بنات خن نسولف شوي عن بلاي ستيشن2 ادخلوا ابيكم شووي ........؟

[toto - chan]

m e t a l gear solid

 

[Turquoiseya]

زين دام انج جبتي طاري رزيدنت ايفل
تذكرين اول شريط نزل
تذكرين الكاست اللي كانوا حاطين مقاطع قصيرة بالشريط
مادري ليش ما استعانوا فيهم بافلامهم اللي فشلت ابوكاليبس واكستينكشن
البرت وسكر شكل ثاني بفلم اكستينكشن
هذي صورة البرت الاصلي


وهذا اللي بالفلم يعني المزيف


شوفي هالمقطع الاصلي من الجزء الاول
http://www.youtube.com/watch?v=1LwuT3MffEw
اول جزء لرزيدنت و كود فيرونيكا واللي بعده رزيدنت فور اللي فيه آدا وونغ
وطبعا كود فيرونيكا هو النمبر ون من بين كل الاجزاء

 

[Turquoiseya]

هذي لعبة اعتبرها اغرب لعبة لعبتها
البطل ولد معاه سيف وقوس والمهمات اللي يخوضها مافيها اي اعداء ما عدا واحد يكون كبير وضخم بشكل مخيف
الوحش ما ينطق لا بسهم ولا سيف واحيانا تستخدمين السهم عشان تطيحينه او تلفتين انتباهه
كل ما عليج انج تقربين منه وتتعلقين في شعر جسمه الين توصلين لمكان فيه نقشة اسطورية خضراء
هني ترفعين سيفج وتغرسينه فيه
تبدين اللعبة في معبد مفتوح وعشان تعرفين مهمتج ترفعين سيفج فوق في مكان فيه نور وبعدين ينعكس لج النور لمكان يدلج فيه على خصمج
بالاضافة انج اذا كنتي عند الوحش سواء قريبة او بعيدة ارفعي سيفج عند اي نور وراح يوريج مكان نقطة الضعف عند الوحش
كل ما ذبحتي العدو حررتي روح شريرة
واهو خاض هالمعارك عشان يخلص رفيجته من لعنة او يعيدها للحياة
اسم اللعبة: shadow of colossus
وهذي صور منها:


وهذا المعبد اللي تبدين منه: وفي الصورة الثانية البنت منسدحة على الصخرة اللي تتجمع فيها ارواح اللي اخذها البطل من الوحوش



جنه هذا الوحش الاول ( ميخالف كالعادة ناسية اغلب احداث الالعاب لووول )


هذا لما تكونين قريبة من مكان احد الوحوش الضخمة


بعض الصور:






هني لما تطيحين وحش وتتعلقين بشعره و تصعدين عليه عشان تدورين نقطه ضعفه وتطقينه فيه:




ترى اللعبة ما تخوف
اهي تحدي بالمقام الاول

 

[Turquoiseya]

هني مكان احد المهمات:


وهذي نقطة ضعف الوحش: واحيانا يكون للوحش اكثر من نقطة يعني 2 او 3 نقاط في اماكن مختلفة بجسمة، وكلها تستدلين فيها عن طريق رفع السيف في النور:

 

[still_waiting]

shadow of colossus
عندي هاللعبه بس شنو صعبه اخييييييييه واحس مالها معنى
كل وحش له طريقه عشان ينذبح :0bee2e8d89:

 

[Turquoiseya]

انا اتفق معاج انها مالها معنى عشان جذي وصفتها انها غريبة
بس اللي خلاني اكملها هي صعوبتها انا احب التحدي
ولا بعد النهاية تافه مو قد الوحوش اللي كسرتي خشومهم

 

[still_waiting]

هالعبه لعبه بناتيه بس شنو حلووووووة شوي عليهااا
اهم بنات مجموعه يغنون فرقه وسوين مجله لهم وكل بنت تاخذ مهمه
يعني تلعبين بكل البنات غير انج تلبسينهم على كيفح
وتشترين لهم ملابس واكسسوار وتحطين لهم مكياج
وببدايه اللعبه تشترين حيوان أليف يا قطوة يا كلب
والمهمات رووعه وطبعا عشان تحلوا اللعبه
هذول الفرقه لهم بنات منافسات لهم تحدي رووعه

هذول البنتين المنافسات لهم _03BA:

 

[still_waiting]

اورتكوازيه انا ما اقصد شي عنج بالعكس ما قصرتي وانا العب اللعبه اصلا بس شوي غاثتني هههههههههه

 

[Turquoiseya]

ستيل ويتنغ
امبيه شفيج لووول
خليتيني اشك في ردودي بانها تخرع لوووول
الاولى تولايت والحين انتي
ترى انا اعاملكم معاملة بنت اختي اللي هي كبركم يعني احبكم وكل شي اتقبله منكم

