بنات ساعدوني شنو اوكل ولدي

[ShoOog el3YoOoN]

حبيبتي انا مابي اقولج انواع الاكل البنات كفو ووفوا بس بقولج على شي ...

ولدج عوديه ياكل كل شي عشان يتعود مو نوع واحد عشان ماتتعبين معاه ....

عسى ربي يخليلج وليدج وتشوفينه معررس ...

 

[شوق@ذوق]

Up
up

 

[love love]

الصبح او العشا عندج توست وجبن او حليبته مع بسكووت امذوب
الغدا خلييه من غداكم او عيش ورووب او عيش مع خضراوات ونتفي وياه دياي مع اشويه ماجي


السناك عندج عصير وبسكووت او كيكه او فواكهه او زبادي


هذا الي اتذكره الحين

 

[جمالي ايطالي]

مشكورين كلكم


شوق العيون وفن وذوق وعالم حواء


عسى ربي يخليلكم عيالكم

 

[جمالي ايطالي]

اااب

 

[جمالي ايطالي]

ابي طريقة جبدة الدجاج

 

[أمــ سعوود]

رد : بنات ساعدوني شنو اوكل ولدي

ليحين ما عرفتي الوصفه

انا دخلت اكله يديه ..
شوفان ودجاج و جزر صار اشوي ياكل بس بعد ما يكمله

بس سؤال صج الماجي مضر حق الطفل:؟

 

[Yellow Group]

الماجي مضر حق الكبار شلون تعطونه الياهال ؟؟ ترى كلش مو زين

و لا تعطون عيالكم اكل في ملح موزين ,,

ولا تعطونهم الاكل المعلب سوو فرش افيدلهم ,,

عطيه ,,
تشكيله فواكه كل يوم نوعين غير ,,
تشكيله خضار فايحتهم ومهروسين ,, كل فتره غيري الانواع
روب
حليب وبسكوت
حليب وتوست
حليب بالموز
عصير تفاح , برتقال , تمر ,,,

ودخلي العيش والدياي واللحم على شوي شوي ..
وحاولي اكله كله يكون اورجانك ,,


بالنسبه للجبده مفيده وايد للدم شي معروف بس انا خفت اعطيها عيالي ,,
لانه قال الدكتور انه يتمع فيها الهرمونات الي يعطونها الخروف عشان يكبر ,,

والله يعينج انا بالاكل معركه مايحب شي وكل شي جربته معاه ماياكل ,, :\

 

[أحـلام * ورديـة]

رد : بنات ساعدوني شنو اوكل ولدي

حبيبتي انا اللي اعرفه اليهال تلوع جبدهم من السريلاك

قبل لما اعطيه حق ولدي يرجع لانه ثقيل وايد

وبعدين اللي اعرفه جبدة الخروف اهي الزينه اما جبدة الدياي كلها هرمونات

عطيه فواكه عطيه مثل ما قالو البنات فارليز مذوب بالماي

انا قبل لما صار عمر ولدي 7 شهور كانت امي تسوي جريش وكنت اوله منها

يحبه حياتي

اذا ولدج يقدر ياكل توست ويا جبن عطيه بيض لانه اسم الله عليه ترى يقدر ياكل بهالفتره

 

[الكيكة الأمورة]

مرة اخوي تطبخ الجبدة تالي تضربها بالخلاط بس الطريقة مادري
بس ل اقولج طريقتي نظفيها عدل لانها فيها دم لاما تشترينها من الجمعية وتالي اليها نص قلية
تالي احمسيها مع بصل وفلفل بارد وملح حطي شوية دبس رمان اشحلاتها
بس انا ولدي احطله عيش ومرق خضاراو عيش وروب وصدر دجاج بس من غدااا موبروحه
معكرونية

 

[جذابه بنت ذيابه]

رد : رد: بنات ساعدوني شنو اوكل ولدي

حبيبتى

عطيه فترة الريوق

بسكوت فارليز مذوب بحليب او سيريلاك او كورن فليكس او توست مع جبن مغمس بحليب او صفار البيض

ووقت الغدا

خضار مهروس مع قفشة عيش وقطعة ديايه او شوربة خضار او شوربة عدس او عيش مهروس مع روب شوى

وعلى المغرب

محلبيه او عيش بحليب او كاسترد او جيلى او كريم كراميل

الله يخليه لج يا قلبى

معاهااااا:sfg:

 

[أمــ سعوود]

رد : بنات ساعدوني شنو اوكل ولدي

انزين بنات سؤال اشلون انسوي شوربة عدس ودي اجربها حق ولدي

 

[Coffee-Girl]

الصبح عطيه حليب

بعدها بساعه او ساعه ونص عطيه سيريلاك

وبعدها بساعه او ساعتين عطيه حليب

بعدها فترة الظهر سويله عيش مصري نوع سنوايت هذا يتختخ الياهل وحطي معاه كوسا وبطاط وجزر وشوية ملح وحطي بالخلاط وعطيه

