بنات شرايكم بقشر القهوة وحق شنو ومنين اشتريها

[أم راشد المطيري]

السلام عليكم


بنات وايد بنات يمدحون قشر القهوة شرايكم فيها

وشلون طريقة استخدامها ومنين اشتريها​

 

[فتونة الكويت]

حبيبتىانا مجربة قشر القهوة وخذت طريقتة من وحدة سعودية الله يجزاها خير ونفعتنى وايد والحين قاعدة اعطية حق بنتى بالنفاس وايد زين واللى فهمتة ان الكافين مو زين حق الوالدة ويعوضون هالشى بالقشر وانة ينظف المرة الوالدة وانا اسوية مثل القهوة العادية احط معاة مسمار وشوى زنجبيل واخلية يطبخ ربع ساعة عقب احط بالمطارة هيل وزعفران وشوى كوفى ميت واصب القهوة علية واعطيها حق بنتى وقت العصر مع تمرة معبوجة بالرشاد وحبة الحبة وهذى تكون قهوتها العصارى وانا اخذتها لامانة من السعودية وبس موجودة ترا عند العطارين وعند محلات القهوة بالشويخ ويا رب اكون افدتج يمكن غيرى يخالفنى بس انا بالتجربة الحمدلله انفعتنى وعندج فى المنتدى بعد الله يجزاهم خير بنات يبيعون منتوجات للقهوة يساعدونج

 

[أم راشد المطيري]

مشكورة فتونة

والله يطلع بنتج من الشر

والنونو يتربة بعزكم

 

[لـولـو الحلوه]

للرفع

 

[الاخلاص]

يقولون تضيق المنطقه امس بنت خالتي سعوديه سيرت علي قالت ليش تشربين قهوه مو زينه تخلي ولدج يسهر ويبجي ويقعدج باليل لاني اشرب قهوه وهو يرضع من صدري وبتالي الكافيين ينتقل له وتقول زينه تخليج ضيجه عاد ماجربتها

 

[أم راشد المطيري]

انا ودي اجربها

وشكلي اليوم بروح اشتريها

 

[لوكي 22]

عاد توني فررش راده من الحواي وشاريتهاا
الله يسلمج هذي معروفه للدوره والنفاس وااااااااااايد زينه اتنظف الرحم واتضعف بسرعه وتضيج
اخذيها عادي نظفيها وانتي طحنيها بس مووايد وسويها نفس القهوه وضيفي عليها الشمر او زنجبيل براحتج وخليه عالنار ربع ساعه
وبعدها شربيه عادي وفي ناس يحلونه بسكر او بتمر ترى عجيييبه ومفيده

 

[شيخة البلادين]

وين ألاقيها بالضبط عند الحواي ولا محلات بيع القهوة؟
واذا عند الحواي اي حواي يبيعها؟
لاني بطرش ريلي مالي خلق يتحلطم اذا مالقاها بالمكان اللي قلت له عنه..

 

[BiiShOoO]

اتوقع موجودة بمحلات التمر الي بالشويخ

و وايد يمدحونها حق الضعف و التضييج

 

[أنفاسي دخون]

ان شاء البنات يفيدونش

 

[طيرشلوا]

للنفاس حيل حلوة تطلع الغازات والهواء اللي بالجسم
انا اعرف وحدة حيل تمدحها وتطبخ قشر القهوة طبخ القهوة العادى وبالمطارة تحط كفشة الحوس الصغيرة زنجبيل ناعم وتحط فوقة القشر لما يستوى وتخليهم مع بعض تقريبا ربع ساعة وتشربهم يوميا طول نفاسها​

 

[ام فويزان]

حبيبتي اتحصلينه بالحواي و خلطي مع اي مجموعة اعشاب و فوقهم ماي حار و شربي مثلا مسمار مراميه زعتر دارسين الي اتحبين

 

[آهات الليل]

رد : بنات شرايكم بقشر القهوة وحق شنو ومنين اشتريها

اذكرولنا من وين شريتوها وبجم ومن اي حواج

 

[كتكوته22]

ومنكم نستفيد