بنات ساعدووني بليز طوارىء

[أم توتو]

كثرة النوم مرض موزين لا اكل لا شرب لا صلاه حبيبتي امشي على الجدول اللي سويتيه واهم شي الصلاه اذا داومتي عليها تنظم كل وقتج الله يوفقج اختي

 

[الشموخ~~]

انا احس فيج انيميا حادة مادري ليش عشان جذي علي طول الكسل ذابحج وتحسين مرهقة شوفي لج دكتورة تسوي لج تحليل دم واهم شي صلاة الفجر بعدين ديري بالج الريال يبي مرة اتجابلة تطبخ لة تغسل لة هدومة يتشقق الواحد اذا حس انة مرتة تغسل لة وتطبخ لة وقايمة فية ديري بالج ما راح يطول بالة وايد ولا تعتمدين عالخدم انتي بعدج صغيرة باجر اذا اللة رزقج ياهل شبيصير عليج عيل نظمي حياتج يوم يومين وصدقيني تتعودين عالنظام الجديد وجسمج يرد يتبرمج صح كلها مسألة تعود لا اكثر ولا اقل وعسا ربي يسعدج انشاللة

 

[زوجة عزيز]

البنات ماقصروا موفقه

 

[BubbLe87]

بناات ما قصرتوا و صج هالمرة ناوية عالتغيير و بقول وداعا للكسل للابد
اللي سالت عن الأنيميا أنا فعلا فيني أنيميا حادة نقص حديد و أخذ حبوب لها من اسبوع
عاد توني كنت بالمستشفى صار فيني نزلة معوية و ان شا الله اول ما اصحصح ارتب وضعي مرة ثانية
و هاليومين محافظة عالصلاة عدل الحمدلله
همتكم يا بنات معاي و تشجيعكم ؛*

 

[فوز22]

تدري شنو آصعب شي تسويه بالحياة ..انك تحاول تصلح شخص ..ما يبي لنفســـه صـــــلآح!



آآدعي ربج ان الله يقويج على شغل البيت ؟؟؟؟؟؟؟؟؟؟؟؟

 

[BubbLe87]

فوز ... شكرا

 

[كـ غلا ــلي]

شوفي حبيبتي انسي ايام قبل وحلاوه ايام قبل وقولي ودعا حق ذيج الايام والله ماكو على امهاتنا مدللينا

وبيني وبينج همن غلطتهم ما هيؤنا حق المسؤوليه فيبيله شويه احساس من عندج وتمشي الامور قلدي

امج اشلون امج تدير بيتها صيري مثلها تشوفينها تعدل هاذا وتعطي الخدامه الاوامر يعني تنظم كلشي بنفسها

حتا لو ماسوت بس الاهم انها تعرف كل شارده وارده بيتها وانتي طالبه على كلامج فاكيد زوجج براعي هالشي

يعني انتي حاولي ترتبين الهدوم اول باول خلج مرتبه وسنعه لا تخلينهم يتراكمون عبالج دارج بروحج مثل قبل

لا حبيبتي علقي النظيف فيهم والوسخ قطيه بسله الهدوم والغسيل قسمينه مرتين بالاسبوع عشان ما يتراكم

عليج ويصير كود الكوي عليج وعدلي نومتج ترا كثره النوم تخلي اليوم ما فيه بركه غير جذي ماتسوى صلاتج تطوفج

فرتبي امورج عدل وحطي لج جدول وخطه واذا عندج خدامه خو احلى شي بس قعدي وجههيها شنو تسوي وبس يعني

انتي تامرين واهيا تطامر لوووول

 

[baby qa6wa]

upup

 

[BubbLe87]

كلي غلا لوول أحلى شي الخدامة أطامر

شوفي أنا بقولج شنو قررت

الكواي و الحمام تكرمون عليها

باقي الشغلات أنا اسويها خلال ساعتين مثلا من ١٠ لي ١٢ اتوقع تكفي الساعتين ان شاء الله

و لما اكون مداومة دوامي لي ٢ و ٣ بهاليومين اللي اداومهم فكلشي عليها بهاليومين لان ما يمديني و اكون رادة حرانة حدي مال خلق شي

و الله يعين و صاجة أمهاتنا ما علمونا عالمسؤولية شنسوي بعد

تسلمين حبيبتي على مشاركتج الحلوة


قطوة يسلمو

 

[صادقة بكلمتي]

