بنات شاكة ان فيني المرض الخبيث بس مادري شسوي مابي اقول لاهي

[لياليـ]

سرطان الثدي ماايي الا حق اللي عمرها فوق ال20 او عادي انا بعد عمري 15 سنه ويصير فيني تنكمش بعدين ترد

 

[صانعة الحياة]

حبيبتي لاتخافين خليك واثقه بربك

ماراح انساك من دعائي

لكن طمنينا بعد الفحص

ياويلك تنسين خخخ

 

[Vous jamais]

اسم الله عليج إن شاء الله ما فيج إلا العافية

راجعي الدكتور و طمنينا حياتي

 

[امـل لاينتهي]

تحسين بالم في مكان الصدر؟ جربتي تسوين الفحص الذاتي للثدي؟ بعد الدورة بيومين تقريبا تسوينه وانتي حاليا تحسسي فيه شي ثقيل لاسمح الله او بس هالشي؟ اشياء واايد لازم نعرفها قبل مانقرر اكيد واهم شي عندكم بعايلتكم هالمرض ؟؟ ولزيادة الاطمئنان انا اقولج سوي اشعة ماموغرام وتطمني ومعاج حق لاتخوفين اهلج اول تاكدي يمكن يطلع وسواس او شي بسيط بس لحقي نفسج واكشفي للاحتياط لاتسكتين تطمني وافتكي وان شالله مجرد وسواس

 

[لمساتـي]

روحي فحصي حبيبتي

 

[Perfume]

كلام باتشوو صح
المرض تزيد نسبته مع زيادة العمر
يعني نادراً يحوش وحدة بعمر صغير
بهالعمر غالباً تكون تليفات او تكيسات

 

[مشتطـه]

شصار وياها ؟

 

[نور الكواري]

ما شاء الله البنات ما قصروا قالوا اللي كنت بقوله !
ولا توسوسين هالكثر ترا كثرة التفكير يجيب المرض بعيد
الشر عنج !
تعوذي من الشيطان واذكري ربج واقطعي الشك باليقين
وسوي فحوصات وتطمني عن روحج ولا تنسين تتصدقين عن
روحج دفعة بلا ان شاء الله

الله يحفظج : )

 

[ماكواسم2]

لن يصيبنا الا ما كتبه الله لنا

 

[رجفة وهم]

طمنينا عنك حبيبتي

ماتشوفين شر إن شاء الله

 

[Japanese]

ماعليج الا العافيه

شوفي سالفه انكماش الحلمه ماتدل لا ع خبيث ولا شي

الخبيث يكون بالصدر مثل الكوره اليابسه ع الجنب

اقري عن هالموضوع وبتفهمين زياده اللي اقصده

اي وسالفه الفحص انا اقول نيشني على عياده ولا مستشفي اتصليلهم وسوي موعد وقوليلهم بالضبط تبين الكشوفات ع ايش

وبس روحي وان شاء الله خير ،،

 

[i'm so happy]

ماعليج الا العافيه ياربي اخذي احد وياج لا تروحين بروحج

وامانة طمنينا عليج ان شاءالله مايكون فيج مثل ماانتي تفكرين ياارب

 

[ρяɪиcєss τστα]

أول شي : بعيييييد الشر عنج ي قلبي و بإذن الله مافيج إلا العآفيـــة ..

إقري بالنت عن أعراض هالمرض مو شرط اللي يصير لج يعني انتي فيج الخبيث !

و بعدين روحي للمستوصف قوليله كل اللي تحسين فيه واللي فيييج وبعدين يا اما يعطيج علاج او يعطيج تحويل .. وسوي اشعة وتحاليل شاملة لكل شي وبتعرفين وخلي املج بالله كبيييير وصدقيني ما رح يطلع فيج الا كل خييييير :icon30:

لا تحااااتين وخلج متفاااائلة فديييتج ..

 

[ملوكة الامورة]

ان شالله مافيك الا الخير
طمينا عنك

 

[M!SS.LOBY]

الله يستر عليج ويشافيج
روحي حق طبيبه عشان تكشف عليج