بنات ساعدوني انا عروس وابي عبي كشخه

[3boor-q8]

مرحبا بنوتات
شلونكم ؟؟؟

بنات انا ببدي بالموضوع على طول

ابي مسااعدتكم ابي عبي كشخه وذربه حق مسايير وعزايم
انا عروس وعرسي قرب والله مووعارفه وين اروح وين اماكن العبي الكشخه
ابي شغل ذرب وغريب
يعني ارقام حريم وهالسوالف

اممم :bbbiu:ابي يعني لادخلت الكل ينجن على عباايتي اي يعني شي شي

فديتكم ناطرتكم

 

[ابتسامه فورايفر]

رفع لعينونج

 

[amoraa-q8]

انا شفت محل عجبني بالفروانيه اسم المحل

الرزه بمجمع مبارك الصيفي بالدور الارضي ، ان شاء الله باخذ منه حلوين حق العرايس

 

[^اخت القمر^]

اتيليه ( دار الـعــرب )
للعبايات الفخمة والراقية والغريبة

عرض عبايات العرايس راح يكون اليوم بسسس



تويتر abaya_raza


المشغل 50578752​

 

[زبــــــــدة]

انا خلص عرسي وماشريت عبي خخخخخ

بروح ان شاء الله الفروانية ...يقولون عبيهم واااو

 

[Q 8 Y A t]

مري على المغاتير بالفروانية
زوغه واللي حولها الطابق الاول

الصيفي بلاس بالفروانية

 

[سندس 90]

اب اب

 

[لآلئ وردية]

و الله ما عنـدي فكره عن اللي بالكويـت

ان شاءالله الخوات يساعدونج

بس اذا في فرصه و رحتي السعودية

اشتري من هناك

عندهم شغلات حلوه

^_^

 

[3boor-q8]

فديتكم مرسي ماااقصرتوا

 

[مانسيته]

الخبرررر وبسسسسس وربي عبيهم زووغه شارع سويكت بالتحديد
انا كنت حاطه في بالي اخذ 3 بس من شفتهم انهبلت عليهمم اخذت 6 والله كششخه ورررزه
امممممممم اذا بالكويت في محل بالكوت شفت فيه نفس الي بالخبر تقريبا بس اغلىى وماني ذاكره اسمه والله
اهو فووق وعندج حناين بالبيرق
واتمنى اكون فدتج

 

[انا نفسي تحب]

حبيبتي عندج مجمع الخيمه بالفروانيه قبال الجمعيه في كذا محل ذرب وحلو شغلهم

 

[<miss botamba>]

توني شايفه عبايه اتينن بالدوحه وطريقتها سهله

بس الشغل عالجم


كلفه دانتيل الثقيل و شريط مخمل وستراس اسود


يكون كلفه شريطه كلفه والفراغات املينها الستراس


سويها بنفسج عند ملوت العبي بالفروانيه ماتكلفج حتى 25 دينار

 

[bobo lover]

روحي للخبر
ذربين وايد وشغلهم حلو بس لبسي نقاب سعودي عشان لا يقصون عليج وانسي تقولين "جم" قولي كم وخلي نفسج سعودية وكاسريهم لانهم حرامية واحلى شي عندج بفينيسيا محلين او 3 يم بعض بس صراحة حرامية واسعارهم اغلى من اللي بسويكت

وبالكويت عندج مجمع البيرق فيه محل الحلوة عبيه روووعة والشغل حلو بس مو رخيص... يعني من 50 وطالع
ومحل بيت حناين يهبل بس بعد غالي مو رخيص وفي القطان باالمغاتير حلو. هذول احلى شي والباجي اكس

 

[&موناليزا&]

عزيزتي رفع لعيووووووووونج

 

[توته وزيتونه]

اب اب
بنات نبي شغل حريم يكون غريب ومافي منه بالسوق

 

[BeNt PaRiS]

حبيبتي عندج حراير و شادو و الحلوه و الفيصليه


موفقه

 

[LOLO777]

مجمع البيرق

 

[القرآن ربيع قلبي]

@abaya_alhawdaj

 

[قطوة@@]

فووق

 

[Mjnont '3lay]

والله انا افصل بالعربيد والدبوس فحيحيل بس ما افصل غير جذي ليش ؟؟
لاني اروح هناك وارسم التصميم اللي انا ابيه واقولها الكلف اللي انا ابيهم مع اللون مع المقاسات وتسوي لي
يعني ما اخذ التصميم اللي بالمحل لا انا اصمم من راسي وارسمه لها واهيا تسويه لي وماشاءالله تضبطه لي بعد
وكل عباياتي مميزه ومافي منها وهم رخيصه لاني كله البس عبايات من تصميمي ما البس المعروض بالمحل ما احب
يعني نصيحه لا تروحين تقطين 100 وفوق على عبايه والله العظيم فسق وحرام
روحي العربيد والدبوس ورسمي التصميم اللي تبين واهيا تضبطه لج وتسويه ومايجي سعره 25 دينار بعد
وبالتوفيق يالغاليه
واذا فيه كلف ببالج وما لقيتيه عندها انتي اشتري الكلف واهيا تركبه لج عالعبايه وتطلع العبايه وااااو جربي وشوفي