بنات ساعدونى وحلوا مشكلتى

[مزيونه وشقره]

السلام عليكم ورحمه الله وبركاته


وعليكم السلام ورحمة الله وبركاته


مشاكلى بشرتى سلوليت اللى زى قشر البرتقال وتشققات وترهلات يعنى جسمى مو مشدود

اذا جسمج مو مشدود معناته ان يبيلج رياضه لو خفيفه مشي وحركه يوميا والتشققات مع العنايه والترطيب والسنرفات تخف وايد وعن تجربه وكثريييي شرب ماي

عدم توحد لون يعنى فى كل مكان تشوفين لون اغمق من لون
اسمرار فى مفاصل يدى والركب
ومشكلتى معقدتنى فى حياتى اللى هى شعر تحت الجلد مع وجود مسامات كبيره مكان تواجدها فى الارداف والساق عقدتنى اتفشل لمن البس قصير
ابى خلطه طبيعيه مجربه ومضمونه وحتى لو تركتها ماترجعنى سمرا زى اول
وخلطه سنفره استخدمها مع كل استحمام
وبعدها احط الخلطه اللى تحل مشاكلى اللى تنصحونى فيها
مخى دااخ من خلطات المنتدى ماشاء الله كثيره وكلها حلووه احترت استخدم ايش واخلى ايش
قلت مالى غنى عنكم اكتب موضوع واستيشركم فيه
ملكتى بتكون بنهايه عيد الفطر وابا اهتم بنفسي
يعنى اللى بترد تقولى السنفره كدا مكوناتها واستخدامها وبعد السنفره حطى هالخلطه وكدا استخدمها
عشان مااتلخبط
والله انى متضاااااايقه ماخليت ولا عياده مارحتلها بس وقت العلاج افتح ولمن اتركه ارجع زى اول
قلت الخلطات الطبيعيه افضل وانسب بما انكم تفهموا فى هالمجااال البشره والعنايه فيها

لاتخذلونى:eh_s(11):


هالمشكله سهله ان شاءالله السمار والشعر تحت الجلد راح ينحل مع البرنامج اللي راح اسويه لج ان شاءالله و بس يبيلج عنايه يوميه يعني مو تهتمين يوم وتتركين روحج يومين ثلاث لا نبي نبتدي عنايه يوميا من هاليوم ان شاءالله

يوميا ؛ تسبحي بماي دافي واستخدمي الصابونيه وعقبها سنفره المشمش او سنفره كاب (يوم استخدمي المشمش ويوم كاب) السنفره مهمه للقشير وشعر تحت الجلد
تفركي بالصابونيه لحد ماتتكون عليج طبقه بيضه منها وخليها عليج ثلاث الى 5 دقايق وبعدين تفركي بليفه بودي شوب القلافز مع اشويه ماي دافي وعقب غسلي بماي دافي ووزعي السنفره على جسمج وفركيها بحركات دائريه وخليها المده اللي تقدرين من 3 الى 5 دقايق وبعدين فركيها بعد بحركات دائريه وعلى شكل تدليك وركزي على اماكن السمار والخشونه والسلولوليت والشعر تحت الجلد

وعقب غسلي بماي فاتر عدل وتنشفي وحطي لوشن فير اند وايت في لوشن لونه كحلي كبير من هالماركه وايد حلو

واذا تبين خلطات افضل شوفي هالخلطتين روووعه رووووعه
اختار وحده منهم وحطيهم عقب السبوح
http://www.q8yat.com/t736530.html
http://www.q8yat.com/t720479.html
او ان تخلص وحده وتبتدي بثانيه

ومرتين بالاسبوع طبقي هالرابط
http://www.q8yat.com/t49461.html

وكل عشر ايام طبقي هالحمام مغربي

http://www.q8yat.com/t909210.html

​

واذا تبين عنااايه اكثر واكثر خلي سبوحج وعنايتج كل يوم الصبح وبليل قبل النوم تدهني بزيوت مثل زيت اللوز المر + الجلسرين


واتمنى الفايده لج وتلاقين نتيجه تعجبج استمري وتلاقين نتايج ترضيج باذن الله

 

