بنات ساعدوني قل لا يصير فيني شي

[فلانه 1991]

صارلي ساعه اكتب الموضوع واخرررررر شي الموضوع تكنسل :eh_s(2):

خلاص بختصر شوي بنات بقولكم مشكلتي العويصه واتمنى تساعدوني

بنات انا احب خطيبي واااااااااايد وايد خصوصا انه اهوا اقرب شخصل لي

بهالدنيا بس المشكله يابنات انا طحت عليه 3 مرات يكلم بنات بالنت وتعذر مني

وبين لي غلطه ووعدني انه مايعيده وقالي اني ماخنتج اناسويت هالشي بس بالنت وعن

عبط ومراح اعيد هالشي واخر مره طحت عليه بين لي انه صج ندمان واعترفلي بشياء

ثانيه قالي انه كان يعرف بنات بالفون والحين هدهم كلهم , انا سامحته لانه كل انسان له ماضي

وكل انسان يغلط , وهالسالفه عدت وخلاص والولد اوكي بتقولين شل المشكله , مشكلتي الشك الي

قتلني اي شي يسويه على طول اشك فيه مثلا الحين اهوا ولا مره حط صورته لا مسنجر ولا

بلاك بير بس الحين صاير يحط صوره وليمن قلتله ليش تحط صورك يقولي لاني قبل كنت ضايف

ناس ماعرفها فا ماكنت احط صوري ( يقصد البنات الي كانو عنده ) والحين عادي قاعد احطهم

عشان اخوي وعيال خالي الي يدرسون بره يشوفوني بس يابنات انا حاطه ببالي انه يمكن ضايف

بنت ويبيها تشوفه بس اهوا يحلف انه ماكو وحده غيري شسووووووي بنات والله تعبت عفت

كل شي من هالشك شكلي تغير لا اكل لاراحه نفسيه شسوي بناااااات

 

[زوجة عزيز]

اسم الله عليج ان شاء الله مايصير لج الا كل خير حبيبتي ومثل ماقلتي مافي انسان ماله ماضي ودامه حلف حاولي تفتحين معاه صفحه يديده واتمنى يكون صادق وقد الثقه والف مبروك الخطوبه

 

[PuPa^^SWeeT]

استخيري


اذا فيه خير ربي يقربكم من بعض


اذا فيه شر و تعب لج

ربي يسترها و يعيينج



استخيري و بعدين شوفي

 

[بنت حظوظ]

هو يحبج انتي ولا تخلين شوية بنات نت يخربون بينكم

 

[امـ خــزامـى]

سوري حبيبتي اذا كان هذي اولها ينعاف تاليه


نصيحتي لك استخخخخخخخخخخخخخيري


وموفقه حبيبتي

 

[yasmeen_q8]

انا لو مكانج اهده
لان الثقه عمرها ما بترجع
واللي يخون مره يخون الف
وابو طبيع ما ايوز عن طبعه
وانا يموووووتني اللي يخووون
هذا عندي حتن لو منو كااان حتن لو ابوي ينتهي احترامه وتتشوه صورته بعيني
وترا الريال لا شاف المره متسامحه تلقينه يتمادى

نفس اللي قبلي استخيري
وشوفي نفسج
بترتاحين لما تعيشين مع شخص جذي
ترا الزواج مو بس مرة + ريال وحب
لااازم تكون نفسيتج مرتاحه معاه
لازم تكونين مرتاحتله وسعيده معاه مو ما تاكلين وما تشربين
انتي من الحين مو مرتاحه شلون بعدين ؟!
فكري عدل
الزواج استقرار وراحه وامان الشك بيدمركم
ومستحيل تعيشين العمر كله تعبانه نفسياً ولو كنتي معتقده انج بتنسين هالشي ترا والله غلطاانه قبلج قلت هالشي بس لين اليوم كل مشكله يدخل فيها شك
الله يوفقج ويهديج للطريج اللي يريحج ويريح قلبج
واستخيري ( من شروط الاستخاره ما تكونين مايله صوب شي تكونين متردده مو تبينه بس بتستخيرين عشان تشوفين شنو احسن ما ينفع )

