماعليه خلكم رحماء الحمدلله احنه بخير ونعمه من الله ترى مو سهله على الانسان ان يقعد يفرفر بالشوارع علشان ربع والا حتى 100 فلس الواحد يعطي وينويها صدقه حتى لو كانوا نصابين
انا ساعات اشوف ناس تكسر الخاطر والله ريال شكبره كبر يدي الله يرحمه قاعد بالشارع يطر صج دنيا والي ماتبين تعطينه قوليله الله يعطيك اما الناس الي عاد تمصخها من حركاتهم ام جمعيه والي يتشرطون مالكم شغل فيهم حركوا وروحوا بس لاتجرحونهم الواحد مايدرى عن نيه كل الناس والله يديم علينا النعمه يارب
: { وأما السائل فلا تنهر } والله يرزقنا على قد النيه يارب

 

[فيونكه..~!]

- مآأفيهآ ششي لو عطيتهم !

- مآرآح ينقصص مني ششي .. بآلعكس اللي رآح تــزيد حسآنتي ! وهآأذي تعتبر صصدقه ة

- الفلوسس أصلآ رآيحه رآيحه سوآ عطيتهم ولآلآ .. اذ مآعطيتهم بشتري لـي أغرآضضض .....

- وططبعـآأ بتروح آلفلوسس

- أعطيهم ليشش لآأ ... اذ الرسول بحديثه ة قـآل [ وأمـآ آلسئل فلآ تنهر ٍٍ] !

 

[استكانه1]

ذاك اليوم احنا بمستشفى دارالشفا بنتي مريضة و لا تيي وحدة منهم حق ريلي تقول له عطني 15 دينار بسوي تحليل دم !!
ومرة كنت رايحة الجمعية وبالمسافط ياتني وحدة تقول اختي انا مابي منج فلوس بس ابيج اتدخلين معاي الجمعية تاخذين لي عربانه واتترسينها اغراض للبيت و اليهال لاني محتاجة والبيت مافي اغراض ...استغفر الله اطرارة اخر زمن

ابيه لهدرجه باقة ورد ماتبي ماركات بعد !!
بث صج يكسرون خاطرى اليهال