بنات ساعدوني شنو بنود اول اجتماع لرئاسة القسم؟؟؟

[@tat@]

الموضوع باين من عنوانه بنات بليز منو تعرف شنو بنود اول اجتماع بالقسم لاني رئاسة قسم اول سنه
واحس شوي خايفه وافكار كثيره براسي :gr4uu:

بعدين اول ماادخل المدرسه اليديده وين اروح للناظره والا الوكيله
:23_asmilies-com:

 

[@tat@]

وينكم

 

[مشغوله و محتاسه]

موجودين ...

مبرووك و الله يوفقج و يعينج ..

اول ما تروحين للمدرسة ... روحي للناظره و عرفيها بنفسج و نفس الشي للوكيله ..



اول اجتماع .. للحين ما كتبته بصيغه نهائية ... بس محاوره بسيطه و ترحيب و تعارف و تشجيع و شوية عن دفتر التحضير على اساس لا يشترون شي غير المطلوب ..

 

[@tat@]

بعد عمري تسلمين وشاكرتلج على احلى مرور

 

[moony77]

مبروك على الترقية

 

[@tat@]

:33_1185028183::33_1185028183:يبارك فيج بعد عمري

 

[@tat@]

:eh_s(7):وين رئيسات الاقسام ساعدونا بكلمه حلوه

 

[البيداء_77]

تات

انا مثلج اشراف اول سنة وحدي خاااااااااايفة ما ابي اصير قشره وهم ابي شغلي مضبوط الله يسخر لي المدرسات ياااااارب

 

[عسولتي]

الله يوفقكم جميعا بنود الاجتماع يكون انطباعج عن القسم وتوصياتج لهم واهم النقاط اللى تتناقشين فيها مع معلماتج واوصيح لاتكونين لينه ولا عسرة كوني وسط وخليج بالادارة دايما وابرزي نفسج وكوني متحمسه والله يوفق الجميع

 

[@tat@]

:yaaaaaarb:الله يعينا
ويوفقنا ويعدي هالسنه على خير

 

[فاتنة75]

أنا بعد أول سنة رئاسة قسم في البداية راح أعرف نفسي عند الإدارة وبعدين أروح لقسميي والله يستر إنشالله يكون خوش قسم وراح أتعرف عليهم بس راح أكون في البداية رسمية معاهم ليما أعرف طريقتهم تدرين الخوف إنه قسمج يكون كله كبار راعيات خبرة جذي راح يكون التعامل معاهم غير

 

[مانيكانxl]

الله يعينا على تحمل المسؤولية ... خل دايما يكون في بالنا إن احنا كلنا في خدمة التعليم و كلنا هادين بيوتنا و عيالنا عشان هالهدف...و حطي في بالج أهم شي تنظيم العمل و تقسيم الأدوار في أول اجتماع ..و أهم محاوره ...شنو بتعطون البنات أول يوم ..توزيع الدرجات ..إي بنات لا تنسون تحرصونهم على حصة الاجتماع مافيه تبديل و لازم الكل يحضر الاجتماع .....و إن شاء الله قدرت أفيدكم ..

 

[سـكـر زيـادة]

رد : بنات ساعدوني شنو بنود اول اجتماع لرئاسة القسم؟؟؟

الله يوفق الجميع


طيب يا ليت وحده توريني نموذج لاجتماعها


وجزاها ربي خير

 

[@tat@]

ايه والله اطلالة قمر على قولتج ودنا نقرى في البدايه اجتماع علشان نكون فكره كامله عن الموضوع

 

[فوفو22]

رد : بنات ساعدوني شنو بنود اول اجتماع لرئاسة القسم؟؟؟

انا ادارية ممكن افيدج

اذا اول مدرسة

من باب الذوق تروحين للمديره اول

تعرفينها بنفسج

وتتوجهين للمديره المساعده تعرفينها بنفسج

ثم للسكرتارية لعمل تسجيل لج بالكمبيوتر مع ارفاق اوراق خاصة منج

الاجتماع

برايي الشخصي خليه ثاني يوم مو اول يوم

لهالاسباب

1-اول يوم عمل الكل بسولف

2- تتعرفين على اسماءهم وشخصياتهم من اول يوم

3-تعطينهم خبر ان ثاني يوم في اجتماع لمعلمات لقسم

اجتما ع ثاني يوم

1- السلام والتحيات لهم

2-تشرحين سياستج للرياسه القسم

3-تزرعين فيهم الثقة بأن تفتحين بابك لهم اسبوعيا لملاحظاتهم

موفقه

فوفو

 

[كارلوفي فاري]

انا اشوف انه فوفو ماقصرت 0وانا من رايي لاتستعجلين على الاجتماع ليما تاخذين انطباع عن المدرسات وخبراتهم ولاتحتكين فيهم باول يومين علشان لاياخذون عنج اي انطباع او اي ملامح لشخصيتج ليما انتي تعرفين عنهم اشياء واجد وتحديد سياسة التعامل معاهم 0وموفقه 000وياليت تبشرينه عن امورج

 

[@tat@]

:aha:

بعد عمري فوفو مشكوره

واحلى باقة ورد لج

 

[@tat@]

:e3:

كارلوفي فارلي

صح كلامج وماقصرتي يالغاليه

 

[@ الرسامة @]

رد : بنات ساعدوني شنو بنود اول اجتماع لرئاسة القسم؟؟؟

انا قاعدة اكتبه الحين بس لما الحين ما خلصت


راح اعطيج بعض البنود الاساسية

الترحيب بالمعلمات في بداية العام الدراسي الجديد
توزيع الجدول
مناقشة خطة العمل
المناوبة
الالتزام بالدوام الرسمي
الاستئذان




في شغلات وايد فبالي بس ماخلصته

اول يوم روحي عرفي عن نفسج عن المديرة والوكيلات وخلج بالادارة سحبي بيانات معلماتج واطلعي على الجدول وصوريه وحطي يوم الاجتماع الفني والاداري ويوم المانوبة


روحي القسم وسلمي على مدرساتج وعرفي عن نفسج والافضل انج ماتتكلمين وايد علشان تعرفينهم عدل وكل مدرسة يبين اسلوبها من كلامها
ولما يخلصون اهم شي




وحطي تحتها خط




غرفتج ومكتبج وكمبيوترج




ترى انتي الحين رئيسة قسم مو معلمة لازم مكانج وغرفتج دليل على شخصيتج


لما ترتبين امورج بالغرفة مثال
اول شي لازم تكون نظيفة وتعاونو على تنظيفها طلبي شانون من الوكيلة حق سجلاتج معاه قفل
يفضل تكون لج غرفة خاصة مع معلماتج علشان الاجتماع يكون سري ومحد يتدخل


عاد عقب ماتخلصين من هالاشياء ضحكي وسولفي وتعرفي عليهم بس قبل نهاية اليوم طلبي من كل مدرسة تفكر وتكتب خطتها حق هالسنة وتعطيج اياها باجر



اذا نسيت شي اقولج
طرح باب المقترحات

 

[@ الرسامة @]

رد : بنات ساعدوني شنو بنود اول اجتماع لرئاسة القسم؟؟؟

اي صح الاجتماع الفني خليه ثاني يوم
انتي الحين فكري شراح تسوين وكتبيه ----------- خطتج للفصل الدراسي الاول