 

[still_waiting]

لا بس احنا نحبج ونخاف انزعلج

 

[Turquoiseya]

حبتكم العافية والله
واخذوا راحتكم معاي
واعتبروني اختكم الكبيرة

 

[^emy^]

قوووووه بنااات شلوونكم .. موضووع عجيب ذكرتووني فيما مضى لووول
بس شخبااري سوني 2 انا الحين عندي سوني 3 ..
كنت العب بسوني 2 سايلنت هيييييل عجيب شوي عليه ..رعب
وهذي الاجزاء اللي لعبتها

 

[toto - chan]

^_^
ترى البرت ويسكر يموت في رزدنت ايفل 5 و نزلو خبر انه ما راح يطلعونه بالاجزاء الياية يعني هذيك كانت نهايته
و نهايته شييينه المفروض يعطونه نهايه تلوق عليه :$
مو طاح بالبركان و احترق و مات ... شالنهايه الحين قاعدين نعابل وياه في كل جزء نحاول نذبحه و آخر شي جذي نهايته !!
مسكين والله

 

[Rinoa]

اورتكوازيه تعالي وانا اختج جبت لج
معاي حصن لقيمات :dddds:

لحد ياكل بس اورتوو < اسم الدلع :eh_s(6):
اضحك حياكم حبايبي ^.^

حتى تعبت ستيلانوكس عشان لعبة فاينل فانتسي واخرتها طلعت الميموري كارد خربانة عندي
انا حبيت الموضوع لاني كنت اعاني ان محد له هواية لعب نفسي لا من خواتي ولا اعز صديقاتي
ولقيت فيه على الاقل بنات يشاركوني نفس التفكير او مثل ما اسميه ماي دارك سايد

يا الله حسافه كان ودي تلعبينها
عموماً التخصص عمره ما كان له علاقه
بالهوايات , انا اذا احب شي اسويه واستانس فيه
والله امي ما ترضى العب مو راضيه عن وضعي حتى زعلت
على ابوي لانه اشترى لي بلاي ستيشن 3 لكن هذا طبعي خلاص اذا احب شيء
ما ابطله , وانا العب من كنت صغيره, سو ,, مقتنعه تماماً إني ما اترك جزء من هواياتي
او قناعاتي عشان ارضي الغير , او اعدل فكرتهم عني .. اتمنى تكونون مثلي كلكم

< قصة حياتها :krkrkr:

***

سايلنت هل 4
عندي بس ما ختمتها عالم هاللعبه
عمره ما ساعد احد يختمها :eh_s(14):

احس فيها القرف والدم بزياده , الرعب بالنسبه لي فاتال فريم او فوربيدين سايرين
اما ريزيدينت ايفل لا هذا مغامرات .. وسايلنت هل بالنسبه لي لعبه تثير الاشمئزاز :tomato2:


***

وااااااو بصراحه النظام والقصه شي احب هالنوعيه
من الالعاب اللي انعدمت بالبلاي ستيشن 3 للاسف

***

لااااااااااااااااااااااااااااا < اعصابج لوول
هذي اكره لعبه عندي وعمري ما لعبتها بس اشوف خواتي الصغار
يلعبونها , اكره هالنوعيه ما منها هدف وتحدي وحماس , احب اتحدى نفسي بالالعاب انا :eh_s(6):


***

ههههههههههههههههههههه اورتوو ذكرتيني بالحب القديم :krkrkr:
ما ادري ماني ذاكره بالضبط هالادمي شقايل المهم انه قبل كان عاجبني مخه لوول
كان يقول كلام استبدادي وتسلطي تحسينه بؤرة شر صراحه العن من سيفيروث اللي بفاينال فانتاسي ال7
سيفي كان طيب بس بعد ما عرف انه فار تجارب عند الشينرا جن وقعد وراح قتل اّريس وابو تيفا واحرق نيبلهام
واخر شي كان يبي يرتفع لمستوى الرب (استغفر الله) عن طريق اندماجه مع الكوكب بوساطة الماتيريا بس حامض على بوزه
الان ّريس استدعت الوايت ما تيريا قبل لا تموت .. بس والله قصة هالجزء شي شي , اذا عندج بي اس بي تقدرين تلعبينها ^^


***

بنات اللي تعرف سالفه لعبة grandia بكل الاجزاء تقول
امس رفيجتي تحن علي بالايميل عشان انزلها والعبها بال بي اس بي
ومو راضيه تقول شسالفتها تقول العبي وشوفي بنفسج خخخخخخخخخخ
فـ لو سمحتوا قولوا لي شسالفه ؟! خصوصاً الجزء الاول والثاني والثالث