 

[بطوووطة$بيضة]

عموما الشك الزايد يطفش الريال ويحسسه انج مو واثقه ابنفسج....الله اكشفه لج قبل الزواج وانتي حرة اتمين معاهً ولا لا

 

[رنيم الروح]

حبيبتي لا تصيرين شكاكه على طول وطفشينه منك ولا يعند بعدين وتعلق بهالشي اكثر وبعدها ماعليه منك استغلي الموقف وبينيله انك واثقه منه
الشي الثاني حبيبتي بطلي مراقبه لا تدققين على اشياء تعتبرعاديه مثل ليش تحط صورتك ؟ ليش كذا؟ بلاها طريقة المحقق هذي لانه راح يطفش ويعتبرك تراقبينه بكل شي صدقيني شيلي فكرة المراقبه هذي من بالك وخليه يحس بثقتك فيه واهو اذا يعرف بنات على قولتك اخذيها من باب الطماشه وبكره ينساهم احسن من تقولين ليش ضايفها والله يتعلق فيها اكثر

 

[fajorh]

اب اب اب

 

[لوفيه]

ما اعتبرتوا يابنات من هالسوالف

٨٠٪ من المتزوجات اللي هني بالمنتدى مشاكلهم كانوا ازواجهم يكلمون بنات وقت الخطوبه وتسامح

ولمن تتزوج تكتشف انه للحين يكلم

يراضيها بكلمتين وتسكت

ولمن تجيب اطفال تكتشف انه رجع يكلم

اهني شنو تفكر بالطلاق ليش حبيبتي يعني انتي ماتدرين انه من قبل لايعرفج هذه سوالفه ؟؟

وين المشكله ؟؟؟؟

بالبنت نفسها ما اقرصته قرصه ماينساها طول عمره

على طول تسامح وتقول فتره وتعدي او لاني مو عنده او او او .....


انتي بعدج بالبر يا تسنعينه وتعاقبينه او كل من يشوف نصيبه

موفقه

 

[انا لحبيبي .]

الله يهدي بالك ويصلح الحال

 

[DaShTeYa_Q8]

توج بفترة الخطوبة اذا مو مرتاحه فليها لا تقولين احبه ومادري شنو
بعدين خوفج يزيد بعد الزواج وتتحسفين فكري عدل

 

[سكوتي بذوقي]

مدامك على البر

استخيري

ربي يوفقك اختي

 

[FeShinGoOo]

لج حق تشكين خصوصا انه قاص عليج 3 مرات والمؤمن لايلدغ من حجر مرتين
ديري بالج وبطلي عيونج وخلج نبيهه لاتتغيشمين ولاتقصين على روحج اذا شفتي شي مو مظبوط تكلمي ولاتسكتين وقلب المؤمن دليله

 

[فلانه 1991]

مشكورين بنات على نصايحكم

بس انا مابي اهده شنو اسوي شلون اسنعه

ولو صج يكلم بنات شسوي علموني

 

[فدوووو]

الله يعيينك حبيبتي ومثل ماقالوا البنات استخيري

اللي يخون مرة ممكن يخون مرة ومرتين وثلاث واكثر من كذا يعتبر طبع فيه مايتغير

 

[دلوعة صلوح]

الله يصلح الحال يارب.

 

[فلانه 1991]

up
up

 

[om-3azo-83z]

كل انسان له ماضي في بعضهم بعد الزواج يتغيرون و يهدون كل خرابيطهم
استخيري احسن
و انا من رايي تقعدين معاه قوليله بصراحه من سوالفك قمت اشك و جذي و ثقتي فيك معدومه بطلي كل ايميلاتك جدامي و بشوف تلفونك
و اذا سالفه الصوره مضايقتج قوليله انا اغار حتى من الصبيان اخذيها على عبط لا تحسسينه انج نكديه

 

[sosowaty]

الله يعينج