بنات زوجي ما يبيني انام عند اهلي امانة ساعدوني وشلون اقنعة واسمع كلام منو

[الجارحـــــة**]

حياتي انا نفس حالتج بالضبط
صارلي خمس سنين متزوجه وعندي 3 اطفال

مستحيل يخليني انام عند اهلي

حتى في بجري كنت اتنسى وانام بالمستشفى يومين وثلاث ولما اطلع يوديني الشقه

عادي اول الايام بجيت بس قالت لي امي كلمه(( لي تفارقت المخاد تفارقت المواد))

يعني اذا فارقتييه ونمتي فبيت اهلج يتعود على فراقج

خليج عنده احسن عشان يتعلق فيج اكثر

 

[بمبة المفترسة]

مادام بتنامين عند اهلج ليش متزوجة ؟؟؟؟
وهذا انتي صار لج 3 شهور وماتبينه شلون بعد 20 سنة
وامج وابوج مو بكيفهم خلاص شوورج صار عند زوجج مو عندهم ودام يبونج ليش زوجووج جان خلوج عندهم
صراحة انتو بلشة انت تزوجتوا بتنامون ببيت اهاليكم وان ماتزوجتوا قلتوا نبي نتزوج
ولاتطيعين اهلج وتدخلينهم في اموورج ترى باجر لاتزوج عليج ولا طلقج اول ناس بتعايرج اهم
خلاص قالج لاتنامين يعني لاتنامين والريال توه متزوج مايمديه خليه يستانس لاتدوخين راسه على امر مايسوى

 

[فازلين]

وي نامي عنده نامي الزقي فيه
ليش تخلينه ؟ اهلج الحمدلله بيشوفونج ومو مانعج منهم واهو قالج بنفسه اوديج اول النهار واخذج بالليل
اصلا هذي احسن صفه
ان شاءالله الله يرزقني باللي يقولي ماستغنى عنج ولاتنامين عند اهلج لووووول

 

[أم راشد المطيري]

مشكووورين بنات على هالردود

بنات بس انا حريم اخواني ينامون عند ازواجهم ليش بس انا

 

[جوزائيه مغروره]

مشكووورين بنات على هالردود

بنات بس انا حريم اخواني ينامون عند ازواجهم ليش بس انا

وانتي شكو بحريم اخوانج؟

حريم اخوانك تطلقوا

راح تتطلقين بعد؟

حريم اخوانج خانوا رياييلهم

بتخونين ريلج؟؟

حريم اخوانج تطاققوا مع رياييلهم ووصلت سالفتهم للمخفر

راح تطقين ريلج ويطقج وتوصلون السالفه المخفر؟؟

مااعليج من احد وخلج بنفسج واعتقد عندج عقل براسج وتعرفين تفكرين

 

[o0om_7amo0od]

يمكن الريال ما يقدر يستغنى عنج
ليش بتحرمينه منج
واذا على اهلج قوليلهم عن طبع ريلج وانج ما تقدرين تعصينه

 

[باربية الكوووويت]

انا مع اختي لولو البحرين بكل كلمه قالتها حبووبه لا تهدين ريلج ابدا

 

[عاشقة الكاكاو]

مادام بتنامين عند اهلج ليش متزوجة ؟؟؟؟
وهذا انتي صار لج 3 شهور وماتبينه شلون بعد 20 سنة
وامج وابوج مو بكيفهم خلاص شوورج صار عند زوجج مو عندهم ودام يبونج ليش زوجووج جان خلوج عندهم
صراحة انتو بلشة انت تزوجتوا بتنامون ببيت اهاليكم وان ماتزوجتوا قلتوا نبي نتزوج
ولاتطيعين اهلج وتدخلينهم في اموورج ترى باجر لاتزوج عليج ولا طلقج اول ناس بتعايرج اهم
خلاص قالج لاتنامين يعني لاتنامين والريال توه متزوج مايمديه خليه يستانس لاتدوخين راسه على امر مايسوى

هههههههههههههههههههههههههههههه يااربي هالبنت عسل

صح كلاامج حبيبتي

والله انا لو اتزوج ما افكر انام عند امي الا وقت الاربعيين

لان الرياال ما ينترك برووحه

كلاامج صح بمبه وعييييييين العقل

حبيبتي ماله داعي تنامين في بيت اهلج جابلي بيتج وزوجج

توج عروووس

 

[المستقيمه]

ياحلوه توج عروس

استانسي انتي وياه

باجر العيالي بينسونج ايام الخلوه والراحه

بعدين ترا كلهم اول الزواج مايرضون بعدين صدقيني يهون من كيفه لاتصعبين الامور

لحظه لحظه

يمكن مشتاقلج ويبيج يمه بس مايبي يبينلج​

 

[غنج اهلها]

شنو تنامين عند اهلج وانتي لج 3 شهور ؟؟

وليش يزعلون اهلج اذا جذية ليش زوجوج المفروض يقتنعنون انج خلاص

هذا نصيبج ولازم تطعين زوجج اذا خلاج بكيفة زين ماخلاج براحتة

والله يهديهم

 

[در الـبحـور]

السلام عليكم

حبيبتي طيعي زوجج تراه جنتج و نارج و إذا عالوالدة يا عمري ليش تبجي دقي عليها و سولفي معاها

و إنتي في بيتج و لا عزميها عندج لمن زوجج يروح شفته للدوام و لا روحي مثل ما قال من النهار و رجعي بالليل المهم

تنامين في بيتج و أكيد أمج تبي لج الخير حبيبتي و قوليلها يمه طاعة الزوج واجبة هو جنتي و ناري يمه تبينه ياخذ عني فكرة

إني عنيدة و أمشي كلمتي عليه و خصوصا إحنا تونا متزوجين

يعني بالكلمة الطيبة كلمي أمج الله يحفظها

و عسى ربي يوفقج مع زوجج و أهلج يا الغالية

و بالنسبة لحريم إخوانج نصيحة لكل متزوجة ((( لا تطالعون حياة غيركم و خلج قنوعة ترى القناعة كنز لا يفنى )))

 

[dalal]

اول شي الله يوفقج ويهنيج يا حبيبتي

ثانيا منووو قالج كل بنات الكويت ينامون عند اهاليهم !!!!!!!!!!!!