المهم كان ودي اكتب عن كم لعبه , بس الحين بروح اسوي موضوع شكبره بحط لكم نص الانميات اللي اتابعها ^^​

 

[Turquoiseya]

ستيلا مت من الضحك وانا اقرأ ردج
وعجبني اسم الدلع اورتو يا ستيللواا
عاد تدرين نك نيمي غلط
مادري شلون طلع من مخي وكتبته
كنت ابيه Turqoiseya
يلا راحت علي وحبيت لقبي من عقب ما تعرفت عليكم

وعلى فكرة انتي مثلي بالضبط
اللي احبه اسويه000 جتني ايام ابوي وامي يطفون كهرب البيت عشان تخرب اللعبة يعني يصكرونها غصب لاني كنت اسهر000 اسهر000 عيوني شوي وتبطط من الاندماج

twilight:
نهاية البرت تسبب الصدمة والجلطة، ترى انا ما لعبت رزيدنت فايف
تدرين حبيت شخصيته اكثر في كود فيرونيكا
يا حسافة يموتونه عمى ابعينهم
يلا بقى لنا ستيف
عاد ستيف ما ارضى عليه:dddds:
لاني بجيت لما موتوه وغير اني كنت متضايقة حيل لمدة يومين واليوم الثالث نسيته :dddds:

^emy^:
سايلنت هل الروم هذي اللعبة الوحيدة اللي خوفتني لدرجة اني نمت ولمبة غرفتي شغالة

 

[^emy^]

عجييبه ذا رووم ..اذكر اول مالعبتها سكرت الليت واخترعت من اليده لما اهتزت لووول

 

[Rinoa]

عاد تدرين نك نيمي غلط
مادري شلون طلع من مخي وكتبته
كنت ابيه Turqoiseya
يلا راحت علي وحبيت لقبي من عقب ما تعرفت عليكم

شكلج تحبين اللون التركوازي ^^
انا اميل للرمادي احبه فيه غموض ^^
ويكفي انه لون شعر نوكتيس هههههههههههههه

اللي احبه اسويه000 جتني ايام ابوي وامي يطفون كهرب البيت عشان تخرب اللعبة يعني يصكرونها غصب لاني كنت اسهر000 اسهر000 عيوني شوي وتبطط من الاندماج

لا الحين تعودت خخخخخ يأست نوعا ما , بس شالت ايدها
مني خلاص صارت ما توديني محلات اروح مع اخوي الكبير :ggdw:

عجييبه ذا رووم ..اذكر اول مالعبتها سكرت الليت واخترعت من اليده لما اهتزت لووول

ههههههههههههههههههههههههههههههههه
موتيني ضحك حلو الموقف يا خوافه :tomato2:
الرابع وجزء ابي اس بي احلا جزيئيين من السلسله كلها ^^​

 

[Turquoiseya]

emy
كنت العبها بعد الساعة وحدة بالليل عشان اهلي كلهم ينامون وما يجننوني ويقاطعوني وانا العب
فتخيلي بروحي والدنيا سكون وكانت اي حركة اتموتني خوف
صج صج لعبة اتعبوا عليها المصممين
لعبت الاجزاء كلها ما عدا الاول واوريجينز
بس ذا روم كانت حدها اتخوف من قلب
وعلى قولتج لما تهتز اليدة الا انتي ترتعدين من الخرعة

 

[Turquoiseya]

ادري يا ستيلا انه شي غريب
ترى لما لعبتها كنت مشطبة على كل العاب الرعب وقتها
ما كنت اخاف كلش
بس هاللعبة هذي طلعت زبدتي من الخرعة

اما الحين كل شي اخاف منه
مرة زوجي جاب سايلنت هيل اوريجنز عشان العبه، رفضت
بعدين قالي لي انه اهو يبي يلعبه وتخيلي هم رفضت وقلت له اذا تبي تلعبها العبها بوقت النهار مو بالليل الحين
ادري بتضحكين علي بس هذا الصج
مادري شصار فيني عقب زواجي، المفروض اصير شجاعة وللاسف انقلبت دجاجة

 

[toto - chan]

هههههههههه
سالفه المكهربا حلوه
ابوي دايما يسويها في أخوي الكبير قبل لا يتزوج كان 24 ساعة مجابل السوني و الكمبيوتر فأبوي يطفي الكهربا
و انا اذا جابلت امي تطفي البلاك علي بس نادرا ما تصير هذي لان اكثر مده اخلص الالعاب فيها 4 ايام حد اقصى فما يمدي تحكم علي مجابله ولا لاء