[Fajory]

شوفي احسن شي للشعر تحت الجلد اهوا الليزر ماكو اي حل ثاني
انا ماخليت شي ماجربته والحل كان الليزر
بالنسبه للتفتيح لازم عنايه يوميه شوفي قسم العنايه بالبشره راح تستفيدين

 

[عاشقه الراقى]

الله يريح بالك اخت مزيونه وشقره
منتجات فير اند وايت ماهى متوفره عندنا فى جده

 

[ديمــــــــــه]

مبروك ان شاء الله

ومثل ماقالت لك مزيونه اهم شي الاستمرار اذا تبين نتيجه

بالتوفيق يارب

 

[Tom ♥ Jerry]

,


آنصحج بـ خلطه أنل لـ مفعول سريع و بتلاحظين بـ أسبوع بس .،
كل يوم استعمليها قبل لا تتنآمين حطيها على جسمج .،
و غسليها لمآ تقعدين من النوم

عصير 4 ليمونآت
1 كريم جوليسيد الأحمر
2 قرص فيتامين سي الفوار
1 فنجآن زيت اللوز المر

و هاذي صورة وحده استخدمت الخلطه و بعدها شوفي شصار فيها
( الصورة للـ عضوة anl )

.

 

[Tom ♥ Jerry]

,


و بالنسبه لـ شد ترهلات الجسم .،
حبييبتي مآكو شي آحسن من الرياااضه و المشي و خففي آكل شوي .،
و عندج قشر القهوة وآيد رآح يسآعدج على الشد ،
تلقينه بالحواي ,، شربي كل يوم مطآره المطآره فيها قفشتين من قشر القهوة المطحون .,،

آمممممممممم حق ويهج حطي كل يوم قبل لا تنآمين فآزلين .،
و على رموشج بعد حطي فآزلين وآيد حلوو حق الفآزلين .، :****

حق ريلج حطي كل يوم فآزلين و فكس و لبسي دلاااق ،
آممم بعد شنوووو شعرج حطي حنه مره بالاسبوع و مرتين بالاسبوع حطي زيوت ( الهنديه وآيد حلوة )
عندج " نآرجيل / آملا / جوز الهند "

 

[Tom ♥ Jerry]

,

و لاتنسين تسوين لج خلطه صابونيه سواء من اي عضوة من الي ذكرتي اسمهم
ماشالله كلهم حلوين و كل وحده تقول الزود عندي .،

السنفره آهم شي لا تنسينهآ عقب الـ الخلطه الصابونيه !
و آهم شي الترطططططططططططططططططططيب ، رطبي جسمج على طول
و آيدج .، رطبيها على طول .،
سوي خلطه دآهيه المطير حطيها كل يوم قبل لا تنآمين حق ايدج
عجيييييييبه توحد لون المفاصل مع الاستمرار .،
و آيدج رطبيها كل ساعه .، و بتلاحظين فرق .،
و عندج هم الليمون وآيد حلووو حق السمار المفاصل !

ولا تنسين الحمام المغربي كل اسبوع مره عشان توحدين لون جسمج ،

 

[ام عبد العزيز م]

موفقه

 

[عاشقه الراقى]

رفــــــــــــــــــــــــــــــــــــــــــــــــــــــــــــــــــــــــع

 

[غناااتي]

شوفي اهم شي
1/الخلطه الصابونيه
2/الزيوت دهني جسمك كل يوم قبل النوم بزيوت ونامي فيهم (انا اسوي خلطة والله روعه حق الجسم بياآاض ولمعه/زيت زيتون وزيت جلسرين وزيت اللوز المر وزيت الليمون وضيفي عليها ملح رووووعه)
3/ملح الحليب او ملح البابايا يبييض والله عن تجربه خايها يوم سنفره ويوم ملح الحليب
ولاتنسين الترطيب والحمام المغربي اهم شي
اي وبعد شوفيلك كريم خاص للخطوط وهذا اتمنى البنات يفيدونك فيه

 

[عاشقه الراقى]

الله يسعدكم يااااارب وكل وحده ردت عليا ربى ان شاء الله يحقق اللى فى بالها