بنات ساعدوني شنو بنود اول اجتماع لرئاسة القسم؟؟؟

[@الخياله@]

ربي يوفقج مثل ما قالوا البنات .!


اجلي الاجتماع لثاني يوم خصوصا اول يوم بيكون توزيع الجدول عند الوكيله والنقل .!


وسألي من حامل عشان تعرفين ميزانية القسم وتبلغين الموجه .!



ولمن تضبطين أمورج ويكون الجدول جاهز عندج من بكره اجتمعي بهم وبلغيهم على الاساسيات .!


يعني خليه يكون اجتماع تعارفي اكثر من هو توجيهي .!



وطبعا الاجتماع بيدور حول سيايتج بالتعامل واهم النقاط اللي الاداره ركزت عليها .!



يعني كلميهم بالنقاط لا تدخلين بتفصيل !.



والايام الجايه واجده


وباجتماع الاسبوع الجاي وضحي الامور عدل لانج بتشوفينهم طول هالاسبوع شنو نشاطهم .!




وتحياتي لج

 

[ذكريات الطفوله]

الاخت الرسامه و الخياله كفوا و وفوا
بس انصحج
ابتعدي عن كلمت سووا و قولى نبي نعمل نبي انسوي
يعني ابصيغت الجماعه مو الامر
راح تكسبينهم

 

[@tat@]

حيااااااااااااااتي انتي يالرساامه كلامج كله ذوق

مشكوووره يالغاليه

 

[@tat@]

تسلمين ياذكريات الطفوله
احس كل ماترد وحده تتكون صوره أشمل عن الموضوع

 

[@tat@]

:33_1185028183::33_1185028183:

اختي الخياله مشكوره على الكلام الحلو

والله يوفقنا كلنا يارب وتكون سنة خير على الكل

 

[zargona99]

مبروووووووك والله يوفقج ان شاء الله

كان ودي افيدج بس انا توني يديده ما عرف

 

[سـكـر زيـادة]

رد : بنات ساعدوني شنو بنود اول اجتماع لرئاسة القسم؟؟؟

يمااااااااااه


خايفة



احس اني من ثاني اسبوع منسحبة

 

[فاتنة75]

تدرون بنات بصراحة ما قصرتوا الله يعطييكم ألف عافية وما قصرتوا

 

[@ الرسامة @]

رد : بنات ساعدوني شنو بنود اول اجتماع لرئاسة القسم؟؟؟

العفو



شوفو بقولكم شغلة



اول شي راح تستانسون بالمسمى حيل ترى هذا انجاز تستحقونه من عقب سنين من التميز

بس











في شي







ترى راح تحسون بشي غريب يمكن مو الكل بس انا من الناس اللي حسو فيه

اول شي راح تواجهكم مصاعب حيل من المعلمات لان في منهم ماراح يتقبلونج مثلي انا تعينت بمدرسة فيها كبار حيل بالعمر وخبراتهم تجاوزت العشرين سنة


وحتى الصغار منهم


عادي بس حطي فبالج انج قد هالشغلة وان هالاحساس راح يروح عقب اول سنة وحطي فبالج انج قدها ونص وان الناس لماتعرفج راح تحبج علشان جذيه انتو باول سنة تعتبرون تحت التمرين والخطاء محسوب عليج فلاتنسون الاهتمام بالسجلات اهتمام كامل وكوني سباقة لعرضها على المديرة يعني لاتنطرينها تطلبهم لاء انتي روحي

ثانيا سجلاتج تحطين بالج عليهم بشانون مقفول اهم السجلات الزيارات ماتطيح منه ورقة ولا احد يشوفه وتقفلين عليه حتى سجل الاجتماعات مايكون سايب ينقفل عليه

ثالثا الشلل وخري عنها وخلج مع الكل ايزي وترى فيه شلل مو بس بالقسم حتى الادارة وراح تكتشفون هالشي مثلا شلة للوكيلات وشلة للمديرة وشلل رئيسات الاقسام
انتي مكانج مع الكل ولاتتنازلين عن مبادئج خصوصا حزة التقرير اهم شي الله مو الناظرة ولاغيرها

واخيرا

اهم شي قسمج خليهم يحبونج سهلي عليهم امورهم بس بحزم قدري ظروفهم سالي عن صحتهم ترى اهم اللي راح يبرزونج

 

[فاتنة75]

بصراحة يالرسامة كلامج وايد حلو بس بغيت أعرف إنتي كرئيسة قسم لازم تسويين عمل مميز في المدرسة والتوجيه عشان تتميزين وتتثبتيين ياريت تفيدينا بهالشي وجزاج الله كل خير

 

[مشاعر خجوله]

موفقـــــــــات ان شاءالله


وانتوا ما اخترتوا هالمنصب إلا انتوا قدهـ بإذن الله .. وان شاءالله تكونون قدوه حسنه بالمدرسه وبالاخص بالقسم نفسه .. وتبيضون الوجه عند الاداره

 

[@ الرسامة @]

رد : بنات ساعدوني شنو بنود اول اجتماع لرئاسة القسم؟؟؟

فاتنة

انا التوجيه ما افكر فيه كثر ما انا افكر بقسمي واشلون ابرزه
حلو انج تكونين فعالة بالمدرسة بالانشطة- وعمل معرض نهاية كل فصل- ورش عمل - اسبوع فني


طبعا انا اتكلم عن قسم التربية الفنية



نصيحتي لج سوي بس لاتنسين شغلج الاساسي بالمدرسة
يعني ما اسوي شي على حساب شي

وطبيعي اول سنة لج راح تلهين بالسجلات وترتيبها وزياراتج وتبادل الزيارات وغير التنمية المهنية وعمل الخطط


انا حست حوسة فيها وترى هالشي ياخذ من وقتج وايد بالمدرسة وبالبيت

يعني خلصي شغلج وعقبها كلفي المعلمات بعمل نموذج درس - ندوات - وغيره


اهم شي الحين تحطين فبالج انج تاخذين الامتياز علشان تتثبتين

 

[فاتنة75]

رد: رد : بنات ساعدوني شنو بنود اول اجتماع لرئاسة القسم؟؟؟

تسلميين حبيبتي على الرد والله من كثر الأشياء اللي المفروض أسويها بالسجلات والقسم اللي ما أدري عنه شي لأنه ليما الحين ما عندي خبر بالمدرسة أحس صايبني بروود والله يعينا بس تدرين أدري إنه عندي إخت حبوبة إسمها الرسامة ماراح تقصر معاي وأنا تخصصي رياضيات وتوجيهنا عسرة

 

[سـكـر زيـادة]

رد : بنات ساعدوني شنو بنود اول اجتماع لرئاسة القسم؟؟؟

بصراحة استفدنااااااااا كثير


وخصوصا من اختنا الكبيرة الرسامة


طيب نبي نموذج عن اول اجتماع فني لرئيسة قسم مستجدة