بنات ريايلكم يسون جذي معاكم ؟؟؟؟؟؟ صور

[اليوم السابع]

رابع صوره ذكرني بزوج مرايم في درس خصوصي لما كان ماسك مخمة الكهرباء وينظف الغنفه واهي تصارخ عليه تقوله سكرها ماني قادره اسمع بالتليفون ،،،،،،،اما اذا كان زوجي يعاملني جذيه على طول بصراحه راح احس بخنقه ما الوم الرياييل اذا طفشوا من حريمهم

 

[ميمي..]

رد: رد : بنات ريايلكم يسون جذي معاكم ؟؟؟؟؟؟ صور

بنات قولو لا اله الا الله بالاول

اي كان ريلي يسوي لي هالشي كله ..يمسك ايدي بالسياره ..وانا بحكم دراستي يقول عفيه حبيبتي اطلعج تشمين جو لان بيتنا كان قريب من البحر..وكان يجهز ساعات الاكل عني ..ويقص عني وينظف عني ..وانا حضرتي دراستي وبس قولو ما شالله لا تصكوني عين ..ومره موقفه سيارتي بالدوام ..ولمن رديت لقيت ورده وفيها جوكلت وكاتب فيها لحبيبتي الغاليه
والله ايام

بس الله ما راد نكمل ويا بعض وانفصلنا

الله يرزقه

حييييييل تضحكين على فكره
خايفه من العين وقولوا ماشالله لاتصكوني عين
ليش حبيبتي انتوا انفصلتوا خايفه من شنو

 

[سفيرة المحبه]

حبيب قلبي فديته كل الرومانسيه فيه :rgewrg:


يعني يسوي كل الصور بس مايمسك ايدي تحوشه حساسيه بعدعمري

ومايطبخ شنو يطبخ ويخم البيت عيل ليه ماخذني:gr4uu:

وما ياخذ اليهال خلقه ضيج حبيبي مايتمل

ومايعرف الهمس بالاذن والكلمات الرقيقه يخاف علي لو يسوي لي جذيه بطب ساكته

والورد وما ادراك مالورد امنيتي امنيت حياتي اشوفه جايبلي ورده لو ذابله بس مشغول نظر عيني معذور -----------الله يخلف بالجنه ان شاءالله

 

[noor el q8]

اللي قالت انه ريلها يسويلها هالسوالف عليها بالعافيه و تحمد ربها وتبوس ايدها ظهر وبطن

انا بس ايام الملجه لا وحتى ماتم ايدي بيده الا و رن تلفونه و قط ايدي و نساها اما بعد الزواج

انسي الفكره

 

[منى قلبها ابيض]

نص ونص

 

[دلع العتبان]

اب اب

 

[• JoJo •]

الله وناااسة ياليت كل الرجال كذا

 

[~Unreachable]

لي الحين ماجربت الجد

فترة الملجه مو مقياس

 

[ام ناصر 2009]

هههههههههههه ياحلو صور

 

[سنااااي]

الحمدلله كلهخ يسويهم بس الليله الرومانسيه .....المسجات والطبخ لمن اكون تعبانه ويساعدني في البيت وعلى بنتي....اللي يتمم علي بخير......

 

[ANGEL CAT]

مو كل الصور بس الحمدلله يسوي

 

[Sugar cube]

الحمدلله في اشياء يسويها و في اشياء لا



يسلمووو حبيبتي

 

[SWiiiRZ]

لووول
الريال يشد حيله بس اول ايام الزواج بعدها يفقد الذاكره هههههه
بس تبين الصج في اشياء ريلي يسويها لازم اتاكد من جنسيته اخاف هندي لان اسمر ههههه​

 

[KOKO_284I]

لووووووووووووووووووووووووووووووووول ليش شباب الديره طايحين من عينكم

 

[عيد حبها الازرق]

http://img102.herosh.com/2011/03/11/19523473.jpg




اذكر هذا الشى الى سوالى اياه :eh_s(7):

 

[المسكـ]

امممممممممممم
يسوي 80 / من هالشغلات
طبعا مستحيل يجابل ولده بس عادي يطبخ ويغسل وانا ما ارضاها له حبيبي الله يخليه لي ولايحرمني منه
وريلج على ما تعودينه قلبي

 

[روزماري]

آي عــآآدي يسويهـآ ليش ظآلمينهم لوووووووول
بلعكس احس شباب هالوقت صاروو يحبون هالسوالف اللي الاحظه مآشالله زوجي اخوآني ازواج رفيجآتي يعني الكـل أتوقع

 

[ام الحوراء زينب]

الحمدلله ماشاءالله على ريلي كل شي يسويلي ومو مقصر بس اليهال للحين ماعندنا بس من الحين واهو بطني مدلعه لووول
وسالفة الورد لا ماييب

 

[الزيـــــ^^ـــــن]

مسكه الأيد يمسك
يشتري ورد ولامره سواها
هديه المناسبات يذكرها
يساعدني بشغل البيت لا ولايطبخ
بس اذا طلبته مايردني
الله يخلينا لبعض ويرزقنا الذريه الصالحه

 

[Om.SoSo]

فديته بعد عمري كل شي يسووويه الا التنظيف و الليله الرومانسيه هذي علي
ياااربي مشتاقتله