بنات ساعدوني اول مره اروح جم تكلف الرحله لماليزيا

[حبي نانو]

بنات بسال اللي عندها خبره ورايحه من قبل جم تكلفني سفرة لماليزيا بس بكوالمبور وبينتج من مطاعم وتمشي من غير التذاكر والفندق لمدة 10 ايام

 

[حبي نانو]

بنات نسيت اقول بس لشخصين التكلفه

 

[كوكا كولا]

مادري انا مثلج بعد اول مره اروح
بس حجزت وخلصت كل شي بس معانا مصاريف التكاسي والأكل والتسوق والترفيه

حجزنا على القطرية بس من شهر 3 التذكره كانت 205 دينار الحين 270 دينار
احنا بس كوالالمبور ولنكاوي السكن + الطيران الداخلي كله كلفنا 500 دينار
حجزنا في كوالالمبور فندق سويس جاردن 4 نجوم وفي لنكاوي منتجع بيلانقي بيتش

انا معاي 800 دينار حق التسوق وزوجي مادري جم بياخذ للحين بس اتوقع 1000 دينار

ان شاء الله اكون افدتج بهالمعلومات

 

[كراميلو]

والله احنا كلفتنا
التذاكر ع القطريه 9600ريال سعودي لان حجزنا متاخر
والفنادق كلفتنا 8000ريال سعودي
وفنادقنا
سلانجور الخيول الذهبيه
لنكاوي البيوبيتش شيراتون
بينق الفلامنقو
جنتق فرست وورلد
كوالا دورسيت ريجنسي
وناوين نحول قبل لانطلع لماليزيا5000ريال الى الرنقت
وحاطين بالفيزا احتياط مبلغ بعملتنا

ودي لك:eh_s(7):

 

[حبي نانو]

مشكورات حبيباتي خواتي كوكا كولا وكارميلو على الرد

 

[كوكا كولا]

حياج ياحياتي
انا باقي على سفرتي أسبوعين وجم يوم
واحتمال هاليومين نحول الفلوس لعملتهم الرنجت
لأن نازل وفرصه كل يوم نتابع ارتفاع ونزول العمله

 

[نـازك الملائكة]

راح تكفيك ثمانية الآلاف ريال سعودي وبالراحة وبتزيد بعد إذا كان بس مطاعم وترفيه

 

[نياره]

اب اب

 

[حبي نانو]

مشكورين على الردود حبيبا تي الله يوفقكم

 

[احساس نادر]

و انا بعد مثلج اول مره بس بعرف جم تكلف التذاكر والطيران الداخلي ؟؟؟؟؟؟
اتمنا البنات يفيدونا

 

[حبي نانو]

بنات عفيه اللي راحوا هالسنه فيدونا شدعوه مافي وحده راحت هالسنه:eh_s(16):

 

[عبيرالحب]

ماليزيا
بالنسبة للمصاريف نقدر نقول ٤٠٠ دينار تكفيكم عشر ايام واحتمال يزود بعد لانكم شخصين وهي دولة
اسعارها متوسطة مو غالية ولا ارخيصة طبعاً من تكاسي واكل وتذاكر العاب
بالنسبة للسوق ما اقدر احدد لانه يعتمد على الشخص اذا رايحة يتمشى او يتسوق اخذي المبلغ اللي تقدرين علية لانة اغلب السوق نفس الماركات اللي بسوقنا
والسعر واحد باختلاف العملات

 

[كوكا كولا]

احساس نادر

الحين التذكرة على القطرية 270 دينار وعلى الأماراتية 300 دينار هذا اذا مازاد سعرها بعد اكثر
والطيران الداخلي كلفنا للشخص على اير آسيا 40 دينار تقريباً

 

[كوكا كولا]

حبي نانو

انتي متى ناوية تروحين؟؟؟؟ أهم شي حددي متى علشان اعلمج منو راح تكون راده قبل لا تسافرين وتفيدج
لأن في بتجمعنا مسافرات ماليزيا لصيف 2012م معانا وحده بتسافر عقب يومين
وانا سفرتي عقبها بأسبوع بإذن الله
بس بخاطرج فيه سألي البنات هناك ويفيدونج

 

[كراميلو]

40دينار كم يساوي سعووودي؟؟؟

 

[حبي نانو]

عبير الحب مشكوره يالغاليه على ردج
كوكا انا رايحه شهر 7 ان شاء الله ترا ناطره تقريرج لاني نفس الاماكن بروحلها
كارميلو 40 دينار تقريبا 530 ريال

 

[كراميلو]

يسلمووو يالغلا

 

[انوتاا]

مرحبا

 

[mafio98]

من ناحية الاكل والتكاسي وااااايد رخيصة تقريبا بيكلفج يوميا ٣٠ دينار اذا مو اكثر شوي اما اذا رحلات وحدايق وسينمات فهذي نفس اسعارنا تقريبا ويمكن اغلى شوي فاعتقد ١٠٠٠ بتكفيج ١٠ ايام ويمكن مع تسوق خفيفاما اذا بتسوقين عدل يبي لج ضعف هالمبلغ مع ان ماشوف شي مميز عندهم

 

[حبي نانو]

مشكوره يالغاليه ع الرد