بنات ريايلكم يسون جذي معاكم ؟؟؟؟؟؟ صور

[ZoOoz2]

اممممممممممممممممممم مايسوي بس مع هذا احبه يعني كافي عندي انه يحبني ويموت علي ومحترمني ومقدرني ويلبي طلباتي بس والله يعني قاعده اعلمه الحين على هالسوالف وتعبت وانا اعلم بس يالله توه بادي يحفظ الدرس​

 

[حـنـيـن 83]

رد : بنات ريايلكم يسون جذي معاكم ؟؟؟؟؟؟ صور

الحمدالله يسوي اشياء
يشتري لي هدايا ويتذكر يوم ميلادي
يسوي لي الريوق واخر مره امس لاني حايسه مع بنتي واهو يوعان بياكل يعني مو لله
ينظف البيت حته حته لما كنت حامل وريولي تشد بس الحين لالالا مع ان الحين اصعب بنتي حوس ه وانظف اتاذيني
وبنتي يمسكها ٥دقايق لا غير ولا صراخ
يعني الحمدالله كويس بس الرومانسيه كلش بعيد عنها *

 

[eng^^zozo]

رد : بنات ريايلكم يسون جذي معاكم ؟؟؟؟؟؟ صور

الله يهدي كل الرياييل يااارب ونشوف منهم شي






اول ايام الملجه كان يمسك ايدي بس الحين لاء

 

[انثى استثناء]

و الله انا اكثر من جذي الله يخلي لي و لا يحرمني منه بس مسالة اليهال لا لان ماعندنا و متاكدة ان اكيد بيراعيهم بعد اذا عندنا

و الله يا بنات ترى الدنيا بعدها فيها خير رغم كل الي نسمعه من مشاكل

حزب الطماشة اطمنو

 

[روزاليندااا]

رد : بنات ريايلكم يسون جذي معاكم ؟؟؟؟؟؟ صور

تصدقين كل يوم زوجي يسويها
تدرين متا بالاحلام واذا صحيت كله تحطم

 

[الله كريم @]

رد : بنات ريايلكم يسون جذي معاكم ؟؟؟؟؟؟ صور

اي هيييييييييين ههههههههههههههههههههه


ويلاااااااااااااااه يازين الاجاانب بس قمة الرومنسييييييه

ياقلبي تسلميييييييييييين ع موضوعج يحطم خخخ

 

[aṕriliå]

والله زين طلع في شبابنا الخير

 

[" ام حمود "]

ع ايام ملجه يمسك ايدي
وريلي طبعه مزاجي يعني تشوفينه يساعدني بالبيت وبعض مرات يطنش ماله خلق شي

 

[جولينار]

الصورة الأولى دااايم يسويها بطلب منه هو (( وبيني وبينكم اطفش من كثر ماايدي تتبلل بس استحي اشيل ايدي )


الصورة السابعه ( المساج ) يسويها بس بطلب مني ( احب الدلع )


تنظيف البيت كنت قبل رمضان اقوله ضروري تنظف معي ومايقصر معي ( بس يشرط مااعلم احد ههههههه )


ولي فترة اقووله يالله بننظف البيت سوا


وهو مو راضي يقول خلاص كااااااااااان زمااااااااااااااااااان


للأمانه قبل اسبوع غسل المواعين معي بس عشان يسكتني لأني اذيته ابيه بسااعدنبي ع البيت

وبث

 

[coralia]

رد : بنات ريايلكم يسون جذي معاكم ؟؟؟؟؟؟ صور

خخخخخخخ من حزب الطماشة

 

[دلع العتبان]

قوه بنات :eh_s(7):​

وانا اقرا موضوع بالمنتدى شفت توقيع وحده من البنات ولا هالصوره ​

​

قلت شخباري هالحركه للحين في ناس يسونها يمكن اخر مره صارت ايام الخطوبه او اول فتره من الزواج ..​

ولا مره مره مسكها وبسرعه شالها تقول شده كهربا ولا صاعقه

السؤال اللي طرح نفسه هالشي من الريال مبادر فيه ولا من المره .​

يعني راح اعطيكم امثله :​

في مره يابلج ريلج ورد من نفسه بمانسبه او من غير مناسبه .​

مره قلت انا احب الورد يعني ياحجيه افهمي جان يقول انعل ابو السخافه اشتري عشب بفلوس ليش بغمس فيه واكل

​

في مره قالج حبيبتي انتي اليوم ريحي وخلي تنظيف البيت علي ( دار دار .. زنقه زنقه امبيه اشفيني تحولت القذافي ) :krkrkr:​

مره قالي المره خدامه ببيت زوجها عيب تقول الرجل ينظف بدالها ؟
من اي مكتب جبتني

​

ولا تنظيف بضمير مو من افا ايده ​

​

في مره قالج حبيبتي انتي طول الليل سهرانه مع الياهل روحي نامي انا امسكه .