وسويله عصير برتقال عصريه وعطيه

وبعدها بساعه عطيه حليب

والعصر عطيه بطاط بولند اليهال يحبونه ويذوب بسرعه

والمغرب حليب وبالليل بسكوت فارليز وقبل النوم حليب

انا جذيه اسوي حق بنتي

 

[لومية]

خوووش موضوع
شوفي جبدة الدياي حطيها في جدر فيه ماي فوحيها بعدين حطيه شوي شوي بهارات عشان يصير فيه طعم شوي
ولمن قريب تستوي حطي شوي شعريه وبس
بس خلطيها بالخلاط شوي ووكليه
أنا ولدي عمره خمس شهووور وودي اوكله بس وااايد تكرمين يزوع بس اذوقه شوي يرده كله
ومشكوووره على الموضوع راح نستفيد*

 

[حرم راشد الماجد]

شوفي انا كنت حاااااااااااايره بعمري ورحت حق دكتور تغذيه بمركز فحيحيل التخصصي مركز الطفل السليم


وهذا الجدول الي عطاني اياه


الافطار :

- صفار بيضه مسلوقه + عصير نصف برتقاله + ربع توست + خيار مبشور مع زبادي كامل الدسم

وممكن الياهل ما ياكل الكميه كلها او كل الانواع

- ملعقة لبنه قليلة الدسم أو جبن سلفايد او فيلادلفيا قليلة الدسم

وتوست شي ضروري لانه لين وفيه الياف عشان ما يصير عنده امساك
منقوع تمر او قطع تمر اذا كان يقدر يمضغ



الضحى : ممكن تعطينه تفاحه مبشوره أو عصير فواكه طازج ( عدا المنجا و الفرواله ) او حبات عنب ( 3 حبات )

أو بسكوت دا يجستف بالقمح او كوكيز يعني تعطينه بايده وهو يقرم


الغدا
- غداكم العادي بس تأكدي ما يكون في فلفل اسود ولا بهار وايد وعطيها تقريبا طاسه روب اكل بيت ما يضر



العصر
- نفس الضحى


العشا

- الزبادي بانواعه او جبن فيلادلفيا قليل الدسم او سيريلاك ( بس للامانه قال لي حاولي تستغنين عنه )

والرضعات بهالعمر لازم يرضع 6 رضعات مشبعه غير رضعة النوم عرفتي


ووصفة امي

- ملقعة شوفان مع حليب الرضعه ( انا ارضع طبيعي فقالت لي استعملي حليب اطفال او حليب فرش اللي يكون مدته قصيره ) مع ملعقة عسل منقوع تمر ( واااااااااااااااااايد مفيده ) تطبخينهم مع بعض ولما يصير ثقيل تعطينه ياكل وترا حلوه الاكله مافيها شي

 

[أمــ سعوود]

رد : بنات ساعدوني شنو اوكل ولدي

ومنكم نستفيد

متــــــــــــــــــــــــــــــــــــــــــتابعه

 

[in style]

اخذي كتاب ريم قنواتي حده مرييح ويخليج تنظمين اكله انا كنت امشي عليه و صراحه جبده ما عطيت اخااف

 

[جمالي ايطالي]

مشكورين كلكم فديتكم وحده وحده


ام سعود تو الناس عالماجي

باجر بيكبر وراح ياكل من اكل البيت المليان ماجي وبهارات .. فلا تستعجلين

 

[MyLittleBerry]

رد : بنات ساعدوني شنو اوكل ولدي

8 شهور جبده ؟؟؟؟؟؟

قويه

اغلب الدكاتره ماينصحون باللحم لاقل من عمر سنه

روحي الجمعيه الله يسلمج

اشتري

زهره - كوسا - جزر - بروكلي - قرع - بطاط

بالبيت

قطعيهم وحطيهم بجدر وماي وقطعة ماجي او رشة ملح

اغليهم

بعدين بالخلاطه

وبسس

اسهل شي

 

[جمالي ايطالي]

رد: رد : بنات ساعدوني شنو اوكل ولدي

8 شهور جبده ؟؟؟؟؟؟

قويه

اغلب الدكاتره ماينصحون باللحم لاقل من عمر سنه

روحي الجمعيه الله يسلمج

اشتري

زهره - كوسا - جزر - بروكلي - قرع - بطاط

بالبيت

قطعيهم وحطيهم بجدر وماي وقطعة ماجي او رشة ملح

اغليهم

بعدين بالخلاطه

وبسس

اسهل شي

هاذا كلام الدكتور محمد سعيد,, يقول الجبده حيل زينه


وبسوي نفس الي قلتي عليه

تشكرااات حبيبتي