بنات ساعدوني تطلقت للمره الثالثه

[Freakya]

حبيبتي انتي الحين متعبة نفسج ومنزلة موضوع، مو كاتبة شنو هي مشكلتج بالضبط، شنو تبينا نسوي، بس نواسيج؟ قولي لنا الموضوع بالضبط عشان نعرف نساعدج..

 

[كويتية بروما]

والله زواج مو مرافجه ولا مواعده شي بالحلال خل الناس تولي والله يعوضج

 

[رانيا6]

الله يسهلج امرج حياتي وكل شي مكتوب

 

[مقلعة]

الله يسعدك

 

[غـرامـي أنـت]

حبيبتي الزواج قسمه ونصيب

وان شاءالله الله يرزقج باللي احسن منهم

 

[Tom ♥ Jerry]

,



لا حول و لا قوة الا بالله !
حبيبتي حطي بآلج على عيالج .. و آهم شي لا تخلينهم يتأثرون !

اذا مو مكمله دراستج كمليها .. عمرج 22 سنه
سوي شي مفيد بحيآتج


الله يعينج :*

 

[ام الحلوااات]

اللــــه يـــصــبــــرج

 

[ديانا سبنسر]

اب اب

 

[Smchoocha]

توج صغيرة اهتمي بنفسج و بعيالج و الله يوفقج

 

[مطلقه وأفتخر]

عادي لا انتي اول ولا اخر وحده اعرف متزوجين اكثر من مره وتطلقوا اكثر الموضوع يرجع للقسمه والنصيب


وهذي ارزاق من الله المهم انتي وقناعتج
صج انه ابغض الحلال لكنه حلااال محد يقدر يناقشج فيه

 

[فتافيت.]

واذا يعني

حياتي الطلاق صار عندنا بالكويت مثل مرض السكر

بكل البيوت

 

[نبض قلبي M]

الله يعينج




تحيتي

 

[كليـ دلعـ]

ناتششوو


انا راده ع هالموضووع

وين ردي. مولاقيته؟؟؟؟؟؟؟؟

 

[جذابه بنت ذيابه]

خيره لج

نصيحه كملي دراستج وتوظفي وعيشي حياتج لعيالج لين يجي لج نصيبج
ولاتنسين الدعااء

 

[برنسس كاتي]

شتسوين بعد
هذا نصيبج ولازم ترضين فيه
لو تركض ركض الوحوش غير رزقك ما تحوش
الحين الي عليك هدي شوي وعيدي ترتيب حياتك
ونظمي امور أطفالك والحظانة بعدين لو ما كنتي تدرسين درسي
ولو دارسة توظفي
وان شاءالله يجيج النصيب كثثثثثثثير حريم يتزوجون ويتطلقون اكثر من مره
وما شاء الله شكله خطابج كثار على رغم من انك مطلقة اكثر من مره
وبالتوفيق

 

[Patcholli]

الزواج مو كلشي بالدنيا واكبر غلط ان الوحده تخلي الريل اهو كل محور حياتها وتتنازل عن باجي الاساسيات اللي بالحياة والي تحتاجها كأنسانه ..!!

 

[شموخ ممطير]

الله يجزاكم خير يابنات وربي خايفه من كلام الناس اذا هم اهلي مارحموني وش اقول بالناس

 

[Patcholli]

حبيبتي وليش تخافين من كلام الناس ؟ الناس مو مخلين احد بحاله لا زين ولا شين
اخذي كلام اكبر واحد رقعيه باكبر طوفه وعيشي حياتج وارتاحي واستانسي .!!!
اذا بتظلين تسمعين كلام الناس عمرج ماراح تتقدمين ولا راح ترتاحين ..!!
والناس بيتكلمون ويقطون كلمه كلمتين ويردون بيوتهم يحطون راسهم وينامون وينسون سالفتج وانتي بتظلين تاكلين بعمرج وتحرقين اعصابج
لا حياتي غلطانه اتعلمي انج تطنشين وتظحكين وتقهرينهم بابتسامتج
لاتبينيلهم انج منكسره او حزينه حتى لو كنتي فعلا جذي اهما مالهم شغل فيج
جابلي عيالج وربيهم وكملي دراستج وجابلي وظيفتج وامني مستقبلج حياتي الزواج والطلاق هذا شي خاص فيج انتي انتي الوحيده الي تتحكمين فيه وكلام الناس لا يجدم ولا ياخر ماغير عوار القلب اذا عطيتيهم اكبر من حجمهم ..
الناس وصلوا المريخ واحنا اهني ليلحين نسولف لانه تزوجت وفلانه تطلقت وهاذي احلى من ريلها وهاذي متينه وهاذي ظعيفه وهاذي عانس
لاتعيشين روحج بجاهليتهم وتخلفهم تحرري من هالتقاليد الي تدفنج وانتي عايشه

 

[سميتكـ _ غلاي]

الله يعوضك خير
الزمي الإستغفار والصدقه والدعاء
الله يخليلك عيالك ويرزقك برهم

 

[اميره^_^بحلآها]

الله يفرج هـمج