حبيبتي اسرعي بالتغييير قبل لا بفوت الفوت وتندمي وتخسري ريلج وحياتج ما لج عندي غير الصلاة وحدها اللي بتريحج وبتشفيج وبتعدل نومج وحياتج بكبرها والله له حكمة سبحانه في اوقات الصلاة اتمنى تسوين بحث بالنت عنها وتقراين شي بيصدمج انتي توكلي على الله ومالج الا انج تبتدين باوقات الصلاة حطي تنبيه وقعدي من نومج ورتبي يومج على اساسه وترا توج عرووووس حرام اللي قاعدة تسوينه بريلج وبنفسج الله مايرضى شلون باجر ان الله رزقج حمل وياهل شنو بتسوين عيل الله يهديج ابتدي وخبرينا يومياتج وكلنا بنساعدج ولا تنسين ريلج من ليللي الحب بعد صلاة العشا لي قبل صلاة الفجر من ليللي الحب حتى تقدرين اتسبحين والله يوفقج:rerrerek::eh_s(7):

 

[BubbLe87]

صادقة بكلمتي مشكورة قلبي ما قصرتي

اي والله انا هاليومين عدلت صلاتي غصب و الحمدلله أشوف تطور يعني قمت اهتم من نفسي اسوي الاشياء

و صار لي خلق أحوس بالبيت

مشكورة عالتشجيع و ان شا الله بكتب لكم يصار معاي بعد اسبوع

 

[براءهـ]

صلي الصلوات بوقتها ويترتب جدولك صدقيني

انا ماترتب جدولي الا بعد ماااحطيت منبه لكل صلاه

وانا لسى ماتقوزت بس رتبت جدولي لان اول جدولي ممل كله نوم واللحين عدلته
حتى نفسيتي ارتاحت واحس بنشاط زايد
بس انا خلقه نومي قليل ههههههههه
يعني تلقيني انام ساعتين واصحى نشيطه ​

 

[BubbLe87]

براءة ما شاء الله عليج انا ودي أنام ٦ ساعات بس هههههههه

 

[ELFAD3Ah]

حبيبتي يمكن هرمونات متخربطه
ومثل ماقالولج البنات اهتمي بصلاتج

 

[كذامن ربي حبيته]

والله انا نفسج وعندي بنوته ولا دوام ولا شي فاضيه كسوله بس قريت ردود البنات تشجعت انضم نفسي الله يجزاهم خير ان شاءالله بيكون رمضان دوره تاهيليه باذن الله نشد الهمه

 

[المزه]

تدرين انا كنت نفسج مالي خلق وما اشبع نوم بالاخير طلع بسبة الانيميا الحاده وطوني حبوب حديد وكانت تنومني اكثر بس انتي انصحج تاخذين ابر اسرع مفعول وما تنوم والله يقويج

 

[كويتيه شماليه]

خلي في بالج ان زوجج راح يمل من نومج والعيشه معاج وراح يفكر بزوجه ثانيه تملى عليه الراحه بالنشاط والحيويه<<< ههههه دعايه

صج والله هالشي يعطيج دافع للتشجيع والتغيير للاحسن بس الاهم تسوين تحليل الغده الدرقيه لان خمولها يخليج بس تبين تنامين وكسوله هذي فيني علشان جذي لازم تهتمين في نفسج وصحتج وانتي نايمه حطي منبه واذا حسيتي قولي زوجي راح يتضايق ويفكر انه يعيش مع وحده غيري لا خليني الحق عليه ههههه وراح تقعدين والله يوفقج

 

[جوري 2007]

لا لا لا مو خوش حجي ،، مو حلوة الريال يلاحظ هالموضوع وينبهج عليه ،، كلنا كنا جذي بس تعلمنا ،، تركي عنج الكسل

ترى كثرة النوم اييب الكسل والخمول والمتن ،، رتبي نومج ورتبي امورج وراح تحسين انج نشيطة ،،

 

[BubbLe87]

كذا من ربي حبيته مشكورة حبيبتي و حياج معاي ايدي بيدج نغير حياتنا؛*

اللي قالت يتزوج عليج لووول والله ضحكت لان فكرتج فكرت فيها من قبل و ان شا الله راح اكون كلي نشاططط و حيوية

بنات معلومة انا فيني أنيميا حادة عبارة عن نقص حديد و أخذ لها حبوب و فيتامينات

مشكورين كلكم و ما قصرتوا بميزان اعمالكم ان شاء الله :***

 

[حزن الليل]

نفسج كنت فبداية زواجي جذي

اهم شي حسني علاقتج بربج وانشالله الله يحسن اوضاعج

حاولي تلتزمين بالصلاة وادعي بالسجود ان الله يعينج على شغل البيت

وقولي اللهم اني اعوذ بك من العجز والكسل

وترى التنضيف ما يبيله شي صدقيني بس ترتبين فراشجج وتعطرينه وغرفة الجلوس ترتبينها وتبخرينها والمواعين تغلسينها ويستحسن تجيبين مواعين بلاستيك عشان تفتكين من الغسيل

والهدوم قطيهم بالغساله واهي اللي تغسلهم

وادعي ربج ان الله يقويج على شغل البيت

صاجه :eh_s(15):

بالتوفيق حبيبتي :yaaaaaarb: