بنات دشو وسمعوا اللي بقوله ضروري

[doudou2009]

السلام عليكم شلونكم شخباركم




مابي اطول عليكم والله اني قاعده اكتبلكم وانا مو مركزة وخانقتني العبرة وانتو كلكم خواتي والله شاهد على اللي قلته وبقوله
السالفه ومافيها انا نت سنه يتني عيب كلمه قويه شوي عليها بشعري طبعا والله لايوريكم شصار فيني ليومكم هاذا ولو تشوفون مواضيعي كلها عن سالفه الشعر والله اني قطيت اكثر من 1200 هاذا وانا طالبه ثنويه وتوني متخرجه والناس كلها حاطه عيونها علي ليش صارت مشاكل شوي والحمدالله تخرجت على خير عاد قامو يقولون ايييي هاذي ام قليب والله بتدرس لو قنابل فوق راسها والمشكله نسبتي جدا عاديه اللهم لا اعتراض الحمدالله

المهم قبل 3 ايام يبت ماي زمزم وقريت عليه ايات العين والحسد والسحر وقمت اشرب منه مرتين باليوم عالريج وباليل والله يابنات ماقص عليكم صدااااااااااااااااااااااااااااااااااااااااااااااااااااااااااااااااااااااااااااااع شاق راسي شق انا بالعاده لما اييني صداع اخذ ادول وحبه اللي اهم اخف شي ويروح الحين اخذ بندول اكسترا ومو نافع وانام واقعد يزيد هالعوار مو قادرة اتحمل والله مو قادره

تكفون خواتي قولولي من شنو هالشي عادي ولالا بس صداع 3 ايام ورا بعض ومايفارقني دقيقه مو طبيعي هالشي
ويزاكم الله الف خير وماقصرتوا.

 

[Dreams Of a girL]

رد : بنات دشو وسمعوا اللي بقوله ضروري

حبيبتي العين مذكوره بالقرأن

ظلي ارقي نفسج يمكن عين
عليج بالرررقيه
واحسن شي الواحد يرقي نفسه واذا كلشش مو قادره روحي لمطوع يقرا عليج
واذكارج لاتنسينهم واستغفري وايد الاستغفار يدفع البلااء

والله يشافيج حبيبتي ويعينج

 

[غــلآ]

رد : بنات دشو وسمعوا اللي بقوله ضروري

اول شي

لا تنسين الاذكار

بعد صلاه الفجر على طول وبعد صلاه المغرب على طول

سوره البقره لازم تختمينها يوميا .. ماراح تاخذ منج اكثر من نص ساعه

وظلي ارقي نفسج بماء زمزم

وحطي هالخلطه على شعرج يمكن تفيدج سمعت انها زينه للي فيهم عين براسهم او شعرهم

استكانه ( مالت الشاي ) سدر
استكانه حنة
فنجان ماء مقري عليه
فنجان زيت زيتون مقري عليه

جربيها وان شاء الله تفيدج يارب

 

[العنود 99]

رد : بنات دشو وسمعوا اللي بقوله ضروري

انا مره مطوع كان يقرا علي وعقب ما خلص حسيت بصداع مثل الي تقولينه شق راسي شق ودخت شوي

قالي هاي عين

مثل ما قالوا البنات حصني نفسج كل يوم واقري سوره البقره والرحمن وخلي الباجي على ربج

 

[عاشقـة الجـنـة]

حبيبتي ... داووومي على الرقيه الشرعيه .. وداومي على قراءة سورة البقرهـ

والعين مذكوره بالقراآن .. اذا كلش شغلي سوره البقره بالقارئ الي تحسين ترتاحين لما تسمعين صوته عندج ( العفاسي -ماهر المعيلقي - السديس - احمد العجمي - العتيبي )


وداومي عالاذكار وربي يوفقج وييسر امووورج يارب ..~

 

[doudou2009]

deam of a girl
الغلا
العنود 99
عاشقه الجنه
ماقصرتوا حبيباتي يعطيكم العافيه والله يرزقكم ويفتحها بوييهكم يااااااارب
انشاءالله ناويه عالبقرة بس تخلص العاده والماي بظل اشربه والاذكار ماراح انساها والله كريم
والله ريحتوا بالي الله يريح بالكم مادري حسيت براحه لما قريت كلامكم الله يبعد عنا العين والحسد والسحر وكل شر يارب .

 

[فتاة العقيده]

رد : بنات دشو وسمعوا اللي بقوله ضروري

هلا والله اختي انا با اقولك شئ ان شاء الله يجيب نتيجه
الا وهوانك تعزمين كل الي تعرفينهم من اكبرهم الى اصغرهم يعني سوي حفلة تخرج مثلاً وبعدين جمعي فناجين القهوه او اي شئ هم شربوا منه المهم جمعي فناجينهم وحطيها في قدر او صحن كبير واغسليهم فيها وبعدين رشي هذي المويه على راسك وبا أذن الله راح تشفين ان شاءالله .
الله يشفييييك يشفي جميع المسلميين

 

[السنعة2]

رد : بنات دشو وسمعوا اللي بقوله ضروري

حبيبتي استمري على الرقيه
وبنفس الوقت روحي الطبيب جيكي على الضغط والسكر
وسوي تحاليل شامله وعسى الله يشافييج ويبعد الحساد عنج

 

[** باربي **]

انا من يابتني امي كنت مشهوورة بشعري كااان طوويل حيييل ونكثيف وناعم وثخيين وراثه على يدتي ولين كبرت كانوا الناس يقولون حق امي حراام عليج تفلين شعرها بالحفلات خل تسوي تسريحه

