بنات دخلوا بليز ,, بقولكم شي عن رفيجتي ..!!

[♥ .ςяαzу нєαят .♥]

السلام عليكم ..
شلوونكم شخبااركم ..!!
تووني راادة من المدرسة قطيعة المهم
بنات انا انتقلت لمدرسة يديدة وصارلي سنتين فيها انزين وانا طبعي هاااااااااااادية حيل حيل حييييل ..
تعرفت علي وحدة وقالت بصير رفيجتج ومادري شنو وتدزلي اوراق احبج وتكتب شعر وخواطر عني ومن هالسوالف انا صراحة ماارتحت لانه مستحيــــــل تحبني من اول مرة شدعوة ..؟!؟!
مرت تقريبا سنه كااملة على هالطريقة وصرت دايم اتمشى معاها طلبا منها وانا في بنات وايد ودهم يتعرفون علي اكثر بس انا استحي او ماعندي ثقة ..؟! مادي شنو بالضبط
هالسنة تغيرت علي وااايد وصارت تتمشى مع رفيجتنا الثانية ويطالعوني من فوق لي تحت يااربي انا شنو سويت شدعوى
تعرفون ان من الطابور لين الحصة الثانية وانا مستانسة اذا طق جرس الفرصة اتضايق لانهم يمشون عني جنهم مايبوني وانا وراهم ودي اروح لو اقعد بروووحي ماعندي بس ماعرف اقص على نفسي حاولت اكثر من مرة بس مااقدر والحصة الثالثة والرابعة للهدة تقولي شفيج متضاايقة ..؟! اقولها نعساانة بناات بليز انا مومن النووع اللي يفضفض ولا اللي داايم اسولف واشتكي ماحب جذي فبليز ساعدووني ودي اعرف اهيا ليش زعلانة ومتضايقة من يوم مشت مع هذيج البنت تغيرت علي ..؟!
اي صح تذكرت اذكر مرة كنا نتغشمر مع بعض وشفت ورقة يسولفون فيها بالحصة رفيجيتي 1 خلوها على صوب انا اتكلم عن الثانية اللي غيرتها علي
انزين رفيجتي رقم 2 تسولف مع وحدة بالصف وتقولها انا احب ومن هالسوالف انا ورفيجيت 1 طحنا على هالورقة اهيا زعلت شلون رفيجتنا وجذي تحب انا قلت حرام يمكن ظالمينها يمكن البنت قصدها شي ثاني ..؟!؟!
المهم رفيجتي 1 صارحت رفيجيت 2 وعرفوا السالفة وطلعت ماتحب ولا شي
الزبد انا كنا نتغشمر هذيج المرة وتقولي رفيجتناا2 تحب شكلج انتي تحبين بعد انا ضحكت وطقيتها بجتفها على غشمرة
وحدة نذلة راحت وقالت للرفيجتي 2 ان انا اطلع عنها سوالف وان انا احب وابي افضحها ومادري شنو وابي افرق بينهم
حسبي الله عليهاااا .. بس مااتووقع زعلت عشان هالساالفة مومعقولة ..؟!
ومن هاليووم واهيا تلمح لي ويمشون مع بعض وسواالف وانا معطيني طاااف ولا جناااا
ليش انزين شسويت والله حددي محترة والله اكتب لكم وانا لابسة نفنوف المدرسة لوووول
عفية بنات ساااعدوني انتوا خواتي اللي ماولدتهم امي ابي اعرف اهيا ليش زعلانة وابي ابين لها موقفي بس موقاادرة وابي اتعرف على رفيجات غيرها بس هم ماااعرف شلون وااقدر وماعندي ثقة بنفسي كلللش ملللش ...

وعلى فكرة رفيجتي اللي طلبت تتعرف علي اهيا رقم 1 والثانية رقم 2...
وسووري عالاطاالة والكلام ملخبط احس طلعت شي بقلبي هههههههههههههههههههههههه ​

 

[♥ .ςяαzу нєαят .♥]

رد : بنات دخلوا بليز ,, بقولكم شي عن رفيجتي ..!!

شدعوة بنات وينكم

 

[نوري اكتمل]

عاااااااادي حياااااتي فضفضي وقول اللي عندج
عاااادي اخذي راحتج
الصراحه مادري شقولج بس حاولي تتعرفين على بناااات انشاء الله يكونون احسن منها
حاولي تقطعين الحاجز بينج وبين البنات واضحكي واتغشمري عاااادي ترى
واتقولين ان رفيجتج 1 تروح وتخليج يعني (ماتبيج او عافتج )~واضحه
انزين وخلي عندج ثقه بنفسج محد راح ينفعج
وبس
تقبلي مروري

 

[صدى القلب]

هلا والله حياتي

انتي حاولتي تكلمينها وتفهمين منها مو تستكتين جذي مره ومرتين وبتقول لج لاتملين من اول مره

وحاولي تسمعينها وتفهمين وجهة نظرها

وانتي بعد حاولي تتعرفين على بنات صفج وتحاولين تحتكين معاهم وتمشين معاهم بالفرص وتسولفين معاهم بالحصص

انتي حاولي تكونين شوي اجتماعيه وتحتكين مع البنات مو لازم بس بنات صفج حتى لو البنات اللي العام وقبل العام معاج حاولي تتمشين معاهم وتتعرفين على رفيجاتهم

عشان بعدين لما يشوفونج يقولولج تعالي معانا تمشي ولا اقعدي معانا حاولي يكوون لج دور بالشله الي ترتاحين لها اكثر

واذا مستحيه حاولي تقولي لاقرب وحده معاكم عادي امشي معاكم بالفرصه وسولفي معاهم ومره ومرتين بيتعودون


>>قرقتي ماتخلص :$

واتمنى فهمتي علي حبيبتي والله يعينج ويرجعلج رفيجتج مثل قبل واحسن

 

[Francais]

رد : بنات دخلوا بليز ,, بقولكم شي عن رفيجتي ..!!

