بنات دكتور اسنان شاااطر ضرسي ذبحني :(

[مطلع الشمس@]

السلام عليكم ورحمة الله وبركاته

7
7
7
7
7
7
7
7

بنات سااااعدوني ابي دكتور اسنان شااااطر رحت المستوصف ومافادني الدكتور دفش حييييل والله قعدت ابجي من الالم
ماقدرت اتحمل وضرسي ملتهب حيل :0bee2e8d89:
تكفووون كويتيات ابي دكتور ايده خفيفه وعلاجه بعد الله زززين هالمستوصف مانفعني

عفيه اللي تعرف دكتور زين تقولي والله لدعيلها بحاول اروح اليوم أو باجر ذبحني الالم بضرسي وخايفه

 

[GASSS]

حبيبتي .. انا ولد عمي طبيب اسنان .. بس قاعد يكمل دراسته بره الحين الله يوفقه ..
اتذكر يقولي وزارة الصحة ماتوفر غير نوعين من البنج ماينفعون .. بس الخاص عندهم انواع وايد واحترافية بالعمل .. والله مره حطلي مثل المرهم احمر حولين ضرسي وشلعه ماحسيت الا ليمن قالي خلاص!!!!!

وانصحج بالدكتور كلود بعيادة الثريا بالفروانية انا ماجربته ولا رحتله بس رفيجتي تمدحه وايد وايد وايده خفيفة حتن مره موديه بنتها او 6 سنوات وماكان دكتور الاطفال موجود وطلبت منه يعالج بنتها الي كانت ميته من البجي والالم بسبب العصب .. تقول عالجة لها بنفسه وارتاحت .. وفوق هذا اسعارهم وايد مناسبة

والله يشفيج يارب

 

[مطلع الشمس@]

ياااقلبي ماقصرتي والله يوووفقج ياااااارب ويرزقج ويعطيج على نيتج
والله صاج ولد عمج بنجهم اي شي مايخدر العصب :0bee2e8d89:
بحاول اتصل على عياده الثريا وبشوف ااذا موجود هالدكتور اليووم ولا لا ؟؟؟


تكفون ياكويتيات اللي تعرف دكتووور شاطر وايده خفيف لاتبخل علي الله يوفقكم

 

[مطلع الشمس@]

وينكم كويتيات

 

[مطلع الشمس@]

الله يسامحكم كويتيات مافي ردود ؟؟؟؟

وووين الفزززعه :"( يابنااات وين بنات حمران النواظر << قلبت الموضوع للنخوه

لا بجد بنات دلوووني ماعرف اطباء اسنان

 

[مطلع الشمس@]

أب
أب
أب
استغفرالله

 

[((MiSS CuTe))]

دكتور عادل شدياق بانترناشونال كلينك ودكتور نظال بالهادي

 

[cute_angle]

في دكتور بمستشفى السلام اسمه اسامة السكري
مشالله ايده وايد خفيفه عطاني كمام والله ماحسيت بشي
بس طبعا كل شي بحسابه
ماتشوفين شر انشالله

 

[SAMSAMA]

قوة ياحلوة في دكتور ايراني اسمه شهرم بتيجان شغله وااايد حلو

 

[ريومةالمزيونة]

دكتورة سيلينا في الهادي وااااااااااااااااااااايد شاطرة وايدها خفيفة
شلعت ضرس العقل عندها..مع ان كل الدكاترة اكدولي لازم عملية لانه ثابت ومكسور نصه
بس اهي قالت بحاول اشيله بدون جراحة وماشاء الله ماكو خمس دقايق وقالت قومي خلصنا
وماحسيت بشي حتى ابرة البنج تحطلج جل لتخدير اللثة..يعني تدلعج عالاخر

 

[مطلع الشمس@]

ماقصرتوا اللي ردوا علي كلكم والله يعطيكم العافيه

وهذا العشم فيكم كويتيات

 

[منانا]

انا اروح مركز الخليج الدولي دكاترتهم زينين بس قايله هاليومين بروح عيادة الاسنان الي بمركز السالمة عيادة د لطيفة الدويسان الدكاترة هناك سوريين ومعروفين انهم شطار بالاسنان

 

[senbada]

مادري بس بنات امانه بسالكم عن الدكتور قطب اخوي بيسوي سنونة عند الميدان قالو لة على 750 دينار وهو موموظف طالب بس ربعة امدحوالدكتور قطب وقالو سعره السن 50 اما الميدان وطقته 150 او 130 تكفون انتو اشرايكم قولوووووووولي

 

[نوراامينا]

دار الشفاء وايد زينين أحسن من الهادي

 

[الدلال]

الفوزان

 

[باربية الكوووويت]

حبووبه روحي حق مستشفى الراشد عندهم دكتور اردني اسمه سرمد بصوص جنه وااايد زين انا سوالي نص ضروووسي ماشاء الله ايده خفييفه حدهاا ماتحسين بشي اشتغلي بالعصب وتركيب ضرس ووايد اشياء بس عيني علي باارده شغله اوكي روحيله

 

[راعية الخير]

باربية الكويت حسيتى بشى او عوار لما سويتى العصب :eh_s(11):

 

[مطلع الشمس@]

بنات سويت العصب امس

وااااااي من الالم يعوور عقب مايخلص البنج

 

[*عهد*]

عادي بعد الغصب لازم الم يقعد يومين بس اخذي برفين 600من الصيدليه اكلي حبتين مع بعض راح تدعيلي بعدين حبه مع بنادول

راح يخف لازم في الم بعد سحب العصب مو من التخدير حتى لو رحتي خاص نفس السالفه