بنات ساعدوني وايد هملت روحي جدام زوجي

[دلع انثه]

لا تخلينه يطالع برا لان حاس بنقص ببيته لازم تهتمين بنفسج

 

[Judy . abbot]

حبيبتي

على الشعر سوي كراتيبن
اكيد مالج خلق مكياج كل يوم
حطي بلشر وكحاه وقلوس
روحي السوق اخذيلج لقنزات وبديات ولا نفانيف قصار
او قمصان حرير ناعمين

 

[ضحاوي الديره]

شلون يطلعج ويونسج واهوا مو شايف اللي يونسه ؟؟
تلاحقي روحج لايحط ع راسج وحده
واذا يعني عندج عياله ولاهيه معاهم وتدرسينهم كل حريم الدنيا نفس حالتج
ضبطي روحج ترا قهرررررر لمن يطلع الريال برا البيت ويشوف الكشخه والسنع والزين ويجي البيت ويشوف وحده هامله روحها بيحتر
ومو كل الرياييل يصبرون

 

[جلكسيه اس 3]

ديري بالج ترا الريال يتذكر الشين قبل الزين
و باجر لو لا سمح الله كلم بنت و عرفتي راح يقول انتي السبب ما راح يقول اهوا السبب
اتي سوا الي عليج و كشخي هذا واجبج وانتي محاسبه عليه و اهو بعد محاسب على واجبااته

 

[Al-RoRo77]

تلاحقي ع عمرج مثل ماقالوا البنات لا تخلينه يلاقي حجه ويدور اللي يبيه برااا
اهتمي بعمرج ولا تقولين شغل وكرف شدعوه ماتحصلين فجه لو شويا ؟!
عدلي نفسيتج اكيد من بعد الصلاة والتقرب لله سبحانه بالاهتمام بنفسج وبيتج وعيالج
وكل ماتحسين بكسل قولي اذا مادلعت نفسي وريلي منو ادلع ومتى ادلع نفسي وادلعه؟!!
خلي عندج اراده واهتمي بنفسج وجوفي شلون راح تتغير نفسيتج ترى بعض البنات الله يستر علينا ويهديهم يدورون رياييل
حتى لو متزوج وعنده كود يهال والله مايهمهم واعتقد انتي تسمعين وتقرين وتجوفين هالشي؟
ماطلب منج الاهتمام بنفسج غير لانه ناقصه شي يبي يحس بمرته انثى دلوعه تهتم بنفسها مثل اي مره
تدلعي ودلعيه لا تضيعين حياتكم بيدج ترى حتى الله مايرضى بهالشي
الله يخليكم لبعض ان شاء الله

 

[حلوةودلوعة زوجي]

مع البنات ما قصروا قالوا الي بقوله وزود
المشكله فيج يا قلبي الله يصلح حالكم

 

[ريم خانم]

البنات ماقصروا صراحه بس نصييحه لاتأجلين بكره وبكره قومي اكشخي الحين بالي عندك مو تخلين كشتك لما يجي بكره عشان تروحين الصالون
ومو لازم تسوين زحمه وتبالغين بس اهم شي نظيفه ريحتك روعه وشعرك مرتب ولبس حلو ومريح للبيت مو لازم مكياج حطي قلوس ومسكارا
وبعد مو عشان زوجك شوفي انتي نفسيتك كيف تصير اذا كشختي وحسيتي انك واثقه ..
انا صراحه مريت بفترة اهمال بس ماطولت الحمد لله وعيت لروحي لان جاني اكتئاب بعد الولاده وربي لليوم متحسفه ع اهمالي لنفسي هذيك الايام بس شهر ورجعت اهتميت وبالعكس اهتمامي بنفسي الحين اكثرر بكثير من قبل الزواج لان في احد يطالعك ويتمقلك طول اليوم
وموفقه ةة

 

[بيتي بوب بس كويتيه]

حبيبتي لما تكشخين مو حقه بالعكس حق نفسيتج
واذا الحين مالبستي وكشختي متى بتلبسين
ومو ضروري تحطين مكياج بالبيت
سوي شعرج كيراتين 24؟ساعه ناعم جنه مستشور
ولبسي لبس مرتب وبس

 

[ليتني مـآ كبرت]

إذا مادلعتي نفسج ألحين ولبستي وترتبتي

متى أجل ؟؟

عودي نفسج ماتحطين راسج ع المخدة

ألا وأنتي متسبحة وكاشخة ومترتبة

فشلة تحطين راسج عند راس الرجال

وكشتج طايرة ومو مترتبة

مو بس حزة النومة ﻻ ﻻ كل اليوم خليج

مرتبة

شحلات الليقنزات اخذي الالوان الاساسية

مع بلايز مرتبة جموم طويلة

وشعرج رتبيه سوي فرنسية أو استشوريه

ولبسي تراجي على طول خليهم بأذونج

و سلسالة ذهب ابيض ناعمة لاتقطينها

وعادي شفيها إذا تدرسين الجهال

مايصير تدرسينهم و أنتي كاشخة يعني ؟

ماحب المرا اللي تهمل شكلها جدام زوجها

اصلا أنتي مـن داخلج ما راح تكونين راضية عن نفسج

و ألحين عاد الشتا وياحلات لبس الشتا

كله دلع و انوثة

يله ياقلبي شناطرة فزي مثل الغزال تسنعي وتكشخي

 

[om-3azo-83z]

معاملته مو زينه ! اكيد بيتغير من تشيلين الاهمال من بالج
مابي اكثر حجي و احذرج بيشوف غيرج و بيزيد اهماله لج وهذا شي اكيد 100% اذا استمريتي على هالحال
شوفي بدون تفكير ولا تنطرين باجر
شغلي سيارتج روحي اقرب سوق و اذا عيزانه النت ملياااان
اشتريلج جم قميص نوم و نوووعي بالالوان و الستايل و التنكري
روحي الصالون قصي شعرج او عدليه او صبغيه
سوي حمام مغربي و بدكير منكير و هالسوالف
سويله جو بالغرفه تقدرين تغيرين مكان الاثاث كنوع من التغيير
اشتريلج مكياج و عطور و لبس للبيت او الشقه يديد و ستايل غير بين القصير و الطويل و المفتوح
دلعيه و عطيه كلام حلو
طبقي كلامي و باذن الله اقل من شهر بتنزلين موضوع شلون ريلج تغير وين كان و شلون صار ( و احتمال كبييييييير اقل من شهر بعد)

 

[om-3azo-83z]

نسيت اقوولج مو بس الاهتمام بالستايل حتى الجسم شوفي وزنج اذا يبيلج جم كيلو تضعفين او تمنين
بشرتج اذا تعبانه عالجيها
شعرج حطيله خلطات و زيووت