بنات ساعدوني شعر قوطتي يطيح بشكل مو طبيعي :(

[باربي برونزيه]

بنات تكفون شسوي شعر قوطتي يطيح بشكل مووووووووووو طبيعي تخيلو يطيح على شكل خصل و كتل @@ بنات مرتين طاحت كتله من شعرها وصار فراغ @@ انا اول مره اشوف قطوه يصير فيها فراغات والله لو اعرف انزل صور جان وريتكم بنات شنو اسوي معاها شنو الحل في شي يخلي شعرها مايطيح او يخفف من هالمشكله على الاقل

 

[غــلآ]

رد : بنات ساعدوني شعر قوطتي يطيح بشكل مو طبيعي

اذا الشعر طاح ععلى شكل كتل يعني جنه شعر متشربك فهذا شي عادي

كان المفروض انج تمشطينها يوميا وتقصين هذي العقد من لما كانو صغار عشان لا يطيحون واهم كبار


اما بالنسبه للشعر بشكل عام حظي لها نقطتين زيت زيتون بالماي مالها
ودهني ايدها وريولها يوميا من تحت بزيت زيتون شويه

زين لشعر

 

[باربي برونزيه]

مشكوره حبيبتي وفعلآ شعره وايد يتشربك بس شنو سبب هالتشربك هل لاني ما امشط شعره يعني !!!!

 

[Velvet Girl]

رد : بنات ساعدوني شعر قوطتي يطيح بشكل مو طبيعي

حياتي شنو اتأكلينها ؟

 

[shayo0oma]

اي اكيد اذا ما تمشطينه اكيد بصير تكتل واذا فراغات يا عمري هذا فطريات وديه البيطري

 

[ورده حمره]

اذا شيرازيه لا توكلينها سمج ولا حليب

 

[manhattan girl]

وديها البيطري خل يشوفها و يعطيج فيتامين ضد تساقط الشعر من فترة طوييله كانت عندي قطوة و فيها نفس المشكله وديتها البيطري و عطاني دوا فيتامين حقها و ما تشوف شر

 

[باربي برونزيه]

حبيابي انتو مشكورين على ردودكم وماقصرتو فديتكم :****

 

[мššααšαα]

آذا كننتي مآ تمشطينهآ , وإذا قطوتتج شعرهآ وآجد لآزم لآزم تمشط باليوم مررتين على الاقل

وآذا كننتي تعطينها آكل بيت يعني سمج وجذذي آقطعي السمج , والحليب اذا تعطينها قلليه مرتين بالاسبوع بس

واذا مآفآد وديها البيطري يعطيج فيتامينز لهآآ

 

[AmOoNa-]

مثل ماقالو البنات
1- اذا توكلينها أكل بيت واكل مومخصص حق القطط قطعية
2- الاهتمام بالتمشيط والسباحه يقلل تساقط الشعر
3- الفيفاتيمنات الخاصه بالقطط اذا ماتفيد ان شالله ماتضر ويمكن تساعد بس موعبالج بينقطع التساقط لا

اذا انتي شايفه فيها بقع مافيها شعر احتمال تكون فطريات.. شلون شكل البقع وشكل الجلد؟
وممكن يكون مكان شعر متشابك ومامشطتيه ولا قصيتيه الجلد مايتهوا ويتكون داخله بكتيريا تسبب التهاب للجلد وهذا شي عادي مايخع ولا شي تودينه الطبيب يعطونه ابره

اهم شي لاحظي البقع قاعده تكبر ولا لا؟

واذا كان مكان البقع هذي كور شعر فعادي يمكن هذا شعر يكون طايح من الاسااس بس متكور ولازق بشعرر موطايح والحين طاح عادي جدا

 

[باربي برونزيه]

^
^
يمه خرعتيني مادري ليش @@ لا البقع مو قاعده تكبر عادي مثل ما اهي @@ و بغيت اسألج كل شكثر لازم اسبحها ؟؟؟
و يابنات انا لاحظت كذا وحده قالتلي لا تعطينه سمج ليش ما اعطيه سمج ؟؟؟؟؟ انا اعطيه تونه شنو مو زين حقه التونه ولا شنو ؟؟؟

 

[باربي برونزيه]

على جذي عيل شكله قطوتي متروسه فطريات

 

[نيــلــوفــر]

ووييييي طمنينا عليها شلووونها

 

[мššααšαα]

لآ مآيسير تعطينها توونه :s !!

آننتي روحي مركز سلطآن وآشتري لهآ درآي فود ومعلبآت لها و تأكدي آن الآكل لعمرها

وترآ كللش مو زينه آلتونه

 

[باربي برونزيه]

ليش مو زينه التونه ؟؟؟؟ @@

 

[Qـويتية]

استعملي زيت الزيتون وفيتامينات مكلمة للأكل ومشطي شعرها يوميا وإذا في كتل شيليهم ولا تحطينها بالحر والتونة مضرررررررررررررررة عطيها كل أسبوعين مرة أو بالأسبوع مرة

 

[muzooona]

رد : بنات ساعدوني شعر قوطتي يطيح بشكل مو طبيعي

السمك يساقط شعروهم ,,,لا تعطينها سمك تحذري

 

[باربي برونزيه]

مشكوووورين بنات وماقصرتو على نصايحكم :*** فديتكم والله

 

[lojeeen]

المأكولات البحريه مو زين حق القطاوه الشيرازيه لأن معدتهم اتعاني بهضمها و غير هاذا وايد دراسات طلعت انه التونا يحتوي على نسب عاليه من الزئبق فالأفضل انج تبتعدين عنها

و بالنسبه للتساقط الأفضل انج تمشطين شعر القطوه باستمرار و تفككين الخصل المتشابكه لأن يربى تحتها الفطريات لو ما تهوى الجلد

و صح ما قلتي لنا كم عمر قطوتج لأن لو كان عمرها خمس لسبع شهور هل فتره القطوه اتغير شعرها فيتساقط بغزاره و يبتدي يتكتل حيل

أما لو كانت اصغر من خمس شهور أو اكبر من ثمان شهور فاحتمال المشكله من الأكل لو وزنها خفيف اهتمي بأكلها خصوصا الدراي فود خليه على طول قبالها حتى يسمنها و اتكون صحتها زينه و بيتوقف التساقط ^^

 

[باربي برونزيه]

لاااااااا آي خمس شهور وسبع شهور قطوتي عيوووزه فديتها خخخخخ