عيــل بالله ليش متزوجين ؟؟؟ انا مستغربه من هالتصرف !

لازم تستانسين انه يبيج على طوول وياه ومايبي تفارقينه !!

تعوذي من ابليس وخلج مع ريلج... فقير كافي انه يوديج كل يوم لهم ..اهي واقفه على النومه ؟؟

سمعي كلام ريلج يا قلبي وماكو اهل يزعلون من بنتهم الي تبي رضى زوجها

 

[نــعــوومــه]

اسمعي كلام زوجج يابنت.......

 

[بمبة المفترسة]

انتي شعليج من حريم اخوانج
وبعدين هم من متى متزوجين ؟؟؟
انتي توج عروس يابنية افهمي الريال توه ماشاف دنياا الله يهدااج يبي حقوقه الشرعية
انا استغرب ما تشتاقين له؟؟!!!!
اول الزواج يكونون الزوجين ميتين ببعض مايرضون يفارقون بعض والله غريبة انتي !!!!!!!

 

[عبق البنفسج]

مادري أختي بس أحس ماله داعي تنامين بيت أهلج .. خلاص انتي تزوجتي وبيت ريلج هو البيت الي لازم تنامين فيه ..

 

[ناتشوو]

ام سكوت مشكلتج ماتدرين شنو تبين شنو ماتبين
لو قايل لج نامي عند اهلج
جان قلتي
ادعولي ربي يسخر لي زوجي
وعطوني مسجات تخليه ياخذني ويجيني ركض من الديوانية
وبعدين انا ضد النوم عند الاهل
اللي يتحول شي روتيني كل ويك اند لازم عند الاهل
ومنو قال امج ولا ابوج بيزعلون
اهم شي يبونج مستقرة مع زوجج ونايمة مرتاحة
مايهم نمتي عندهم ولا لأ
ولازم تتعودين وتعودينه نهاية الاسبوع خاص فيكم يكون لج حق بوقته وعطلته
لأن اذا تعود بالعطلة كله تمشي مع الربع
صعب عقب جم سنة تجين تغيرينه
وتقولين له طلعني مع العيال - على خير

 

[داريني]

حبيبتي اصلا خلاص مو معدله تنامين ابيت اهلج الا حق الظروف ولا فيه سبب
وبعد يومين!!!
خلاص انتي عندج ريل له حق عليج اكثر من امج وابوج وانتي فاهمه قصدي
وامج وابوج فهميهم بطريقه انج اتمونين عليهم ولازم يقدرون طبع ريلج ولا تخرب حياتج اذا عاندتيه

وبعدين لما تنامين في بيت اهلج راح تتمادين اكثر وتقولين بعد شرايك اسكن عندهم

طيعيني لا تخربين بيتج
ولا تعطينه مجال يقص عليه ابليس
انا ما نمت الا بالنفاس واذا ريلي سافر ولا ظروف يعني

والحمدالله من صبح لي بالليل كافي

 

[حنين القمر]

حبيبتي مافي مشكله

توج عروس مايستغني عنج

نطري عليه بعد كم شهر


وبيخليج على كيفج


بس لحين لاتسوينها مشكله معاه


واهلج اكيد يبون سعادتج

 

[moone GRL]

انزين دام دوامه شفتات ليش ما يوديج اهلج اذا دوامه ليل .. شتسوين بالله تحرسين البيت

حاولي تقترحين عليه هالاقتراح شوفي شيقولج ..


بعدين شفيكم بنات قبيتوا عليها يوم ولا ثنين ماراح يسوون شي شدعوه كل هذا ما يقدر على فرقاها الله يخليهم لبعض بس لو اني مكانها بتضايق لازم انام عندهم لو ليله بالاسبوع لانه بيتنا خواتي كلهم يجتعون وينامون ببيت اهلي بالويك اند يعني ونااسة

بس بعض الرياجيل مادري شلون تفكيرهم .. رفيجتي زوجها مانعها تنام عند اهلها او تطلع معاهم اي مكان يحسب لها ساعتين او 3 بالكثير عند اهلها .. شي يبط الجبد صراحه هو على كيفه يروح ويجي والمره محرومه من ابسط حقوقها

 

[كويتيه شقره]

حمدلله وشكر اسمحيلي علي الكلمه
بس شنو تناامين عند اهلج وانتي توج عروسسسسسسس
يبه اصلا شلون اهلج يرضوون؟
اصلا عيب؟؟
وبعدييين انا ماانمت عند اهلي الا لماا كملت السنه ونص من زواااجي
واصلا مااحب اناام برا بيتي
مابي زوجي يتعوود
نصيحه لاتخلييينه بعدين يتعوود