بنات شتحطون عالتسريحة؟ وشلون ترتبون اغراضكم؟

[شانيل نمبر 5]

فعلا نبي افكار

 

[hatoona]

انا عن نفسي كنت حاطه كل اغراضي عالتسريحه تقولين بسطه بس الحين لا خذيت كونتينرات وحاطه فيهم المكياج وبشكل اقدر اشوف الي ابيه وادوره حتى الحمر قالبتهم عشان اعرف رقم كل حمره وكل هالشغل داخل الادراج يعني ماكو شي عالتسريحه غير العطور والكريمات بس انا حاطه مفرش حلو ومزهريه فيها ورد وقلوب حمر والعطور حاطتهم على ستاند من 3طوابق انا سويته بنفسي وصوره لي انا داخل برواز حلو ويتماشى مع الشكل واللون العام للغرفه اما الشفنيره فحاطه عليها شموع وكريستالات ملونه وانواع مختلفه من التحف

 

[z3toora_88]

انا نا احب احط أغراض وايد احب التريحه شبه خاليه
حاطه صندوق صغير وفيه عطوراتي وعطورات ريلي يعني جم عطر وبس

 

[ror44]

ومنكم نستفيييد

 

[نسنوسه نونه]

ينات انا تسسريحتي دمااااااااار
مأساة صراحة
موعارفة أرتبها
تكفون حطوا صور عشان نستفيد منكم
وخاصة عندي بنتي بس تلعب فيها
كل ساعه داخلة ماما أبي عتل ( عطر) ماما أبي هملا ( يعني حمرا )
أنا في حاجة كبيرة لمساعدتكم

 

[norema-sarto]

أي والله موضوعج ....من زمان كنت أفكر أحطه

ولكن....يعطيج العافيه أنج بادرتي بالموضوع
وياريت البنات ...يصورون تسريحتهم...ويحطونهم لنا
أو تحطلنا صور من النت

 

[Anestazya]

اي والله انا معااكم


انا مابقى شي ماحطيته عالتسريحه


عجبتني فكرة يم يم

بس جم مرة احاول ادخل الاغراض دااخل الارفف لازم اخرتها القااهم كلهم برا

 

[*Sweet Cherry*]

تسرحيتي بس فيها جم عطر الدايم استعملهم و ابدلهم بين فتره وفتره علشان اغير شكل التسريحه وحاطه ساعه صغيرونه و بس دثره المكياج و توابعه و باجي العطور و الاكسسوارات وكل دثره البنات بالادراج ماحب شغل وايد على التسريحه ولا احبها فاضيه فهاذا نظامي و حلو عاجبني

 

[واحة الصمت]

ممكن انشوف صور للاستاندات

 

[دلووووووعهـ حبيبي]

طيب ممكن ممكن تحطو صور تسريحااتكم عشاان نستفيد
لاني مره نفسي اغير شكلك تسريحتي طفشت منهاا

 

[om.5doja]

اوووووف لايعه جبدي من تسريحتي

معفسه مادري اصلا شلون ارتبها متروسه كريمات وعطورات ومكياج واااااي مايمديني ارتبها الا يوم يومين الا راده اسوء من قبل !!

 

[DaShTeYa_Q8]

انا تسريحتي كبيرة فيها 3 ادراج كبار و على الجانبين ابواب وداخل رفوف فهذا مساعدني عندي مكان

عالتسريحة حاطه عالزاوية كل عطووراتي و الزاوية الثانيه شارية من سنتر بوينت علبه فيها ادراج صغيرووونة على اشكال بنات وجي

" لاني مو متزوجة توني بنية لوول " و داخلهم ساعاتي و الخواتم و الدبابيس الشيلات وجي

وبالنص حاطه شموع صغاار وبس ..

داخل الادراج اهوه اللووية اول درج شارية من ايكيا بوكسات صغار حق الميك اب لان ماعندي واايد وحاطته فيه

وثاني درج كله مترووس حق الاكسسوارات همن حاطتهم بعلب من ايكيا حلوين

و اخر درج شبابيصي و الكلبسات و التيجان الشعر وجذي..

وبس صااير كل شي مخشوووش الي مبين بس العطووورات و العلبة الي قتلج عنها داخلها ساعاتي

بس شكله مررتب وحلوو

 

[أريج]

الموضوع حلو بس لو بالصور احلى

 

[Ga6wa_7elwa]

هاي
سعوديه كويتيه بوريج صور حركات حلوة


من االنت

بعد صبري ماخلصت

 

[Ga6wa_7elwa]

اسفه كررت صور بالخطأ

 

[Ga6wa_7elwa]

بعد عندي اذا تبين حركات نطري



بس منقوله للامانه الصوره من منتديات اخرى





احسن شي انج تحطين العطور بدرج التسريحه فوقها بس شموع ومفرش وفازا ورد مجفف



انا حاطه شموع وعلبه على قلب الحب كبيره وحاطه كل العطور فيها او ممكن سله كبيره حطي كل عطورج فيها لاتحطين كل شي بره