شووفي ترى في بنات اذا كان اول سنه لج تكوون وياج حييييل وثاني سنه بس اول الاياام بعدين طااف لحظت هذا عندنا بالمدرسه
انا اقووول كلميهاا وافهمي ليش جذي تسوووي واذا ماتبيج تعرفي على البناات وخليج اجتماعيا اكثر وبس

 

[♥ .ςяαzу нєαят .♥]

رد : بنات دخلوا بليز ,, بقولكم شي عن رفيجتي ..!!

مشكووورين بنات فديتكم بس انا ماعندي جرأة حتى اسوولف مع البنات مادري ليش ..؟!
مع انه البنات اللي يعرفوني حيل يقولون انتي شخصيتج وايد حلووة بس ماعرف شلوون ابينها اواطلعها من قلبي لاعت جبدي من قب

 

[صدى القلب]

لا حبيبتي لاتقولين ماعرف وماقدر انتي جذي بتزيدين تحبطيين من نفسج زيااااااده


وخلي عندج جرأه حاولي مره ومرتين وعششر خلي عندج ثقه بنفسج وجرأه

واذا البنت ماتبيج خليها تولي اكييد مليووون وحده تبييج

اللي مايبيج لاتركضين ورااه روحي وتمشي وتسولفي مع البنات الباقي اللي قالو لج ان شخصيتج حلوه


وانتي حاولي تشيلينها من بالج وتفكرين برفيجاتج الباقي اللي قالو لج ان شخصيتج حلوه وتقربي منهم وحاولي تكونين معهم وين مايكونون عشان تقدرين تطلعين رفيجتج 1 من قلبج

والله يسهل عليج ويوفقج ويحنن قلبها عليج فديتج

 

[♥ .ςяαzу нєαят .♥]

رد : بنات دخلوا بليز ,, بقولكم شي عن رفيجتي ..!!

صدى القلب مشكووووورة بعد قلبي فديتج

 

[بالعـ كيك ــسل]

رد : بنات دخلوا بليز ,, بقولكم شي عن رفيجتي ..!!

وااااااااااااي سوالف بنات الثانويه
حبيبتي اهتمي بدراستك وترا الصديقه والحبيبه هي امج واختج وبس لا تامنين باحد غيرهم
حاولي تشغلين نفسج بشي اهم منها _ باجر لما تتخرجين وتروحين الجامعه راح تعيشين حياة بروحج وتهتمين بنفسج ومصلحتج محد يفيدج لا رفيجات ولا غيرهم - الرفيجات حق الضحك وتضييع الوقت وبس ولا صارت الصجيه طقوج بالطوف بس مو كلهم طبعا بس الصيل نادر

 

[♥ .ςяαzу нєαят .♥]

رد : بنات دخلوا بليز ,, بقولكم شي عن رفيجتي ..!!

مشكووورة حبيبتي

 

[q8ya sh8ra]

رد : بنات دخلوا بليز ,, بقولكم شي عن رفيجتي ..!!

الله يعينج هالنوعياات اللي يزعلون بدوون سبب وااضح اكرهم؟!؟!

 

[a7laa-_-zozo]

رد : بنات دخلوا بليز ,, بقولكم شي عن رفيجتي ..!!

up up

لعييونج يآآحلوة

ومآآلج شغل بآحد ولا تزعليين خل يوولوون اهم شي رآآحتج لاتهتميين بآحد نصييحه

 

[♥ .ςяαzу нєαят .♥]

رد : بنات دخلوا بليز ,, بقولكم شي عن رفيجتي ..!!

مشكووورين بنات فديتكم نفرة نفرة

 

[وش عـاد بـاقـي]

أنآ صآرت لي سآلفه مشآبهه لسآلفتج رفيجتج رقم 2 يمكن تحش فيج من ورآآج وهي اللي غيرت عليج رفيجتج رقم 1 ومن قدآمج حجي ومن ورآج حجي أنآ صآرت لي هالسآلفه والله اني يوم دريت على طوول تركتهم وللأسف للحينهم يطآلعوني بنظرآت حقد ومن فوق لتحت

 

[♥ .ςяαzу нєαят .♥]

رد : بنات دخلوا بليز ,, بقولكم شي عن رفيجتي ..!!

قطيعة ليش جذي ..؟!؟!

 

[♥ .ςяαzу нєαят .♥]

رد : بنات دخلوا بليز ,, بقولكم شي عن رفيجتي ..!!

قطيعه ليش جذي البنات واااي ماحب اللي من هالنووعية

 

[••SôFt G!rL‏‏ღ]

رد : بنات دخلوا بليز ,, بقولكم شي عن رفيجتي ..!!

انا اقول صارحيها احسن وقوليلها السبب واذا ماقالت لج ليش بالطقاااااااق
ولازم تقووين علااقتج بالبناات
ومووفقة والله يريح قلبج

 

[••SôFt G!rL‏‏ღ]

رد : بنات دخلوا بليز ,, بقولكم شي عن رفيجتي ..!!

وخليج واثقة من نفسج والله محد راح يحبج الا اذا انتي حبيتي نفسج لانج راح تنظرين لهم بنظرة ثانية

 

[~خطر~]

خيولون

 

[Miss Hayoon]

مالج شغل فيييهم اللي ما يبيج ما تبينه

وخليييج اجتماعية اكثر عشان تقدرين تكسبين صدااقات