بنات ردو علي ضروري ماقدر أأجل الموضوع

[sugara]

انا رايي انج ما تكلميينه بالموضوووع ... طوفيها هالمره و ان صارت مره ثانيه تكلمي .. و حطي ببالج ان ماكو ريل ما يسوي جذي الله يهديه انشالله

 

[باتشا لوتشي]

صارحيه

 

[ام لسان]

اعتذر منك اي بس انتي اللي اعطيتيه الفرصه انه يطالع هالخرابيط

ليه رايحه نايمه بيت اهلك المفروض ماتخلين فرصه تتركينه فيها

وانا من رايي تسوين كلام هوفه هوفه

اذا ارتبك قولي له ليش ارتبكت عسى ماشر وهو يفهم

 

[سيدة الذوق]

لا تنبشين وراه

لأنه اكيد راح تلقين اللي ما يسرج

لا تصارحينه باللي شفتيه

بالعكس
احتويه عاطفياً
كثري من الاذكار والاستغفار
واحاديث غض البصر وانه العين تزني

حاولي تفتحين معاه مواضيع
تشوفين شنو ناقصه بالعلاقه معاج
شنو محتاج منج
شنو يبي

احتويه وشبعيه
لا تواجهينه وتحسسينه انه كتب مفتوح جدامج
انتي عرفتي حلي الموضوع من غير ما تصارحينه وتتهاوشين او برود اعصاب

راح يقلب السالفه عليج ويطلعج غلطانه تنبشين من وراه
وعوار القلب لج وبس

سمعي مني

ومنوله وبتوته

كلامهم عدل


لا تصارحينه وتحسسينه انه صغير بعينج
صلحي الغلط اللي سواه بذكائج

والله يعمي عينه عن الحرام ويسخره لج

درر كلامج

 

[قرص عقيلي]

خلج عاديه وجنح ما شفتي شي

يمكن مسوي جذي بالعماله عشان لا تعيدينها

بس لازم تحتوينه وما تعطينه مجال يوخر عنج

وفي حال تمادى كلمي

 

[نجمه*]

هذا هو بعد ملتزم!!! شحال لو كان طرطنقي

انا بعرف شهالالتزام اللي مايرده عن هالشغلات وقلة الادب

استغفرالله

الله يعينج ويصبرج وانا من رايي لا تواجهينه يمكن زله ومايعيدها عطيه فرصه و ان شاء الله الله يهديه لج

 

[فرنسا]

لاتواجهينة....... ترى لكل انسان غلطة ويمكن تندم وتحسف انتي ماتدرين ,, يمكن الشيطان لعب بعقلة بهاللحظة حطي الف عذر لة لانة بالنهاية اهو زوجج لاتخسرينة ,, بالعكس حاولي تصلحينة وصدقيني الناس مو نافعتج حلي مشاكلج بروحج
اولا استخيري بركعتين لربج وطلب فيهم ينور بصيرتج باللي تسوينة ,, وصدقيني اللي بتسوينة اهو اللي بريحج
ثانيا اقري ادعية الهم والحزن عشان ربي يشرح لج صدرج وتروح ضيقتج
ثالثا حاولي اتيبين سوالف ولا قصص عن هالموضوع بس لاتكون قريبة من قصتة وقولي ,, اعرف وحدة كان زوجها يقول لها انة بالويك اند يروح شالية ربعة ينام واكتشفت انة يروح كل ويك اند منتجع سيشل وانتى تدرين عن اللي فية .. قالت لها وحدة شافتة تعرفة واهو مايعرفها كانت ماجرة هناك انة قاعد مع ربعة مجابلين هالبنات من جنسية ..... واهم بالبكيني واهم يتسبحون ويتشمسون والربع طايحين لة خز عالطبيعة
قامت يابت سالفة تشابها وقالت لو ربي يغظب عاللي هناك ويخسف الدنيا عليهم بلحظة مساكين اشذنب اللي ياين يستانسون وقامت تبين لة هول الموضوع وتقول لة كانها واثقة منة هذولا ريايل اكيد بايعينها اللي ماخاف يوم بناتة ولا عيالة يصير معاهم جذية و و ........ تقول صار يقول لها مالي خلق الشالية طريج كل اسبوع اشطولة اقعد بالديرة ابرك .... طبعا لانة بالاساس ماكو شالية ربع ...... المهم ماحسستة انة طاح من عينها بالعكس خلتة كبير وانة رمز وانها يابختها باخلاقة فعاش الدور وتحسف عاللي فات
لاتتهورين واتفاتحينة استخيري بعدين قرري

