بنات ذبحتني الكحه والله الم مو طبيعي في بطني ساعدوني

[رويال ديزاين]

السلام عليكم بنات انا حامل باول السادس و فيني انفلونزا قويه كحه و نشله و اعطس اخذت مضاد ودوا كحه بس لمن اكح احس بعوار الم قوي في بطني من فوق مو من تحت لا فوق وجهة اليمين مثل البوكس او الطقه القويه بنات حدي خايفه طمنوني تكفون شنو اسوي والله تعبت من الالم مادري شلون اعطس او اكح بدون لا اتالم

 

[baa6aa]

انا نفسج كحة مسكتني شهر و شي ماتروح جربت كل شي مضاد وادوية لين خالتي قالت لي اخذ من الحواي ورق جوافة
سخني ماي وحطيه بقلاص و قطي فيه شوية من ورق الجوافه عقب ماتغسلينه وخليه لين يدفى بعدين شخليه و شربي
لمدة اسبوع كل يوم بليل
من ثاني او ثالث يوم بتشوفين الفرق انا من شربته الكحة اختفت والعوار راح
جربيها وان شاء الله تفيدج واهيا اصلا يشربونها الياهل اللي عمره اشهر في حاله مرض فما عليها خوف علينا الحوامل

 

[أأأميرة الورد]

ماتشوفين شر وان شالله خير

روحي للدكتور وتطمني اكثر

وديري بالج انا مره كنت حااامل ومسكتني كحه قويه وصار فيني فتاق

وانصحتني الدكتوره بعدها اذا يتني الكحه احط ايدي على سرتي واكح

 

[اسيل الصمت]

ماعليج شر ياقلبي
ما صارت لي من قبل الكحه ماعندي خبره بهالموضوع
الله يشافيج

 

[om 7amoodi]

نفس الحالة وما فادني المضاد اللي ريحني كمام بخار ماي بس و حبوب الحساسيه ايريوس 3 حبات باليوم وكتب لي الدكتور بخاخ سيمبيكرت بختين بس ما اخذته الا مره خفت منه بس الحمدالله من ثاني يوم وايد فرقت

 

[حمرة الورد]

دربالج مابي اخرعج مرت اخوي ولدت بالسادس والسبب الكحه بس اهي ماعالجت وتوفى البيبي اسم الله عليج روحي الطبيب لاتنطرين اكثر

 

[مسـك]

انا كحه مسكت معلي ثلاث شهور مارتحت الا لما رحت الهادي وعطاني علاج وكمام مرتين او ثلاث مرات خذيته والحمدالله


للحين معاي بس خفت عن اول كانت تمسك معاي ورى بعض

 

[رويال ديزاين]

الله يستر يابنات انا احس بالم من فوق مو تحت بس في جانب واحد
رحت الفروانيه ماعطوني شي قالو خلج عاامضاد ودوا الكحه العادي


ماعطوني كمام و لا شي


و الله يستر

 

[cuteya22]

جربي دوا كحه ترافيسيل بيريحج حيل ومايظر الحامل

 

[دلوعه ناعمه]

روحي للطبيب احسن .. والله يشفيج

 

[عليك توكلت]

انا لما كنت حامل يتلي كحه موطبيعيه الليل مانمه كنت بالشهر الخامس ورحت لمستشفى هادي دكتور باطني والله ما اذكر اسمه عطاني مضاد ودوا كحه
واحبوب وكمام وجهاز شفط للصدر الدائري لونه بنفسجي اعتقد كرتزون لمدة اسبوع تبارك الله ماخلص الاسبوع الا مافيني الا العافيه
روحي الطبيب واخذي اعلاج اذا اعلجج مافادج انصحج بمستشفى هادي

 

[باتشي99]

نفس كلام بطة ورق الجوافه جيبيه من العطار واغليه من اول كوب ان شاءالله بترتاحين

الله يشفيك ويشفي الجميع

 

[زوزووووووووو]

انا كنت اكل علج مر من الحواي اييبه بس اهم ايي كله تراب عاد اغسله عدل واختار القطع اللي مافيها تراب لان اثر التراب موزين على الحامل وكنت اتعلج فيه وخفت الكحة

 

[katrina90]

نفسج والله تعب هالكحه بس بالشهور الاولى