الرجال يقول بس شسمه ماله شغل بالقصه الباجي



​

​

اليوم بوكلج من ايدي :ggdw:​

المره تطبخ لزوجها وتحطوو له بالديوانيه وتنقشع ومااشوفج بعد

​

حبيبتي بما انج تعبانه خل اسويلج مساج ترتاحين ​

مره قالي سويلي مساج مثل الفلبينو وانتي ادفعيلي فلوس :eh_s(1):

​

في مره تذكر مناسبه اتخصكم من نفسه ( عيد ميلادج .. عيد زواج .. عيد حب .. عيد الام )​

بعيد العمال تذكرني

​

في مره وانتي قاعده قرب ريلج وقالج باذونج ( احبج ... مشتاقلج .......... )​

ليه باذني خل يقولها بالاول بعدين باذني ابي اسمعها ولو مره واحد بحياتي وماعندي مشكله اسجلها واعيد اكررها :eh_s(11):

​

سوالج ليله رومانسيه ​

خل اشوفه بالاول يقعد بالبيت

​

اذا هالشغلات كلها بريلج فتحققي من جنسيته :krkrkr:​

اي يامتزوجه لبناني يامتزوجه مهند

اتقشمر قوليلنه متى كان اخر مره هالشي . عشان حزب الطماشه بعد لا يتعقد من الزواج ​

تعقدوا واخلصوا :krkrkr:

وللتاكيد البادره تكون منه مو منج .​

قولو الصج :rerrerek:​

بانتظار ردودكم :eh_s(8):​

طبعا اضحك معاج مو لهدرجه بس خذيتها بالغشمره فيه الخير


خير ان شاء الله :d

 

[miss mnora]

:eh_s(11): ظالمين الرياييل عبالكم كلهم يخونون ومايهمتون :eh_s(11): ههههههههههههه تراااا في وايد يسوون هالاشياء :rgewrg:

انا عن نفسي صارلي 5 سنين متزوجه وللحين يمسك ايدي بالسياره او بالسووق او اي مكان :eh_s(22): و مو معناه ما يمسك ايدج ما يحبج يمكن مايحب :eh_s(10):
وبالنسبه للتنظيف طبعا اشوا انه من نفسه يقول بسوي معااااج و يمسك عيالي وانا انام شي لااااااااااااااااااااازم اذا حسيت اني تعبااانه اقوله بنااام واهوا الي يقعد معاهم والمساج يوم وترك ههههههههههههههه لأن انا يوم اسويله قبل لا ننام واهوا واليوم الي وراه اهوا يسويلي :rerrerek:
الله يخلييييييييييييه لي ولعيالي يااااااااااااااااااااااااااااااااااااااااااااارب :yaaaaaarb:

 

[KOKO_284I]

رد : بنات ريايلكم يسون جذي معاكم ؟؟؟؟؟؟ صور

اتصدقون اسمع ردودكم وجنه ماي بارد على قلبي

الحمدالله في وايد رياييل فيهم خير وممكن يسون اكثر من اللي انا حاطته .

بس يعتمد عالاثنين الريال والمره . وفي رياييل غشم لازم احنا نعلمهم .

حبوبه اللي اللي تقول انها قاعده اتحاول اتغير لاتياس والله مع الايام اتلاقينه يسوي كل اللي تبينه ومن غير لا تطلبين .

وحزب الطماشه بعد هالحجي قريب بنسمع اخبار حلوه ...... نبي عرووووووووووس زهقنا نكد

 

[^_^ حوراء ^_^]

كل شي الحمد لله كلش شي يمسك ايدي و ايام اهوه يشتغل في البيت عني

اصلا شرايج اني ما ادري عن الغساله صار لي شهرين تقريبا ..!!..


و اييب لي ورد و يدلكني لمن اكون تعبانه و طول الوقت يقولي احبج حتى لمن يكون طالع مع ربعه أو بالدوام يدز لي مسج ..

و يبوس مكان الدودو لمن اتعور خخخخخخخخخخخ ..

بس صراحه صراحه ما يسوي ليالي رومانسيه لأنه مايعرف مو شايف جيي من قبل و لمن يسألني عنهم
اقوله انهم شي بققمة السخافه فـ ما يسويهم لوووووووووووول

اللهم لا حسد ..

 

[اسيل الصمت]

رد : بنات ريايلكم يسون جذي معاكم ؟؟؟؟؟؟ صور

في شغلات يسويها بس مو كل شي
حرام الظليمه شينه ...

مشكوورة صاحبة الموضووع

 

[لومية]

مايسوي كل شي من اللي قلتيه

بس في اشياء يسويها لي

 

[miss mzyona]

انا مخطوبه مو مزوجه للحين بس يارب ريلي يسويلي كل هذا

تكفون بنات ادعولي

محتاجه دعوتكم

مشكوره ياقلبي على موضوعج

 

[انا لحبيبي .]

رد : بنات ريايلكم يسون جذي معاكم ؟؟؟؟؟؟ صور

اب اب ^_^

 

[حور البحور]

رد : بنات ريايلكم يسون جذي معاكم ؟؟؟؟؟؟ صور

فدييييييييييييييته يسوي كل شي الا الليالي الرومانسيه ههههه لاانا احب ولا اهو

فديتنا توأم حتى بالشكل يحسبونا اخوان

 

[لبى عيونه]

رد : بنات ريايلكم يسون جذي معاكم ؟؟؟؟؟؟ صور

ألف حمد وشكر كل اللي \كرتيهم يسويها وأكثر

فديته والله من عقب موضوعج حسيييييييت جد بقيمته حيييل اكثر من قبل موضوعج حلووووووو