 

[~*~الملكة~*~]

لا تواجهينه وحطي خلفيه بلاب توب ايه او حديث عن غض البصر واهو ان شاء الله يفهم

والريال لمن يزهق يلجأ للطريج هذا الله يهداهم مادري جنهم ناطرين الزله !

رايي من رايها اهم شي حطي خلفية ايه او حديث مثل ماقالت بتبوتا

 

[وحده ذوق]

قوليله هالسالفه =اتصدق حبيبي اليوم رفيجتي تسولفلي تقول جكت زوجها داش على مواقع وسخه وتقول مافي رجال مايدش قلت لها انا لا حبيبتي زوجي غير عن كل الرجاجيل ماعنده هالحركات

كلام سليم

 

[راجية الرحمة]

كثيييير مرو بهالموضوع وانا وحدة منهم وقبل مدة وحدة حطت نفس موضوعج شوفي ردي عليها وان شاءالله تستفيدين
اقولج سالفتي مع زوجي عشان تعرفين ان تقريبا كل الرجاجيل يشوفون وهذا مو معناته نقص بالمرة او تقصير منها
مرة قاعدة على الاب توب حق زوجي واطيح على فيديوات حركات تبوس وتحضن وحريم لابسات قطعتين وانا اشوف بغت تجيني سكتة قلبية لانه شبه ملتزم وينقد على الي يسوون هالسوالف يعني ماعمري شكيت فيه من هالناحية تدرين شسويت
ماواجهته مسحت الي هو مخزنهم ورحت حملت بدالهم فلاشات واناشيد عن القبر والاخرة والموت وخزنتهم بملف بعنوان اعبد الله كانك تراه فان لم تكن تراه فهو يراك وحطيته على سطح المكتب ورحت وسويت نفسي نايمة وانا ماذاقت عيني طعم النوم
واخذ لاب توبه طلع بالعادة كان يروح 4 ساعات واكثر برة بس هالمرة نص ساعة ورجع ينتظرني اتكلم بس سويت نفسي ولا كان شي صاير وهو بعد ماتكلم واحس اخذ درس وزاد احترامه لي لان الرجال مايحب المرة الي تنقده واتمنى تستفيدين من تجربتي والبنات بعد يستفيدون

 

[eman84]

الله يهديه

 

[kekat kakaw]

الله يعينج

 

[ارنوبه]

نصيحه لاتواجينه دام اهو ماسواها الا مره اعتبريها نزوه وان شالله تعدي ..

يمكن الريال ماله نيه يشووف مره ثانيه .. ويمكن ندم على اللي شافه ..

وترى اذا حطيتي السالفه بباله وقلتي له ليش وتهاوشتي معاه بتحلى السالفه عنده لان كل ممنوع مرغوووووووب ..

عديها هالمره منتي خسرانه شي يمكن مايتكرر هالمره ..

اذا تكررت الشغله لج حق تواجينه ..