تدرين شصار فيني قبل جم سنه كنت بالثانويه من عين خدامتنا تخيلي كان خصري مجروح من البدنيه وضمد وما اقدر اسبح
وما اقدر ما اغسل شعري 3 ايام
ناديت الخدامه قتلها انا بقعد على كرسي وانتي صبي الدش وغسليه

تخيلي وغير خدامتنا الثانين كله ياخذون عنقوصي يلفونهم على ارقابهم يقولون حيه حيه عمى بعينهم انشالله
وانا كنت صغيره ما افتهم شنو يعني عين وجذي
المهم غسلته خلصت ييتي بنشف شعري ماكو شعر
متعوده حط ايدي يم وركي انشف شعري
احط ماكو
تدرين شصار اشوة بييه امي
شعري متقرفض لييي فوووق جتفي وصاااير جنه صخررره ورب الكعبه امي ينت وانا اتسخفيت قعدت اصارخ بالحمام
وامي تحط حمام زيت بس تبيه يفتج ما ينفتج تقول امي لو واحد قاعد 200 يعقد فيه ما صار جذي صخره صخره
لمن يابت امي المقص وانا ابجي واصرخ قصته تخيلي من كان لي وركي صار لي فوق جتفي واللخ حزتها بجيييت بجي وامي تصارخ عليها تقولها شسويتي ساكته تقول ما ادري الله يحسرها ويمكن سحر ما يندرى كان يمكن مالها خلق
والله تعبت نفسيتي اشهر قبلل كنت امشي والعب بشعري من ورى اسحب عنقوصي متعوده قمت احط ماكو شي يضيق خلقي حتى لمن انام كنت افرش شعري قبل لا قط راسي الحين ولا شي ولمن اقلب ما اقلب شعري اول
والله كان صج شي فضييع
و الحمدالله مرت سنين وتزوجت وطاال مثل قبل بس مو مثل اول من ناحيه الكثافه والصحه صار يحت وتعبان
الله يجازي الي كان السبب
امي لي يومج هذا تقول اشلون ما وديناه المختبر يفجونه يشوفون شنو المواد الي فيه الي صار جذيه يمكن حاطه سحر ولا شي
والله العين حق والسحر موجود بكثره
وديري بالج بسالفه عواار الراس صار بأختي قبل سنين كانت متفوقه وحاشها جذي وراحت فيها زاد لولا رحمه الله وامي والقراء ولا جكوا فيها شي مو زين اسمله علييج

 

[فتاة العقيده]

رد : بنات دشو وسمعوا اللي بقوله ضروري

واستمري على الرقييه

 

[doudou2009]

فتاه العقيده هلا فيج حبيبتي والله سويت اللي قلتي عليه بس الواحد مايدري اهي بالضبط عين منو رفيجاتي ولا اهلي ولا ناس غرب الله كريم الله موجود واقوى من اي عين او سحر والله يشفي جميع مرضى المسلمين يارب ويبعد عنا هالعيون .
السنعه 2 تسلمين حبيبتي انشاءالله راح ادوام على الرقيه والتحاليل ناويه اسويها انشاءالله قريب .

 

[doudou2009]

باربي
واعليا حبيبتي تذكريني بنفسي انا شعري قبل كان جذي لو تشوفينه الحين اقل من ربع ماكان عليه والله اوقف عالمرايه اطالع قمه راسي
اااااااااااااااااااخ شقول وشخلي حسبي الله عاللي كان السبب وانتي حبيبتي الله يهداج كنتي نفسي اثق بالناس واراويهم شعري واقولهم لا ماحط عليه شي اهو جذي طبعا وراثه وبالاخير طاحت على راسي والحين ما اطلع من البيت بدون المعوذات والاذكار والادعيه حتى اذا يونا ناس والله دنيا تخوف ماعليه حبيبتي الله يعوضنا انشاءالله ويرد شعورنا مثل قبل واحسن .

 

[كول تكره سكول]

رد : بنات دشو وسمعوا اللي بقوله ضروري

هلأ والله أخــتي ،، أنـآآ نصيحتي ابعدي عن البنات الي عيونهم حأره .. وروؤحي لمطوـع يقرااا عليج

لانهأآ الضاهر عين حاره .. وان شااء الله مافيج الاا العافيه حبيبتي

 

[ياحُبِي لِلكويت]

رد : بنات دشو وسمعوا اللي بقوله ضروري

البنات ماقصرو ردوو عليج مااقول الا الله يشفييج والاهم ترقين على نفسج وتسوين تحاليل وانشاءالله معااافيه ...:eh_s(8):

 

[الكتكوته]

استمري بالرقيه والله يشفييج

 

[daana]

الرقيه والا دعيه لا تخلينهم بس روحي فحصي يمكن صداع نصفي من كثر القلق والتقكير والحاله النفسيه اخذي تحويل من المستوصف وراجعي الطبيب ضروري

 

[** باربي **]

باربي
واعليا حبيبتي تذكريني بنفسي انا شعري قبل كان جذي لو تشوفينه الحين اقل من ربع ماكان عليه والله اوقف عالمرايه اطالع قمه راسي
اااااااااااااااااااخ شقول وشخلي حسبي الله عاللي كان السبب وانتي حبيبتي الله يهداج كنتي نفسي اثق بالناس واراويهم شعري واقولهم لا ماحط عليه شي اهو جذي طبعا وراثه وبالاخير طاحت على راسي والحين ما اطلع من البيت بدون المعوذات والاذكار والادعيه حتى اذا يونا ناس والله دنيا تخوف ماعليه حبيبتي الله يعوضنا انشاءالله ويرد شعورنا مثل قبل واحسن .

اي شفتي

حسبي الله على كل حااسد وصاحب اعمال ما يخافون الله ..