والله يهديكم ويبعد عنكم شياطين الانس والجن)

 

[سواري ليل]

حبيبتي اذا تبين تخسرينه كلميه باللى شفتيه صدقيني اغلب الرياييل هالنوعيه عادي طوفيها ومثل ماقالوا الخوات حطي احاديث وآيات عل وعسى يعتبر ,,انا مادري شنو نوعيه ريلج خوفج يكرهج اذا فاتحتيه بالموضوع انتي بشطاره وبدلع تقدرين تنسينه هالخرابيط هذي كلها ولااااااااااااااااااااا للنوم بره البيت,,انتي عارفه ان يبيج عنده قعدي عنده خو توكم متزوجين الريال ماشبع منج,,والله يوفقكم وييسر اموركم,,

 

[كويتية و لكن]

لا حبيبتي لا تكلمينا ولا شي انتي غلطانه ليش خليتيه ينام بروحه وبعدين اصلا ليش هو دخل هالمواقع اكيد فيه تقصيرمنك يمكن ما كفيتيه ودفعتيه حق البديل قبل لاتستعجلين شوفي السبب وعالجيه ولا تعطينه فرصه يحتاج مواقع ولا حتي يشوف بره شبعيه وترسي عينه وكفيه وعرفي زوجك يمكن من النوع اللي يحب السكس وانتي ما تدرين وقاعد يعوض الناقص بجذي سلوك شوفي زوجك وتعرفي عليه عدل وبعدين لوميه علي فعلته والله الموفق

 

[ترووفه]

ماادري

انا اشوووف بالاول

ردوا تراضوا وكلموا بعض

وبعدين اختاري الوقت المناسب وتناقشي وياه بس بدون صراخ بتفااااهم

قولي انا اللي اعرفه انك ملتزم وتدري ان حراااام تشوفها

بس حاولي انج ماتحسسينه انج ضاغطته لاااااااااااا

خليج ريلاكس وتفاهمي يواه

عشان يحس بغلطته ومايرجع لهالشي


وعسى الله يهديه

 

[MaZyOoOoNa]

مادري والله احس المواجهه ساعات تكبرو ساعات اتوقف الشي عند حده انتي ادرى بريلج

 

[Anwaar]

الله يعين

و على قولة بتبوتا حطي أية أو حديث على شاشة اللاب توب وا لله يهديه أن شاء الله

 

[بنت عطا]

ماله شغل انج نمتي عند اهلج ولا لا
مشكلتج هذه اغلبنا اذا موكلنا بعد مرينا فيها
وانا بعد مريت فيها الواحد شيسوي مالنا الا الصبر انا كله عند ريلي ومسويته يادهينه لاتنكتين ويحبني والله وادري فيه يحبني ويموت ع التراب الي امشيه عليه بس هم يدش ويطلع ويخربط بالنت كلنا مهتمين بعمرنا من ناحية اللبس والنظام بس هذيله رياييل ماتملي عينهم الا التراب
واججهيه وعرفي منه ليش سوى جذي كلميه بالهداوه ودام تقولين ملتزم كلميه بالدين
قوليله ماتدري ان هذا زنى بحد ذاته وان الله مايرضى بهالشي والله يهديه لج يارب ويهدي ويصلح رياييلنا

نفسج ادري انه يحبني ومومقصره وجسم وحلا وعيال ونظافه ومو ناقصني شي بس اهم اعوووذ بالله ماتترس عينهم الا التراب

وانا مثل ماقلت مع المواجهه وحبيبتي اللي تقول ليش تنامين في بيت اهلج غلطانه هذا حقنا انه مره بالاسبوع انام عندهم هذول اللي تعبوا وسهروا وكبروا وربوا نتزوج وحتى نجيهم نص زياره لا شسالفه لازم اقعد مع امي وخواتي واشبع منهم كلها يوووم مو 20 يوم

اجل النفاس شنو تسووون فيه 40 يوووم هني الرجال ماراح يصيع الا بيسوي بلاوي الا اللي صج يخاف ربه وصلاته وعبادته من قلب والا الرجال ماهو جاهل وماله عذر يطالع مادام تزوج يحترم المرأه اللي ماخذه واذا هو شاايف فيها نقص يتزوج بدال هالبلاوي اللي يسووها قطيعه يعلون القلب وربي ولو يشوف منج شي واحد يقلب الدنيا عليج وانتي عشان وصاخه شافها تسكتين لاياعمري ازعلي بعد بس بهداوه هذا المهم

 

[كويتيه78]

لاتقوليله ولاشي انسي الموضوع هذا الفراغ والوحده جذي يسوي الله يهدي زوجج